ҳҲҳ·ملـتقى قمآري حوآء ... استفسآرات وسواليف بخصوص الميك اب .. حيآكمҳҲҳ·

ملتقى رائع قماري حواء ويعطيك العافية انسة صرقوعه على الفكرة ..وطبعا ماننسى مجهود ميكوبة الواضح في الردود يعطيها الف عافية على مجهودها الرائع الله يجزيك الف خير متابعاكم ومستفيدة من تجاربكم واعذروني لان ماعندي اضافات او مشاركات فقط متابعه لكم .

اختكم :ريحانة

بصراحه محلات أبو ريالين دمار , وتشويه للبلد .

في أوروبا كل شيء مصنوع بالصين مقاطعينه حالياً طبعاً إللي مو ماركه وهم يرسلون لهم الأفضل مابالك بحنا إللي يرسلون لنا الزباله وإنتِ بكرامه .

أنا ضدها بكل صراحه .

ارتوسة يا قلبي أنا معك في اللي قلتيه عن أبو ريالين

بس بقولك على مقلب حصل معي
رحت لزيرو ون بشتري لبناتي بكل واكسسوارات شعر
وعاد هم حقين فشخرة يبون كل من يسألهم عن اشياءهم يقولون ماركة
المووووهيم خليك معي وفتحي عينك زين بتجيك المفاجأة
عاد بنتي الكبيرة لقت مشط هذا اللي يدخلون في الشعر من الأمام وعجبها وهي تطلق هذيك الصرخة اللي من يوم سمعتها قامت بطني تعورني من الخرررعة
اختك صارت خوافة من الظروف اللي مرت فيها :icon33:

وإلا هي تقول امي امي امي تكررها ثلاث مرات واطير وش فيك يا بنت قالت امي هذ المشط اللي ادوره ابي اكشخ على البنات واقولهم من زيرو ون

قلنا طيب شيلي اللي تبينه وكان ودي اصكها كف عشان ما عاد تصرخ طيرت عقلي هالخبلة

اوك ؟
وهاتك وتزخ لك اربع مدري خمس ألوان والواحد بــ19 ريال ومبسوطة وطول ما احنا في السيارة إلا هي واختها يهمسون لبعض وش بيسون في المدرسة وهاتك ضحك ومبسوطين

المووهيم ما لك بطوالها
واتذكر أبو ريالين قلت لولد أخوي وقف حبيبي ابس علبة بنس

وتجيك المفاجأة وانا قاعدة ادور بنس إلا ولد يضحك ويتلوى وأنا يا غافلين لكم الله قاعدة فاتحة فمي معه شوي من الفرحة وتطلع سنوني إني مقضية لبناتي وماركات

وراااح طلع يده من ورا ثوبه وهو يقول عمتي وش رايك بهالمشط هذا ؟ وعيونه مليانة دموع من الضحك :arb:

وعينك ما تشوف إلا النور بغى يغمى علي وكأن أحد معطيني كف على وجهي تصدقين ارتوسة قسم بالله طلع نفس المشط اللي اخذناه من زيروو ون نفس الشكل واللون والله لو كمبيروتري مو خربان واعرف انزل الصور على النت كان سويتها

وارجع واقول يا ولد إنت غلطان قال اقول تعالي نسأل راعي المحل
ويروح ولد اخوي ويطلع المشط اللي من زيرو ون والمشط اللي من عنده وقالنا هذي مو أول مرة تحصل كذا زبون يجي بنفس الحكاية

طلع أبو ريالين مو كلااام :42:
يقولنا اي شي تبون رخيص وهو غالي بس وروني هو وأنا اجيبه لكم

والمشكلة مو المشط لكن المشكلة في البنات اللي فرحانين ههههههههههههههههههههه

ما عرفت كيف ابدأ معاهم , واقولهم على السالفة وقعدوا اشوا يضحكون وفررر على أبو ريالين وياخذون لك جميع الألوان
وفي السيارة اسمعهم يقولون لا تقولين من زيرو ون بكرة تلاقين بنت لابسه مثله وتقولك من أبو ريالين وتخلينا مضحكة

خلينا نبين لهم إننا نشتري من أبو ريالين بس مو اي شي نشتري مثل اللي عند زيرووو ون

اهب عليهن من بنات بعدين رجعت الصغيرة تقول لأختها يا شيخة المشكلة أمي اللي تورطت فيها اخذتها من زيرو ون غالية والحين بريالين ويضحكون

والتفت عليها واقولها وأنا اوريك في البيت إن ما توطيت في بطونكن :angry2:

وخلصت الحكاية بس اللي قاهرني يا بنات إنه نفس الشي
لون وموديل وشكل والله احترنا أبو ريالين زين ولا مو زين
وعن نفسي أنا اتعامل مع أبو ريالين بس مو في أي شي
وسلامة تسلمكم يا بنات ويا أرتوسة .

دمتم بكل الـــــــــــــــــــــــــــــ ود

معك صرقوعة
شوفي ردي عن أبو ريالين وقولي لي رايك ؟

دمتي بـــــــــــــــــــــــ ود

مشكوره ياام الذوق Make up artest يكفي انك ذكرتي اسمي



الصراحه سلاتونه............................
مت ضحك على سالفه بناتك الله يخليهم لك حسيت كأني معكم ،، هذي مشكله ابوريالين

،،
الحين المشكله محلات الماركات بدو يلعبون علينا صاير زار يطلع كولكشن ماعليه طبعه زارا ومدري بكم وبصراحه بضاعتهم رديئه ،، شفت قبل شهر مدري انضف ولا لا بس كان ساتان قماش تايقر على شكل جلابيه ويبيعونه بـــــ 450
المشكله قعدت اقلبه عشان اتـأكد منه خياطته مش ولا بد والقماش عادي جدا!!!

ومره ثانيه قبل سنه شريت من مانجو بلوزه خقييييييت عليها جايه على تيشيرت ،، الموهم مالكم بالطويله بعد سنه والله لقيتها بزارا وعليها طبعه زارا طبعا تعرفون ماحبيت افتح باب مسكر علي >>>> ماعلمت زوجي ولا كان محاضره عن النصب والاحتيال بصراحه اكثر حقدت عليهم مايكفيهم اللي يجيهم فلوس وبضاعتهم اغلبها تصنيع الصين والهند وبرخص التراب بس ابن ادم طماع مايملى عينه الا التراب .......!!!!!!