ساعدوني في حل مشكلتي الله لايهينكم

السلام عليكم ورحمة الله وبركاته
هلا بخواتي عندي مشكله مع ابني وعمره سنة واحدى عشر شهرا يعني الشهر القادم بيكمل سنتين ....

والمشكله هي انه ما يتكلم بس يتكلم الكلمات البسيكه مثل ماما وبابا وجدو وماء الكلمات الصغيرة والسهلة بس إذا يبي حليب يقعد يصيح ويصارخ وانا اجلس افهم واقوله قول ابي حليب قول ابي نن بس هو يقعد يصاااااارخ وإذا يبي اي شي مايتكلم يقعد يصارخ ويبكي ويعصب وما ادري كيف افهم واعلمه ....:06:

خواتي ردو علي الله لايهينكم ....محتاجه لمساعدتكم ....:44:

7 تعليق 725 مشاهدة

شاركي في النقاش

سجلي الدخول لإضافة تعليق.

التعليقات

7
  1. اصبري عليه
    بعض الاطفال بعد سنتين ينطلق لسانه وبعضهم اكثر بعد
    بس حاولي دائما تتكلمين معاه
  2. @tolan_1

    اولا الولد عادي يتاخر في لكلام شوي خاصة اذا كان الكبير ومامعه اطفال في البيت
    ثانيا حاولي تعطينه زبده او سمنه مخلوطه مع تمر شوي مره فركي فيها فمه كل يوم وبعدين لما تعطينه اي شئ تكلمي معه مثلا لما يصيح يبغى حليب قولي تبغى حليب انا بجيب الحليب يالله حبيبي خذ الحليب وهكذا لا تتوقعين يرد بس خليه يسمع وممكن وانتي تلعبين معه تخلينه يشوف حركة فموانت تتكلمين يعني تحاولين تحركين شفايفك بوضوح وهو شوي شوي يحاول يقلدك ولازم تشغلين عنده قران اناشيد برامج اطفال وحطيه وقت معين يسمع ويشوف علشان يتعرف على الكلام بشكل اكبر والنقطه الاخير طول ما نتي قاعده معه تكلمي لا تسكتين ابدا كل شئ تسوينه تكلمي عنه مثلا انا ارتب البيت الحين نمسح لطاولات بعدين نمسح الارض
    واذا طول الولد على هذي الحاله لازم تعرضينه على اخصائي نطق علشان يشوف الاسباب :27:
    وعقبال ماتكتبين موضوع انقذوني ولدي ازعجني بكثرة كلامه:17:
  3. @allalaa

    صاحبة الموضوع
    جزاكم الله خير يا خواتي على الرد الطيب ....

    ام ياسمين الحلوة
    تسلمين إن شاء الله عقبال ما اكتب الموضوع الثاني وهو ولدي ازعجني بكثرة كلامه ....

    بس عندي استفسار ...شو فايدة الوصفه إلي عطيتيني إياها..( تعطينه زبده او سمنه مخلوطه مع تمر شوي مره فركي )

    أختكم في الله
    اللآلىء


  4. لي أخ ما أتكلم إلا..........



    بعد ما كمل ثلاثة سنين ولما نطق ..:06:









    تكلم بالفصحى..:42:


    لأنه متابع لأفلام الكرتون..

    أنتي أهم شيء أحرصي لا يكون كلامك معاه baby talk
    يعني سمي كل شيء بأسمه..ويوم ما حتتفاجئي بيه يقولك جملة صغيرة...
    والله يحفظلك إياه..
    تحياتي...:26:
  5. @aakd_algman

    ولدك مثل ولدي تأخر ما تكلم هو الحين كمل الثلاث سنوات وسبعه شهور

    بس كلامه على قده مو مثل الأطفال الباقين سوالف
    وهم اصغر منه بس يمكن لأنه اول واحد ولا كان يختلط مع اطفال كثير بس كنا نشغل له برنامج مواهب وافكار وكان يحبه مره ولا يفارقه وتعلم منه كثير
    والحين بسم الله عليه يعرف الحروف والأرقام وبعض الألوان والأشكال

تابعي تجارب أخرى من هذا القسم.