بعيد عن المشاكل تعالو ندردش من كملت الدراسة وهي متزوجة ؟؟

انا درست الثانوي والجامعه وانا متزوجه ولدت ثلاثه اطفال اثناء دراستي والحمدلله ماحسيت باي صعوبه لان زوجي متعااون جدا جزاه الله خير وجعله في موازين اعماله...

والله ايام الدراسه كانت اجمل ايامي اتمنى ارجع وادرس ااه يازينها من ايام..

انا تزوجت وباقي سنه على الجامعه
والحمد خلصت ودرجات ارتفعت

انا ودي اكمل بس في نفس الوقت خايفه اقصر في حق زوجي وبيتي ....انا نفسي اوفق بين البيت والدراسه هذا اهم شئ..

بسم الله
انا تزوجت وانا في ثالث متوسط وعلى طووول حملت وجبتت ولدي في نفس السنة وكملت لما وصلت ثالث ثااانوي علمي وتعبت تعبت تعبت وكنت بثالث ثانوي حامل بولدي الثالث وكملت وجبت نسبتي 96 بالمية ودخلت الكلية لان نظام الجامعة مايناسبني وكملت ونجحت بتفوق ولله الحمد ومع مرتبة الشرف ولا حملت مواد وكانت نسبتي من الكلية 89 بالمية

انا تزوجت بعد الثانوي ودخلت الجامعه مع زوجي ولا زلت بكل فخر اكرف فيها لحد الان.... لانه ضاعت علي سنتين ونص اعتذارات حمل وولاده هاللحين باقي لي هالسنه اخر سنه الله يعديها على خير يارب ... وازيدكم من الشعر بيت انا خدامتي عيت تجلس هالسنه وزوجي حالف مايقدم يقول مايحتاج خلاص عاد وحده بدخلها تمهيدي والثانيه روضه وربكم يعين...
ادعوا لي تكفون والله نفسي طابت بس اذا تذكرت انه قسمي صعب وحرام يوم مابقى لي الا سنه اترك اتحسف واقول يالله يمكن ربي يرزقني وظيفه زينه :)