عااادي اتزوج واحد اصغر مني..!!!

السلام عليكم ورحمة الله وبركاته
لو سمحتو ابغى استشيركم بموضوع موضوع وابغاكم تعطوني رايكم بصراحه

انقدملي اخو صحبتي وهو انسان كتير حبوب وطيب وانا مرره ارتحتلو كتيررر في كل المواصفات الي فبالي الين دحين كلو تمام..

بس المشكلة انو هو اصغر مني بسنتين وكم شهر وابوه ما يبغاه يتزوج غير لما يتخرج من الجامعه يعني تقريبا بعد 4 سنين كمان..؟

فاحانا اتفقنا لو يسير بينا خطبة ونطولها شوي وبعدين الملكه على بال يتخرج بس نا خايفه انو المده دي طويلة شوي اخاف يمل مني ولا شي..!

انا داريه انو اغلبكم راح يقول خدي واحد جاهز ومن دا الكلام زي اهلي..
بس والله انا اتقدملي كتير عرسان ما شاء الله جاهزين وكل شي وما ارتحتلهم ابدا..

بس الشخص دا انا مررره رتحتلو وعاجبني بكل شي احس انو انا واياه متفقين باشياااء كتير مره وحتى هو نفس الشي مرره معجب ويحبني..
بس انا خايفه لما يسير عمري 26 او 27 على بال ما نتزوج اخاف اتغير واكبر وافكر غير مدري اخاف تفكيري يتغير وهو نفس الشي ممكن يتغير 4سنين مو قليله ..؟

بليييز ابغى مشورتكم والله مره محتارين انا وهو يعني احنا نبغى بعض بس مدري ابغى اسال اذا في احد جرب شي زي كده يعني كيف ممكن تكون حياتي بعدين عني حكاية اني اكبر منو تفرق بالحياة الزوجية ولا عاادي..؟؟ واذا طالت مده الخطبة وكده تفرق؟