شاركي في النقاش

سجلي الدخول لإضافة تعليق.

التعليقات

921
  1. @ryh_alamakn

    صاحبة الموضوع
    Gardenya
    السلام عليكم انا عندي مشكله مع زوجي احسن انه مايراعي شعوري:( مع اني ماقصرت معه ومعا بنتة ومع هذا دائم يزعل والمفروض اليزعل انا ابي نصيحتك :(:(:(
    والله يااختي موضوعك عام جدا
    وانا يمكن ماني حلال مشاكل بقدر مااني اعطي فكرة عن شخصية الرجل
    ولكن نصيحتي صارحيه وابدأي بنفسك بإصلاح الأمور
    ترانا كلنا نعتقد اننا مانقصر ومانخطي وان اللي نسويه هو الصواب ولكن لو ركزنا نلقى اننا مجانبين الصواب
    واذا زوجك زعول تلاشي مايزعله وابحثي عن الجوانب السعيدة
  2. @zyzafooon

    ياجماعه الخير الزواج شركه بين اثنين للبناء والانتاج وللحصول على الانتاج المرضي لابد ان يكون البناء سليم وصحيح
    لو احد فيكم يبغى يبني بيت راح يختار افضل انواع الطوب والاسمنت والحديد ووووووو الخ علشان يحصل على بيت بالمستوى اللي يرضيه
    اذن هذا هو الزواج
    خلونا نرجع لكلام الرسول راح نجد ضالتنا
    نبدا من الاختيار للا سف اغلب العوائل الخليجيه يتم الزواج من دون السؤال لا عن البنت من ناحيه اهل الولد ولا العكس
    بالنسبه للمراه حذر اانبي المصطفى من خضراء الدمن وهي المرا الجميله ولكن سيئه المنشاء ورده حلوه ونابته في الدمن ويقول تخيروا لنطفكم ووصى في المراه الولود الودود
    اما بالنسبه للرجل قال المصطفى (من جاكم ترضون دينه وخلقه زوجوه)
    وهذي اهم نقطه لبناء اسره متكامله ولازم يكون في تكافؤ ديني واجتماعي ومادي وثقافي
    وبسبب اختلاف التكافؤ تحصل كل المشاكل الزوجيه راح اعطيكم مثال انا اسرتي رفضوا ناس كثير لدرجه اني ياست ابويه يزوجني والسبب يبغى الاختيار الافضل هذي حياه مو لعبه خذني جيتك ابويه يفصفص العريس الين ما يقطع جلده
    النقطه الثانيه احنا محرم عندنا الاختلاط بين الجنسين مانعرف غير المحارم اللي احتكاكك فيهم بسيط والنظره اللي تزرعها الام في بنتها عن الرجل انه شي مهول ويخوف هذا الشي خلق اكبر فجوه
    وللولد انت رجال كن كذا وكذا
    اذن الاهل وتربيتهم لها دور كبير علاقه الام الاب مع بعض وعلاقتهم في ابناءهم يعني الولد اللي تربى في اجواء عائليه متوتره او البنت مش زي الولد ولا البنتاللتربوا في استقرار عائلي الخلاصه ما يحدث للابناء في زيجاتهم ما هو الاصوره لحياه الاباء
    الرجل اللي يحس صعوبه في فهم زوجته كان بينه وبين اخواته وامه فجوه وعدم تقارب ونفس الشي للبنت نلاقي الرجل الحنون المحب علاقته ممتازه في اسرته لانه فاهم امه واخواته اللي هم اناث
    اذن عمليه الاختيار للزوجه او الزوج لها معايير دقيقه للاسف مجتمعنا مافيه الوعي الكافي
    نجي لبعد الزواج لابد ان تكتشف المراه عيوب ومميزات في الزوج ولاتتوقعين انه راح يجي الزوج بالحبه زي ماانت تبغي لابد من الصبر لفهم هذا الرجل واول شي تركزي عليه المميزات واللي للاسف النساء تتغاضى عنها وتركز على السلبيات وتقعد للزوج قعده الشر ياانا يا انت
    وفي شي انا اكتشفته بعد 7سنين زواج ان مهما تبذل المراه من جهد لارضاء الزوج وهي مش فاهمه تركيبته النفسيه وشخصيته مارح تلقى نتيجه
    بعض الحريم بل الاغلب ليش الرجل الشرقي مو رومنسي ولاهي راضيه تقتنع ان هذا امر مفروغ منه وهذي طبعته
    تسعى المراة جاهده لارضائه باللبس والغنج والاكلات والكلام الحلو وووو حبيبتي اعطي نفسك فرصه لفهم شخصيه زوجك واعطيه فرصه ليفهمك انت وتاكدي ان الرجل اذا فهم نفسك راح تحصلين على كل اللي تبغيه والرجل هذا تراه انسان مو وحش
    والله ثم والله مافي واحده اعرفها واشتكت من زوجها اللي وفي غلط في اي مكان
    تشتكي الزوجه من سهر الزوج باستمرار ولا يرجع الامتاخر معليش اختي اقول للك انت السبب من البدايه احاول اعالج المشكله بحكمه وتروي وحسب الظروف والموقف في حلول وهكذا
    وفي نوع من الاحساس اذا زرعته المراه في الزوج فهي سعيده وهواحساسه فيها كلها من راسه لرجلها
    لمن اولد مااروح بيت اهلي ليه اروح بيت اهلي وبيتي انا اقدر اقوم بنفسي وهو مار اح يقصر انا ما جبت البيبي من الشارع الله يعينه يسهر ويساعد مافيها شي لازم يتعود ويعرف انه في وضع اسره مسؤؤل زيه زي
    يخدم نفسه ليه لا علىعيني اطبخ واغسل واكوي بس موكل شي على ظهري لازم يفهم هذا الشي وكل الشي بالذوق والادب والتفاهم
    وسكوت المراه على كل غلط حتى لو صغير يؤدي الى تفاقم المشكله لا معليش حصل شي حتى ولو بسيط نوقف عند وناقشه بادب وهدوء والالتزام باداب النقاش راح نوصل لحل مرضي للطرفين
    شعور الرجل برغبه الزوجه في السيطره راح يركب جناحين ويطير
    يرغب الرجل في ان المراه تحسسه بانها لاتستغني عنه وانه رجل البيت وهو اللي يحل المشاكل ويهمها رايه
    باقلكم على شي زوجي دينه ودين نزله السوق يجلس ورايه يالله يالله الين عرفت وش السبب وهو انا وانانيتي من غير ما ادري صرت انزل السوق معاه من ضمن المشتوات اشاء تخصه ايش رايك ندخل تشتري عطر ....ايش رايك ناخذرست كوفي وحلى ..... وصار لما اقول السوق يسابقني المشاركه ثم المشاركه ثم المشاركه
    وفي اشياء كثيره ودي اتكلم عنها بس فيني نوم وراح اكمل معاكم
    بس نسيت اشكر الاخ ريح الاماكن على طرح الموضوع بصراحه الموضوع رائع وممكن نوصل لحلول لمشاكلنا وعفوا على الاطاله
  3. انت ذكرت لي هالنقطه

