شاركي في النقاش

سجلي الدخول لإضافة تعليق.

التعليقات

301

  1. @hna11dy

    ذكريات الأمس
    يا الله انك ترزقنا بركة هالشهر الفضيل اللي اتذكره ان امي وجاراتنا يروحن يصلن التراويح وحنا وبنات جيراننا نلعب بالسلكه حقت الغسيل نولع فيها نار وندورها في الهوا وامهاتنا المساكين ما يدرون وش السالفه ماغير يشكون لبعض ان سلكة الغسيل ما ع…




    :
    يالله أقرا كل رد وكأنه يتكلم عنيّ ...!!

    كان لرمضــان جو غيّر كنا نتضايق لاخلص ..
    وننتظره الحين يبدأ ويخلص مانحس ..

    كانت الجمعه فيّه لها طعم غير ..

    الصيام نحس فيّه ونحتسب الاجر ..

    نحاول وقت صيّامنا نكون صايمين عَ كل شي ..

    يالله عَ ذيّك الإيام..

    صوت الامام.. صلاه التراويح ..
    لدخلنا العشر الاواخر شلون نكون ..!!

    وإحنا ننتظر الفطور وجمعتنا ع السفره ..
    والسحور ..

    ردودكم يابنات والله تكلمت كثيّر عن الي بقولـــه ..

    دمعة حبيّبتي أنا أخت شباصه
    جيّت أعلق بواسطه : )

    ربي يسلمك ويبلغنا رمضان ..
    وترجع أيامنا وأيــامكم بحلاتها وبساطتها قبل ..

    وكل عام وأنت سالمه يارب ..:26:

  2. @ghla_alshmal

    الله اكبر
    ياااااااااااااااقلبي .......خنقتني العبره .........بس ماصحت
    لا تنسين البزران طالعه لهم شوارب من التوت
    والوالد الله يرحمه يجلس يقرا قرآن بصوت عالي عشان يختم عند النخله بالحوش ويفتح عليها اللي عشان يسقيها
    آآآآآآآآآآآآآه ياقلبي.....الله يرحمه

    بس عيالي احنا مسوين لهم جو نحاول يصير زي جونا اول


    نعيب زماننا والعيب فينا ومالزماننا عيب سوانا

  3. @mo0o0o0o0on

    يووووووووووووه يادموعة
    في احساس غريب احس فيه الحين
    ودي اغمض عيني وارجع ايام زمان .....
    تعالي نشوف

    طبعا يوم يعلنوا رؤية الهلال ودخول هالشهر المبارك نرقص من الفرحة ونستعد لعدم النومة بدري هالليلة وانا عن نفسي انتظر البرنامج اللي يجي في القناة الاولى ..ذاك اللي يقولون فيه وش برامج رمضان وامسك الورقة والقلم واكتب متى مواعيد البرامج اللي ابيها خخخخخخخخ الله يرحمنا برحمته
    ( نجي للمدرسة الابتدائية يوم كانوا يلغون الفسحة
    بس للصغار اما احنا المفتخرات بصيامنا نلبس الطرحة البيضا ونقرا قرآن او نلتزم الصمت والعريفة تقرا بصوت مسموع ... ووقت صلاة الظهر كل وحدة بسجادتها _ماكان عندنا مصلى في المدرسة_ ياسلام على الروح الايمانية _مو بنات اليوم اللي يتنافسون على الجوالات وشنو اللي صار بالمسلسل البارحة وغيره_
    نرد من المدرسة مع شمس الظهيرة ونلاقي الوالدة قد خمرت العجين وعشان ارتاح اقوم اصلح الفيمتو والسنكويك من بدري عشان يبردوا
    ونطفي الانوار ونتمدد قبال التلفزيون اللي ينام واللي يحل الواجب واللي يشوف التلفزيون
    بعدها نصلي العصر ثم نساعد الوالدة في الجلي والتطلي والكريم كارمل
    وبعدها الف السمبوسة انا الجبن واختي اللحم خخخخخ متوازعينها
    ولما يقرب الاذان ياسلام انواع الحوسة وترتيب السفرة
    ولما يوذن ياسلام نفطر على كلمات الطنطاوي ونصلي وبعدها نقلب على القناة الثانية ونشوف لقطات مضحكة
    الكروش تمتلي اكل ونتبطح ويطلع النشاط مع الهروج والقعده الحلوة
    وقبل صلاة العشا نتجمع مع بنات عمي وكل يوم الامامة في الصلاة على وحدة
    وبعد التراويح نطلع في الحوش ونلعب مسابقات رمضانية وطبعا مثل ماقالت ذكريات الامس نلعب نجوم الليل خخخخخخخ
    ونحصل لنا كم هوشة من ورا سرقة سلك النحاس

    غير الضومنة والكيرم

    طبعا دايم السحور علي _ لاتفكروني من يومي طباخة _لااااااااااا كنت اتابع جحا واشعب الين يجي وقت السحور واصحي امي .....

    آآآآآآآآآآآآآآآآآآآه ياناس
    والله الزمن تغير كثير والنفوس تغيرت
    الحين حتى رمضان مايسلم من الهوشات والقطيعة
    لاحول ولاقوة الا بالله

  4. @dndon_2

    اللهم بلغنا رمضان
    دمعه ورديه ليش فتحتي باب مسكر منالذكريات اللي ما راح ترجع ابد
    اللمه مع الاهل وجدتي الله يرحمها وسواليفها والتعاون اللي كان بيننا مافيه خادمه ولا دلع هاليومين

    (سقى الله ذيك الايام)

  5. @ryshana

    الحمد لله على كل حال.. بعد ماماتت امي رحمها الله تغير رمضان بالنسبه لي 180درجه ..الله يعوضني ويبلغني ويثبتني على طاعته ويكون راضي عني في هذا الشهر الكريم.امييين

تابعي تجارب أخرى من هذا القسم.