تعبت أشكي تعبت أبكي تعبت أحكي مآسي الروح
قتلني الوقت بصروفه .. ذبحني و جفف أنهاري
أخبي علتي و اسكت .. و أنا في داخلي مذبوح
أجامل و ارسم الضحكة.. و أنا قلبي على ناري
أحاول والله يعلم بي .. أداري دمعتي لا ابوح
أدري الجرح و اتجاهل عن اللي ينشد أخباري
أقول بخير لكني جريحة و في حشاي جروح
صداها لو دفنته يوم .... يبين سنين بأنطاري
صرخت بحسرتي يكفي صرخت بصوتي المبحوح
ألا يا وقت وش ذنبي عشان ألفيك بأعذاري
تبعثر حلمي قدامي .. و غديت بدنيتي منزوح
وقفت و لا قدرت أجمع مغير مشتته افكاري
أمني النفس و اخدعها و أقول ان كربتي بتروح
وهي والله مولوده قدر.. فأرحام أقداري
قتيله و البقا براسي في دنيا ما بها صلوح
قتيله و القهر قاتل .. من اللي ياخذ بثاري
أنا ببقى ضحية وقت أعاني و العنا مجروح
دعيت اللي خلق يرحم رجيته ربي الباري
أبي أسعد أنا بلحظة قبل نزعه توافي الروح
قبل ما رحل عن الدنيا و أروح لآخر دياري
أنا بحمل صديد الجرح في باقي وقتي المسموح
و اذا وافتني القدره ترى هالبيت تذكري
رثاني دمعي الطاهر في صمته ما رضى بالنوح
رثتني قسوة الدنيا . ورثتني حتى أشعاري
و جزت اللي ذبح قلبي و عشته بالخفا مشروح
لجل ما ضعف بعين اللي نشدني كيفها أخباري
رسائــــــل جوااااااااااااااال
متابعة النقاش، صفحة 9