يا بنات الحين هم يرمون عيالهم ويجون هنا وانتم تستامنون عيالكم عليهم هذول ما عندهم رحمه شوفي اذا انتي خايفه منها رجعيها قبل لا تكمل 3 شهور واطلبي بديله قبل لا تخلص المده اما اذا ودك فيها افتحوا لها حساب بالبنك هنا وقولوا لها انتي لانك خدامه نظام السعوديه يقول ما فيه بطاقه صراف كل شهر اعطيك ورقة بنك تشوفين فلوسك كم صارت وانتم خلوا البطاقه السحب معاكم بالتجوري والا اي مكان وكل شهر نزلوا لها راتبها (اعطوا الاجير اجره قبل ان يجف عرقه) واخذوا ايصال من مكينة الصراف بالنقليزي والعربي كل ما ينزل الرتب واعطوها اياه وقولوا لها اذا جيتي بتسافرين نوديك البنك تسحبين الفلوس قولوا الحين نظام جديد من جكومة السعوديه وسفاره هنا والشرطه عشان تهاب وتقتنع وانتم لا تحرمونها من الراتب وتضمنون انها ما تقدر تسحبه لو انحاشت انا خدامتي من يجون اسوي لهم هالحركه وبعد ما يكملون 6 شهور ويبون يرسلون فلوس اخليهم يرسلون راتبين والا 3 بالسنه والباقي بالحساب
على فكره ترى لازم تقفلين الباب ولا تخلين طفلك عندها
شوفي لازم تحتفظين بالاقامه - والجواز- وبطاقه الاحوال حقتهم (ترى هذي زيها زي الجواز تقدر تبدر امورها فيها ) دايم يحتفظون فيها سواء بينحاشون والا لا تلقينها ببوكها خوذيها وقولي بنحطها بالبنك مع الفلوس وتعاملي معها زين تلقينها زينه واذا تعاملتي معها بخشونه بتردها لك ادري ان بعضهم خطرات بس اذا خايفه من الان رجعيها من المكتب :09:
انتبهي نفس الي سار لي تبي ترسل فلوووس للمكتب وبعد ماارسلت معاد شفت الا غبارها الحرمة انحاشت هربت والادهى من هذا كله ان جوازها واقامتها عندي كانها تقووول بليها واشربي مويتها ولي سنة لامن شااف ولا من درى
ياحبكم لظن السوء شوفي يا اختي أغلبهم يكونون متسلفين فلوس جيتهم او راهنين بيوتهم ولا حاطين كفيل... وهذا حصل مع كل الشغالات اللي يجون عندنا....لأن رواتبهم الاولى لما يحولونه لأهلهم يودونها للمكتب ولو ما سددوا في الوقت زي البنك يصير في فايده يابنات والله هذولاء مساكين وأحسنوا النيه واتوكلوا على الله ماجات الا من حاجه