فيه شي ماانت عارفته بالرجل !!.. تعالي

كله منك صرقعتي الحريم بسالفة السفر وهالحين تبين نقفل الموضوع
وشلون اطلع من هالنشبه هالحين دبريني ؟!!
اما اخونا الصبور حلوووه بس للصبر حدود
وسؤالك والله الأعتراف بالأخطاء حسب نوع الأخطاء ونتيجة الاعتراف والشخص المقابل
بس اللي مايعترف باخطاءه مايمكن يتقدم
ولااظن الاعتراف يطعن كبرياء الرجل
لكن احيان الاعتراف يخرب بيوت فالصمت افضل
وسلامتك

من جد كلوني الحريم
والحمد لله اللي ردودي هجدتك لاتصيرين مثلهم وتهبلين بي بعد
اختي والله ماني نادم اني فتحت هالموضوع
والنقاش يعكس تربية كل شخص وعمق تفكيره في التعامل مع امور الحياة
بالنسبة لك ولأسئلتك
انت توك عروس والعمر قدامك ان شاء الله تفهمين كل شي بزوجك لاتستعجلين
والهدايا تزيد المحبة ومااظنها تملل
اما موضوع الرومانسية فبصراحة ذكرتيني بيونس شلبي بمسرحية مدرسة المشاغبين مابتجمعيش
لكن حسب فهمي للموضوع
صفة الرومانسية موهبة مايملكها اي شخص
لكن ممكن يتعلمها
بس مدري هل انت تسألين كيف تكون المرأة رومانسية والا العكس
خربطتيني

اشوفك ياريح الاماكن رديت على الكل الا انا ؟؟؟؟؟؟؟؟ ادري كلامي حجه قويه مايملك اللي يسمعها او يقراها الا يسكت اوينسحب

وبعدين اعجبك رد ايميرالد ؟؟ماهي سعوديه ولا تعرف عوايدنا وحياتنا يعني تتكلم في موضوع ماهي فاهمته زينا اهل البلد صحححح او لا

اولا انا رديت عليك وشكرت لك مرورك
ثانيا انت ماكنت تناقشين
انت كنت تهاوشين وودك لو الموضوع يتسكر بسببك والا نسيتي هالسطر

وانت تقولين بعد



اظنك تتفقين معي ان ردي ماله داعي وانت تحملين هالقناعات .. يعني انت حسمتي الموضوع وماتبين الا رأيك !!!!
واحترام لرايك ولشخصك الكريم اكتفيت بشكر لك على مرورك
اما ايمرالد فسواء كانت سعودية ام لا فهي انسانة تحمل رأي نحترمه ونقدره ويكفي انها تناقش بعقلانية ..
وسلامتك

انت ماخذت من كلامي الا رايي وقناعاتي وتركت كلامي المنطقي ....تاخذون اللي يعجبكم بس واللي مايعجبكم تغضون الطرف عنه لهالدرجه السفر صار عندكم من اساسيات الحياه ....كيف كانوا اباءنا واجدادنا عايشين وهم ماتزحزحوا من مدينتهم ماهو برا الحدود ....وش كانت النتيجه عاشوا هم واسرهم سعداء وابناءهم هل كان فيه القهر اللي عند النساء هلحين من تصرفات الرجال بالرغم انهم يعددون ...هل كان الابناء معقدين مثل اكثرية الناس هلحين والبحث عن الحنان برا البيت والسبب الاب لاهي بشغله وبنفسه وسفراته بالاجازه بدل مايقضيها مع عياله ويونسهم حضرته بيروح يستانس لحاله ويجي محمل ذنوب لو ماسوا شي يكفي النظر واثم الاختلاط
نرجع لابائنا واجدادنا وش نتيجة حياتهم راحة بال وطلعوا من الدنيا خفيفين ذنوب والحياه اول اسعد ولقمة عيش بسيطه تسعدهم بشهادة الاولين
ارجع لكلامي واقراه واعتقد قلت النار جنب البنزين وننتظر مايولع اعتقد هذا منطقي ماهو قناعه شخصيه ..معليش لو زعلتكم بس هذا الصحيح