شاركي في النقاش

سجلي الدخول لإضافة تعليق.

التعليقات

671
  1. @nsrrrryn

    بصرررررررررررررررراحة موضوعك يستحق التثبيت ويكون مرجع للبنوتات والف شكر لك يالغالية والله وفقك للخير دائما
  2. صاحبة الموضوع
    نسررررين

    مشكوووره حبيبتي وان شاء الله يثبت لتعم الفائده على الكل
    تسلميين يالغاليه الله يحفظج من كل شر
  3. @snoby_1

    رووووووووووووووووووووووعه موضوعك
    اغراضك حلوه ونفسيتك احلى واحلى
    والله كتبت اشياء كثيره وناويه اشتريها من مدحك لها الله يهنيكي ويحفظك من كل مكروه
    حبيبتي انا وحده مره عليميه بالمكياج وحبيت اسالك عن القليتر هذا كيف استخدمه



    كمان لو تفيديني في الصوره هذي كيف اعملها بالخطوات والتفصيل
    والله ما سالتك الا لاني شفت ذوقك لا اله الا الله
    انا بانتظارك يا لغلا
    خدمك المال والبنون والزوج الحنون:26:
  4. صاحبة الموضوع
    هلا الغاليه
    اول شي منوره الموضوع ومشكوره على المدح وثقتج بذوقي الله يسعدج من ذوقج حبيبتي



    وان شاء لله تفيدج طريقتي.. واذا حابه يكون مكياجج ناجح اهم شي تكون الفرش المستخدمه ممتازه حتى لوكانت غاليه مابترجعين تبدلينها الا بعد فتره طويله لانها بطول عندج وهيه تسهل وضع الميك اب مثل مانتي عارفه

    وهالفرش اللي عرضتها هيه تادي الغرض وماله داعي اشتري مجموعه كامله

    والطريقة بتكون باستخدام الفرش اللي عرضتهم

    بسم الله

    طبعا فالبدايه نوزع البيس او الكريم المرطب ثم الاساس والكونسيلر والبودرة

    واخر شي اللوس باورد تحت العين





    اول شي باستخدام فرشاة نارس رقم8 اللي فالصور تحطين اللون المشمشي مثلا على كامل الجفن المتحرك وابتعدي شوي عن زاوية العين الداخليه.. على فكره هالفرشاه ممتازه ووايد بتسهل عليج وضع الايشدو


    بعد ذلك ضعي بالإسفنجنه رقم7 اللي من بودي شوب اي لون فاتح فالزاويه الداخليه للعين مثلا شدو نايلون ونزلي شووي تحت عند مدامع العين مثل ماموضح فالصوره اللي نزلتيها


    الان فوق الشدو المشمشي نضع لون بني مثلا بفرشاة الدمج رقم 6 من ماك وتدمجين بطريقة دائرية عدة مرات

    اهم شي الدمج بعد بين كل خطوه عشان يطلع المكياج ناجح

    وبعدين على عظمة الحاجب تضعين لون مناسب ذهبي لؤلؤي اللي حابه انا استخدم اكثر شي نايلون على حسب الالوان اللي تحطينها

    ارسمي عينج من تحت بالكحل اللون اللي تحبينه مثلا رمادي

    باستخدام الفرشاه المشطوفه رقم 10ضعي على الكحل شدو اشود مثلا اللي من ماك Black Tied
    ورفعي على فوق بالفرشاه في اخر العين.. ترى الفرشاه هذي تنفع للشدو بعد مب بس الكحل الكريمي

    وبين كل فتره اسخدمي فرشاة ازالة الشدو المتساقط رقم 1

    وممكن تدمجين اكثر تحت بالفرشاه رقم 9 من ماك بالايشدو الاسود تطلع احلى بوايد


    واخر شي لو حابه ضعي بقلم الجليتر داخل فبداية العين وعند مدامع العين تحت ومدي شوي لين نصف العين من تحت لازم يكون القلم مبراي عدل

    وانهي الميك اب بالمسكرا والبلشر والقلوس المناسب



    *وبالنسبه لأقلام القليتر ممكن تستخدمينها على عظمة الحاجب وككحل خاصه الأسود رووعه وطبعا عند مدامع العين



    اتمنى تكون طريقتي سهله عليج وافدتج فيها:smile:
    دعواتج ان الله يشفي امي وزوجي

    واي طلب ثاني من عيوني حبيبتي

تابعي تجارب أخرى من هذا القسم.