مرحبا خواتي العزيزات أخباركم مع حملكم ..؟؟ أن شاءالله بخير ونعمة ومافيه أي أضرابات
المهم حبيباتي أنا حامل وهذا حملي الثاني وسويت أشعة مرتين وحدة عادية بالمستشفى اللي أراجع فيه ووحدة ملونة بمستوصف أهلي وكلهم قالو بنت ويارب يرزقني بها سليمة وحسنة الخلقة
زبدة الكلام ألاحظ أن حملي هذا مررة ثقيل بطني ونازل شوي وأحس بالحركة أحيانا تحت مرة كأن شي بينزل مني وأيام أحس بألم بمنطقة الولادة لمن أجي أقوم من جلستي أو أعدل نومتي من جهة لجهة
مع أن حملي الأول مالاحظت هالشي بالعكس كان خفيف وأهون من حملي هذا
سؤالي هل حمل البنت ممكن يختلف عن حمل الولد ..؟؟
الله يتمم علينا جميعا ويرزقنا بالذرية السليمة المعافاة يارب سواء أولاد أو بنات ..
شاركي في النقاش
سجلي الدخول لإضافة تعليق.
التعليقات
16- والله انا سمعت ان حمل الولد يختلف عن حمل البنت
ولا تدرين من الصادق ومن الكاذب
انا حامل بـ9 وتخيلي عملت مرتيين سونار قالو نوع الجنين( ولد) وعقبها عملت بعد قالو ( بنت ):(
وربي حيرووني يعني السونار اللي يحدد لخبطنا والواحد مايدري وش يسووي؟
بس تقريبا" ان نفس حالتك خاصه بالنوم اتعب مررررررررره
والله يهون عليك وعلي وع كافه الحووامل ..
ادعي لي ربي يسهل ولادتي تكفين:) - انا هذا ثاني حمل لى وقالوا لى بنت بعد
ولاحظت مثل مااتقولين تعب وثقل ماكان موجود فى بنتي الاولى حتى الوحام كان غير وايد تعبت فى هالحمل
وكل حمل يختلف عن الثاني
والله اعلم - حبيبتي كل اللي تقولينه صاير معاي والم فظيع من تحت وثقل مو طبيعي وانا دكتوري وراني عورتها وكانت واضحة بنت وبحملي الاولي ولد ماجاني ولاشي من هذا وصدقيني انتي وشطارة اللي مسويلك الاشعة انا دكتوري من الشهر الثالث يقولي وماشاء الله كلمته وحدة لانه مو بس بالاعضاء التناسلية لا من تكوين الجنين يعرفون والله يرزقنا الذرية الصالحة الكاملة الخلقة المتعافية ويسهل ولادتنا وييسرها يارب العالمين
- أنا كنت بحملي ببنتي نفس الشئ ..
والحمد لله على كل حال .. - أنا في حملي في بنتى ماكان هذا الشى أبد
يعنـــــــــــــــــــــــــــى
كانت ماتتحرك وايد لدرجه إن بالسادس تقريبا أو نص السادس حسيت إن في إنسان :)
وبعدين كانت حركتها دايم على الأجناب وااايد كانت يمين يسار ماكو شغاله مو تحت الأجناب :)
وكان وحامي على الحلو والآيسكريم
وطبعا طول حمالي ليمه التاسع وأنا أستفرغ ( أعزكم الله )
وطبعا قبل لا أعرف إنها بنت مابينت بشهوور الأولى نهاية الخامس عرفت إنها بنت وبالغصب لان سبحان الله كانت كله مصكره رجووولها سبحان الله يقولج البنت تستحى :) ( تعالي شوفيها الحين ولا تعرف الحياا ) هههههههههههههههههههه الله يحفظها
المهم
والحمدالله هذا حمالي الثانى ألف الحمد والشكر لك يارب :icon28::icon28:
عجيب كله الضرب تحت حتى أخاف لا أمشى يطيح شى أحس البيبي قاعد تحت وسبحان الله من الثالث وأنا أحس بثقل ماشاء الله ومالي خلق عكس حملي في بنتى
لمه قلت حق أمي طبعا أنا أمي السونار مالي الله يحفظها سبحان الله أقولها الأعراض وهي بخبرتها تقولي على بنتى قالت شكلج بنت ويبت الحمدالله بنت
والحين تقولي ماشاء الله فيج ولد وطبعا كله بيد الله سبحانه وتعالى إهى تصير صدفه سبحان الله
والأغلبيه لما أسأل عن الحركه والضرب إن تحت مو بالأجناب يقولون ولد
والله كريم
الله يتمم علينا ويرزقنا الذريه المعافيه آآآآآآآآآآآآآآآآآآآآآآآآآآآآآآآآآآآآآآآآآآآآآآآمين يارب
ولد بنت حلوين المهم بصحه وعافيه يارب العالمين
مواضيع مشابهة
تابعي تجارب أخرى من هذا القسم.