    ان اسلوب المرأة احيان يجعل الرجل اقدر على الخطأ


    ممكن تشرحلي بالتفصيل !!!
    و

    و


    و

    ايش افضل الحلوول مع الرجل العصبي ؟؟!!!


    بأنتظااارك
  4. ريح الأماكن
    صدقت خفوق وصح لسانك مشكلة النساء انها تبي زوجها مثل ولدها تعدل وتبدل في كل شي فيه تبي تغير اطباعه زي ماتبي ولهذا تصطدم معه وتكثر المشاكل ناسية انه انسان تربى على شي معين وله صفات واطباع مايمكن تتغير الغ شكر لمداخلتك الروووعه
    تسلم اخوي على موضوعك الرائع بس ابي اعلق على كلامك السابق ان هذا الشي تجده في الرجل والاردى انها تعتبر صفه عامه لهم لانهم يبون المراه يشكلونها على حسب رغباتهم وحسب اهواءهم واذكر اني قريت مقاله كتبتها احد الاخوات

    ان الرجل يحب المراه الذكيه لكن تكون في منتها الغباء في الاشياء الى يبيها تستغبي فيها خخخخخ يعني يحبون الملكعه هههههههه ومايحبون الصريحه ذو الشخصيه واضحه المعالم


    وللاسف هذا الشي ملاحظته في كثير من الرجال واذا وجد ممانعه من المراه على التغيير يثور ويفتعل المشاكل ويختلق بلبله من منطلق (انتي ماتبي الخير لبيتك؟؟؟؟؟ انتي انانيه؟؟؟انتي الشمعه ؟؟؟) بصراحه اتمنى ا خش عقليه الرجل وافهمها احس فيه نوعا متهات واجده خخخخخخخ


    اكرر شكري وتقدري لموضوعك الروعه
  5. @mykaaaato

    زيزافووون
    ياجماعه الخير الزواج شركه بين اثنين للبناء والانتاج وللحصول على الانتاج المرضي لابد ان يكون البناء سليم وصحيح لو احد فيكم يبغى يبني بيت راح يختار افضل انواع الطوب والاسمنت والحديد ووووووو الخ علشان يحصل على بيت بالمستوى اللي يرضيه اذن هذ…
    مع اني غير متزووجه وليس لي خبره جيده بطبع الرجل ولكن اعجبني رد الأخت زيزافووون فعلا اقتنعت به
    وشكر لصاحب الموضوع فمهم جدا أن نفهم نفسيه وطباع الرجل فهذا بأذن الله سوف يوفر الكثير من الاصطدامات في الحياه الزوجيه وشكرا

تابعي تجارب أخرى من هذا القسم.