يسعد مساك ياقلبوو
تصدقي , فكرتيني بنفسي السنه اللي فاتت كنت زيك مررره حايسه مع حكاية اللوك الجامعي ككل
والبنات ماقصروا معايا
ومع هدا تخيلي , بقيت زي ما انا لوكي مررره كيوت وناااعم , بدون اوفر ميك اب ولا حتى اساس ولا هم يحزنون
وبما انك من جده فحلوو , حأقدر اساعدك في حكاية الماركات
اوووول شي ,,
واقي الشمس:
شي اسااااااسي وشوفي الشي اللي يناسبك والاحسن لو تستشيري دكتور جلديه عشان يعطيكي الشي اللي يناسب بشرتك
الكحل :
حطي ببالك 4 الوان لااااازم تتوفر عندك
(الاسود , خديه من ماك ومن جيفنشي نصيييحه مني انا كل يوم استخدمو ومرره لزيزين)
(الاخضر والتركواز وبني , خديهم من مكياجي اقلامهم مره لزيزه وعملية للجامعه)
(تركواز وسماوي , برضو من ماك اللي عندهم لونو افتح من اللي في مكياجي ومره كيوت)
هدي الاقلام بالنسبه ليا اكحل عنوني من جوا بالاسود وبعدين تحت العين بواحد من هدي الالوان واموه اللون بالاسفنجه تبع الكحل ,, ويطلع شكل العين مررره لزيز ماشالله , تحسي فيها نضاره وصحه
البلشر :
اكتر شي جربتو ومرره كيوووت خاصة للصباح
1- من بينيفيت bene tint (اللي زي المناكير اكيد عرفتيه) هدا قد ما امدح فيه اتعب , وكتييير بنات نصحتهم فيه وانبسطو منو , يخلي خدك متوووورد كانو طبيعي محد يشك انك حاطه شي مرره لزيز , والماركه هدي تلقيها في فيسز (وجوه) اللي بعزيز مول
2- بلشر من بودي شوب افتح درجه اسمها raspberry pink مررره لزيزه بس ما ادري ادا موجوده دحين لانها من زمان عندي , وساعات احطها على شفايفي وفوقها قلوس شفاف ولا فازلين ويطلع لونها ماشالله مررره لزيز
3- من جيفنشي رقمها 03 eurphoric orange
4- برضو من بينيفيت بلشر مررره ناااعم وفيلو لمعه حلوه للصباح , بس لونو فاااتح وفي منو على خوخي , اسمو dande lion مررره لزيز لونو وردي
بعد كدا عندك الماسكرا:
احلى شي تبع لانكوم بس احبها اكتر شي للسهرات لانها تقيله اسمها hypnose
بس للصباح تقدري تاخدي من مايبلين اللي اسمها XXL تلقيها في هايبر بنده وجيان وسيتي بلازا لهم بوتيكات صغنونه
بالنسبه للقلوسات انا ماخده من جيفنشي الوان نعووومه
ماخده واحد على اورنج , وواحد فوووشي و واحد بيج ومرره كيوت كلهم بس للاسف مهم معايا دحين عشان اكتبلك ارقامهم
وعندك كمان ارواج ميك اب فور ايفر اللي تجي باليته , خدي اللي على خوخي واورانج حلو للصباح وانعم من الفوشيات والالوان الصارخه
برضو من ماك عندو تشكيله حلوه
اممم بالنسبه للاساس انا ما استخدم , مو كويس كل يوم تحكي اساس حرام بشرتنا لسا بيبي حرام نبهدلها بالميك اب
بس ادا مرره استخدم من ماك بودره ستديو فيكس , وصراحه ماعمري استخدمتها بالجامعه , مو عشان بشرتي صافيه لا بالعكس بس لانو حرام اعدمها بيدي :09:
ايش كمان باقي؟
اعتقد خلاص هوا هدا وزي ماقلتلك ماعليكي من اللي راح تشوفيه من مبالغات والاوفر ميك اب , خليكي ناتشورال قد ماتقدري منو انتي تحسي براحه وماتحوسي في وجهك لما ترجعي البيت ومنو شكلك يكون طعم اكتر عالطبيعه من شوية رتوشات زي ما اتفقنا
وبما انو الجامعه عندكم شمس , ضرووووري تاخدي سن غلاسز (نظارة شمسيه) بدرجه حماية من الشمس تكون كويسه , ولا تبخلي على نفسك بماركه حلوه وسعرها فيها
وزي ما قلتلك حكاية واقي الشمس
وبس هوا هدا
ادا في اي استسار اديني خبر وبحاول قد ما اقدر اساعدك
:)
الجامـــــــــــــعة قربت وانا مستجده افيدوني بخبراتكم
متابعة النقاش، صفحة 2