طالت الغيبه وفي الاخيــر بفضل ربي عدت لكم...
متابعة النقاش، صفحة 18
شاركي في النقاش
سجلي الدخول لإضافة تعليق.
التعليقات
187- الحمد لله على السلامه وعمره مقبوله والله يرحم الوالد ويسكنه فسح جناته واتمنى لك السعاده في الدارين
اميرة حياته الحمدلله على السلامه وعمره مقبوله ماقول غير ماشاءالله عليك فعلا رائئئئئئئئئئئئئئئئئئئئعه الله يحفظك من يصدق ان الكلام اللي تكتبينه والنصايح اللي تعطينياها طالعه من الانسانه الضعيفه اللي في اول القصه والله انك افضل من كثيييييييييير معهم…
يوم دخلت جاتني دوخه متى بخلص تأثيث:42: امزح معك
مااقدر اوصف لك شعوري لما شفت البيت حسيت الدنيا بكبرها مثل الكوره بيدي من الفرحه لو اقولك جلس جسمي يرتجف من الفرحه ساعه والتركيز خلاص شويه وبيروح خفت استخف فركضت اتوضأ واصلي ركعتين شكر لله سبحانه على نعمته العظيمه .
ببيتي كانت بداية انطلاقتي لمشوار التسامح والتقرب لزوجي
ومااقول غير سبحان من حول حياة الشقى لسعاده انا مااقول انه ماتصير مشاحنات بيني بينزوجي لاني بكون اعيش بوهم :42:والدليل امس شويه بهارات جات بحياتنا بس عدت على خير
زوجي يالغاليه لما شاف انه بدأ يخسر كل شئ وشاف انه امه بدت تزودها قرر ينهي الموضوع بحسم ووقف كل شد عند حده
وانا كنت ومازلت صابره لاني واثقه كل الثقه بنظرة ابوي الله يرحمه في زوجي لما قال فيه الخير وبتذكرين مرت ايام تذكرت كلامه وقلت الله يرحمك كنت على حق ..
كيف تقربنا هذي عاد مادري كيف افسرها بس صار كل واحد منا اكثر تغاضي واكثر تسامح واكثر احترام وانا بديت اتفنن معه بعلاقتي فيه وبنفس الوقت احترم خصوصياته واحترم خصوصياتي ومادام لكن منا عالمه ومريح نفسه وشاغل وقته بما يرضي الله اقدر اقول حياتنا تعتبر سعيده
شوفي تنسين موضوع جارح مثل الي صار لي مستحيل لكن متناسيه كل شئ وبنفس الوقت حطيت اخطائي نصب عيني علشان ماكررها واعيش نفس الحاله .عصفورةالشات الحمد لله على السلامه وعمره مقبوله والله يرحم الوالد ويسكنه فسح جناته واتمنى لك السعاده في الدارين
كوب حليب الحمدالله على السلامه ونور المنتدى بوجودك مره ثانيه عندي استفسار ...كان زوجك يكتب اسامي العطور والبخور الي انت كنت حاطته ..ليش؟؟ واذا السؤال منتي حابه تردين عليه عادي حبوبه ولا كانك قريتيه.
لانهم كانوا نازلات جداد بالسوق واول ماشمهم شمهم فيني ...كتبت اسمائهم علشان ياخذ مثلهم للحبيبه لانهم اعجبوه وهو يبي كل شئ معجبه فيها علشان تزداد روعه بعيونه :)
.
.
.
فيه بنات سألوني عنها هو طلاقها خلاص وهو الي علمني مو انا سألته وعموما انا شفت ورقة الطلاق وشفت القضايا الي هو رافعها عليها.
.
.
.
جاني ســؤال يقول ليش ماسألتي زوجك عنها ؟
الاجابه لانها مو شئ مهم عندي علشان اظل على الرايحه والجايه استفسر عنها
ثاني شئ لما تعرفين انه زوجك بحياته وحده مثلا اسمها مريم بذمتك بتجلسين كل دقيقه تقولين شو اخبار مريم ؟؟
اذا فيه وحده تسوي هالحركه وتذكر زوجها بماضيه او باسم بنت شافته بموبايله ولا هو ذكره ولا كاتبه تراها مجنونه رسمي
لاتذكرينه بالماضي علشان مايحن عليه خاصه لو كان الماضي عاش فيه لحظات حنين وعشق وهيام ...فهمتوا ياحواءاتحوـوـوـر مابغى اسألك انتي من وين :42: بس عندي سؤااال ثاني حابه اسألك ياترى الدورات الي تأخديهااا عند اي مركز؟؟ واي مدربه او مدربه تنصحين نروح لهاا؟؟ وياترى اخدتي دورات عند الدكتوره ناعمه الهاشمي او قد سمعتي عنها ؟؟؟ انا طمعانه اتعلم منك…
كل المراكز نفس الشئ لانهم مايجيبون جديد كل شئ موجود ببطون الكتب بس تفرغي واقري ليش تخسرين على دوره 500 او 1000 او اكثر وكل شئ موجود بالكتب اقري ...
الدوره لو دخلتيها سعر اقل دوره وهي ساعتين 300 والمعلومات الي فيها موجوده بالكتب واي كتاب يكون ان زود سعر وانا اغلى كتاب شريته كان 49 شوفي الفرق ...
مراكز انا مابي اسوي دعايه عن اي مركز ولا عن اي استشاريه لكن الي صدق صدق ارتحت لها وشفت انها انسانه معطى وتستحق الثناء الاستاذه هاله الايام هذي من دبي بجمعية النهضه النسائيه بدبي انسانه قديره ومتجاوبه وتساعدك تسمع لك وترد على كل استفسار مو لكل استفسار جلسه ولكل جلسه 200 من اول جلسه معها تطلعين بخمس ست نصائح غير انه في دورات اسريه زوجيه ثقافيه بالمركز وهو غني عن التعريف
ناعمه سمعت عنها من المنتدى شفت موقعها مبين عليها ناجحه لكن فيه فئه تذمها وفئه تمدحها وعموما لكل شخص سلبيات وايجابيات :) مثل فوزيه الدريع فئه تذمها وفئه تمدحها لها سلبيات وايجابيات
تبين تتعلمين مني انا موجوده لك ولكل بنات حواء ووالله اني مستعده لكل شئ تبونه حياة الشقاء الي مريت فيها ماابي اي وحده تعيشها ابي كل بنات حواء سعيدات مرتاحات لانهن يستحق السعاده والراحه والهناء :26:
مواضيع مشابهة
تابعي تجارب أخرى من هذا القسم.