تحياتي للجميع
عندي حفل في المدرسه لازم اقدم فيه الأناشيد الخليجيه القديمه
وبصوره خاصه البحرينيه مثل " سويره راحت للبر " وغيرها كثير
واللي عنده أفكار للأناشيد أو لإقامة الحفلات تكفون لا تبخلون علي فيها تراي طالبتكم
وإنشاء الله ماتخيبون ظني فيكم .....
شاركي في النقاش
سجلي الدخول لإضافة تعليق.
التعليقات
3- انا اعرف الاغاني الشعبية القديمه الكويتية
و الله الحين مو ذاكره الا وحده انشاء الله تنفع
السبت سبمبوت
000000000 و الاحد عنكبوت
و الاثنين بابين
000000000 و الثلاثا مناره
و الاربعا إبشاره
000000000و الخميس نذبح بليس
و الجمعه عيدنا و عيد الرسول
اختج: بركـــــــــــــــــــــــــــــــه:24: :24: :24: - عندش حمامه نودي نودي
ومطلعها
حمامه نودي نودي سلمي على سيودي
سيودي راح مكه اجيب ثوي عكه
وحطه في صندوقي
وصندوقي ماله مفتاح
والمفتاح عند الحداد
و الحداد يبغى فلوس
و الفلوس عند العروس
و العروس تبغى ريال
وريال يبغى اعيال
و الاعيال يبغوا حليب
و الحليب عند البقر
و البقر يبغى حشيش
والحشيش فوق جبل
وجبل يبغى مطر
و المطر عند الله
لأاله الا الله
,وعندش بعد:
زانه زانه زانه
و الخير في اللي جانا
حسن ابو عطية
يامركب المطية
اشيل ثوبي و ابيعه
ابيعه بأربع ميه
ياليتني لومية
لوميه البستان
يقشرها عبدالله
و ياكلها سلمان
سلمان يابو جوخه
يامنطق العدوان
طلوا اخواني طلوا
شوفوا البحر حيران
شوفوا اشراع ابيي
ابيض من القرطاس
شوفوا اشراع البدو
اسود من الطفو
*****************
حرارتي مرارتي
صبع الطويل لجارتي
ولأمناالى الشط
الى غريب المنزلي
جانا الصبي الهاشمي
يلعب على ضو القمر
ياسليسه دليني
بالعنب و التيني
زلحتش ملحتش
بالسيف او السكيني
*****************
وهاذي علشان لما اجي حاج من الحج
اسعنتي حجي بي
الين يجي حبيبي
حبيبي غايب في مكه
في مكه المعموره
فيها السلاسل
و الذهب و النوره
اشربي من ماي زمزم
و اشربي من طوايس
اشربي من ماي زمزم
ولاتشربي من ماي الخايس
******************
وقت سقوط المطر
مطرت المطره
على شباب العذره
يامطره زيدي زيدي
وارحمي عبيدي
طاح المطر على قطر
وتلايموه في العشه
سووا عشاهم
وماعطوني تشه
******************
اتمنى ان يعجبوش - شكراً لكن يا أ ختي بركه ومصاصة الدماء
على تجاوبكن
وياريت أحد يدلني على :
سويره راحت البر ...
ولكم مني جزيل الشكر
مواضيع مشابهة
تابعي تجارب أخرى من هذا القسم.