اليكم قصه ولادتى للى سالوا عليها خاصه ام الحبيب حبيبه قلبى والله
انا لحد اخر اسبوع فى التاسع وكل ما اروح للدكتوره تقولى الراس تحت بس لسه منزلتش الحوض ..لحد قبل الولاده بيوم رحتلها قالت لى الراس متحركتش 1 سم للحوض وانا بصراحه مكنتش بمشى خالص من اول ما دخلت فى التاسع ..وتانى يوم على الساعه 6 الصبح حسيت بالم الطلق منتظمه بس كنت تعبانه ونمت وصحيت 1 الضهر على الام فظيعه كان الفرق بين كل طلقه والتانيه دقيقه واحده بس ودخلت الحمام لقيت دم فاتصلت بالدكتوره قالت لى تعالى على المستشفى فورا ..وانا طول السكه بقرا الادعيه والاذكار على امل انى اولد طبيعى ..ووصلت المستشفى الرحم كان مفتوح 4 سم بس على الطلق ده كله والدكتوره قالت لى الراس لسه منزلتش الحوض ولو مولدتيش قيصرى حالا الرحم ممكن ينفجر من شده الطلق ...قلتلها قيصرى قيصرى مش مهم بس اولد والبنت ميحصلهاش حاجه ..كل ده لم يتعدى الساعه ..ودخلت اوضه العمليات وادونى بنج كامل ومحستش بحاجه غير وانا فى اوضتى فى المستشفى واول ما صحيت حسيت بالم لا يطاق فى بطنى وبعدين عطونى المسكنات ..بس والله عن تجربه انا جربت الولاده الطبيعى والقيصرى ..الطبيعى اسهل الف مره وزى ما بيقولوا وجع ساعه ولا كل ساعه ...انا مكنتش بقدر ارضع بنتى ولا اروح الحمام ولا اتقلب على جمبى وحاسه كانى عاجزه وكنت ببكى من الاحساس ده لانى حاسه انى مقصره مع بنتى فى الرضاعه واضطريت اديها صناعى لحد ما فقت بعد اسبوع بالضبط والله ..
معرفش انا الموضوع طول معايا ولا كل اللى ولدوا قيصرى عانوا زيى كده ...وبعدين انا شاكه ان الدكتوره كان ممكن تولدنى طبيعى بس استسهلت ...اللى عندها خبره يا ريت تفيدنى ...لانها كمان قالت لى بعد كده الولاده قيصرى مينفعش طبيعى ...مش فاهمه ليه برضه؟
دى قصه الولاده بالتفصيل عشان خاطر عيون ام الحبيب وكل بنات المنتدى الرائع
تجمع امهات مواليد اغسطس.سبتمبر.أكتوبر (الجزء 7)>> يرجى فتح ملف جديد
متابعة النقاش، صفحة 96