فيه شي ماانت عارفته بالرجل !!.. تعالي

بعد أذن صاحب الموضوع الفاضل

أسمحي لي يا نجدية أجاوبك لحد ما يجي أخي الفاضل ويرد عليك والله قلبي محروق عليك
ليه تتركين زوجك لوحده تاخذه منك ليه ؟؟
بهالسهولة وليه تتنازلين عن حقوقك ؟؟؟؟
على بالك بتخلينه يحس ؟؟؟؟
لا الرجال ما يجون كذا خذيها مني
الحين أنسي كل الكلام والأحداث كلها
ما أبي أخوفك بس الرجال لا مااااااال مال
والله اليوم يسأل عنك ويحاول يراضيك بكرة يمل
ويتركك نهائي ساعتها ما عاد ينفعك شي
أنا يا الحريم كذا نزن لخراب بيوتنا ؟؟
لا يا عمري إلا ألزقي فيه وبرقبته
وتعوذي من أبليس وأنتِ بحاجة لقراءة سورة البقرة صدقيني بتريحك كثير أقريها
كل يوم وراح تشوفين الفرق في نفسيتك وأكثري من الأستغفار مو عشان يرجع لك
أو يطلقها لا ... حتى ترتاح نفسيتك وأبعدي عن راسك فكرة أنه يطلقها
صدقيني لا شلتيها من راسك بترتاحين والله أكبر كل الزوجات مرتاحات ؟؟
الله المستعان كلن عنده خير :( والحمد لله تطهير وتكفير ذنوب
أسفة دخلت بالعرض بس والله ما قدرت أشوفك تسوين غلط وأتفرج عليك
صدقيني بيطف أول الأيام ثم يمل وقولي المحبه ما قالت ..!!
أعتذر ان كان في كلامي أو تدخلي ما يضايقك :26:

!!ايش افهم من جملتك كلها مسبه للنسا

مكفوخة ..؟؟؟
وضحي لو سمحتِ وش اللي زعلك حبيبتي ..!!

المحبه للجميع نفس راااي سبحان الله

يسلم فمك ياقمرررر

يابنات حواء مانتو ملاحظين ان المراه الخليجيه تفتقد الى مهاره التعامل مع الزوج وهذا الشي اللي للاسف اهالينا ما علمونا هو
غيرسعه الصدر والصبر والتعامل مع اي مشكله بقسوه دون تفهم يعني ايش يضر الوحدهاللي تحس ان زوجها مهملها ما تجلس معاه وبرويه تحاول تعرف الاسباب
راح اعطيكم مثال بعد ولادتي الثانيه مع انشغالي في البيبي زوجي يخرج فيالليل ولايرجع الاالساعه 2 وللمعلوميه زوجي مو حق سهر بالمره وكنت اساله مع مين طلع يقول اصحابي وما يقول الحقيقه لانه عارف اللي يطلع معهم اكرهم وانا مش ضد السهر انا ضد مع مين السهر المهم تطقست بطريقتي من غير ما يعرف وعرفت من جوتي بانفجر بس افكر في الموضوع اني لازم اتصرف بذكاء ودهاء المراه واطلع من المشكله انا وهو فايزين يعني ما احسسه ان انا انتصرت عليه ونفذت اللي في راسي الحل لازم يكون مرضي لي وله وبدات ابحث عن نقاط ضعفه ومن اهمها سمعته وحب الناس له وهو الناس كلها تحبه وتحترمه وسمعته زي الذهب والكل يدعي له ويشهد بحسن اخلاقه ومن اهمهم اهلي واخواني وفي ذاك اليوم بديت انا وهو في محادثه وان اخواني يكرهون هذولا الشباب (اللهو يطلع معهم) ويسبون فيهم ويقولون عنهم كذا وكذا ومافيهم خير وسكت المره الثانيه جتنا ام هذولا الاولاد وجلست تشتكي منهم ومن اهمالهم لها وماصدقت خبر على طول رحت وقلت يالله هذي الام مسكينه تشتكي من اولادها وتدعي عليهم (انا كبرت السالفه) واللي ما فيه خير لاهله مافيه خير للناس هكذا الى انا قطعهم ودايما احسسه انه احسن منهم وارقى منهم وماهم من مستواه والحمدلله حليت المشكله من غير ما يحس لان لو سويت فيها زعله ومشاكل راح يتمسك فيهم اكثر
فهذا هو اللي تفتقده المراه الذكاء الاجتماعي
وفي شي الرجال موسوا يعني لاتحكمين على حياتك من حياه جارتك ولا اختك
ونصيحه لازم تتعلمين اثاره العواطف مش الغرائز يعني لما تقولي انا البس واتشيك واتدلع ومو معطيني وجه وانا اقولك انت ما اثرت الاغرائزه ما اثرتي عواطفه
واثاره العواطف مي حاجه سهله خليه يشاركك همومك واطلبي حلول لمشاكلك الوظيفيه او الاجتماعيه او عيالك منه وشوفي النتيجه حتى مشاكلك معاه بعد كذا راح يسمعها ويحس فيك وواوصفي المك وهمك خليك دايم على اتصال عاطفي فيه اسئليه عن عمله ايش في جديد منايش مهموم حاولي تساعديه
لو شفتي في عائله محتاجه قولي الله يعافيك الناس هذولا محتاجين وما لهم الا الله ويبغون مساعد ه وادفعيه لعمل الخير وراح يحس بحبتك ويلمسها او مثلا امك تبغى كذا اختك عندها مشكله تعال نروح نزور فلان تعبان عزي فلان ابوه توفى تعال نسهر عند اهلك او اهلي خلي حياته اكشن موشي محصور بينك وبينه مع العيال
والله انه الامر كله بيد المراه الافي حالات نسال الله السلامه الرجل المخمور او زير النساء او المريض نفسيا ولاتتوقعون ان ضد المراه لا والله بس احس ان المراه بيده زمام الامور والمراه مشهوره بالدهاء استخدميه اختي في الخير
وفي شي كمان عرفته عن الرجل وانه يحب المراه المرحه المرحه المرحه اللي الفرح ما يقارقها واللي تتصرف بعقلانيه في مشاكلها معه ومع غيره
اتمنى من الاخ ريح الاماكن يعطيني رايه لا بعدين اكون ماخذه مقلب