دبش العروس من الملابس الداخلية

السلام عليكم و رحمة الله و بركاته

كيفكم يا حلوين؟:41:
نبغى نتساعد و نحط قائمة لدبش (زهبة) العروس من الملابس الداخلية..يعني إذا قسمناها فئات مثلاً :
1- ملابس خاصة للأوقات الحميمة
2- ملابس للنوم (مريحة، أي مو كل الوقت نلبس خفيف و شفاف:01: )
3- ملابس يومية (في الدوام، في المدرسة، في الطلعات ..يعني مو معقول تلبسين طقم داخلي بـ 200 ريال كل ما رحتي و لا طلعتي )
4- ملابس للدورة الشهرية (يكون شكلها مرتب و في نفس الوقت مو غالية لأنها أصلاً ما رح تطول كثير في دولاب الملابس)


يعني هذي الفئات اللي فوق قد ايش ناخذ من كل وحدة؟ هل أنا مسؤولة (منطقياً) عن تغطية احتياجاتي من هذه الملابس لمدة شهر أم شهرين؟ لأنه صراحة عيب تقولين له نزلني للسوق ناقصني قميص و لا روب من 3 أسبوع أو رابع أسبوع

برضه نبغى نحط أحسن الماركات لكل فئة من هذه الفئات
يعني اللانجري له ماركات معينة تختلف عن الداخليات اليومية و تختلف عن ملابس الدورة الشهرية..
كيف أوازن بينها؟
60% لانجري؟
25% نوم مريحة؟
و الباقي يتقسم على الفئات الأخرى؟

أفتونا من تجربتكم جزاكم الله خيراً :44:

34 تعليق 36,709 مشاهدة

شاركي في النقاش

سجلي الدخول لإضافة تعليق.

التعليقات

34
  1. @shaal_aldar

    hattan_ksa

    منجد فكرتك مررررره روعة وراح تفيدنا كثير ..

    بس وينكم يالمتزوجات فيدونا من تجربتكم ..

    يالله الله يرضى عليكم ..

    ترانا مرررره محتارين مانعرف كم نحتاج من قطعة ..

    ولا أجود الأ نواع ..

    إحنا في إنتظاركم على أحر من الجمر..


    :17: :17:
  2. صاحبة الموضوع
    يا هلا و الله بالحلوات
    حياك الله شعلة الدار و أنا مثلك مستغربة ليش ما في أحد مهتم في الموضوع خصوصاً أن الملابس الداخلية تعتبر أهم شيء في شهر العسل و في الحياة الزوجية الخاصة
    أنا صراحة بديت فيها قبل الملابس الثانية لأنه يبغالها تنقية مزبوطة

    أهلين صموتة صاحبة أحلى مواضيع في عالم حواء اللي أنا شخصيا استفدت منها في التجهيز للعرس

    أنا نزلت السوق و اشتريت جزئية بسيطة من الملابس
    راح أحط لكم اللي أتذكره


    لانجري:
    ______

    طقمين إيطالي بيضاء (4 قطع فما فوق) لأول ليلة، و ثاني ليلة
    قمصان طويلة عدد :
    قمصان قصيرة عدد:
    بجايم حريري عدد:
    كورساج + ستوكنغ (اللي تجي فيها الشراريب و بعدين يشبكونها في الكورساج من فوق عرفتوها؟ ) عدد :
    أطقم سنتيانات عدد :
    أطقم سنتيانات سهرة (شفاف، إلخ)
    كلوتات انفرادية (ألوان متعددة)
    أرواب ألوان مختلفة
    شراريب





    قطنيات و ملابس النوم
    _______________
    أقصمة قطنية طويلة عدد
    أقمصة قطنية قصيرة عدد
    بجايم قطنية عدد
    أطقم شورتات قطنية عدد
    كلوتات قطنية عدد (كرتون)؟
    أطقم سنتيانات للبيت (غير مبطنة)




    متفرقات
    _______

    كيس لغسيل الملابس الداخلية
    ورود مجففة أو كرات معطرة لأدراج الملابس الداخلية
    حشوات نايلون معبأة بالهواء للسنتيانات



    هذا اللي قدرت عليه يا بنات..بس أبغى أشوف اللي ناقصني قبل لا يروح الوقت..لأن الوقت فعلاً ضيق..أنا اشتريت أغلب القطنيات من لاسنزا، أما القمصان اللانجري فكانت من نعومي و في أشياء صراحة ما كانت ماركات لكن كانت حلوة و خامتها ممتازة


    و كمان أبغى أعرف كيف لازم تترتب الملابس الداخلية بطريقة حلوة في دولاب العروس لما يروحوا للبيت بأغراضها قبل أسبوعين من الزواج..يعني هذي الحاجات الكثيرة لازم يكون لها طريقة معينة في الترتيب ..و لا تنسوا إنها تجي في علب كرتونية شكلها حلو و خاصة أطقم العرايس البيضاء تجي في شنط كرتونية أنيقة

    و نكمل بعدين يا حلوين:time:
  3. @smt_algroh

    hattan_ksa:

    هلا ياقلبي.....يارب تكونين استفدتي من مواضيعي ..لو تطلين على موضوع العناية بالنهدين بتلاقين معلومات مهمة عن السنتيانات....اتوقع انك شفتية صح؟...

    ومشكورة على المعلوات ياقلي ومن جهتي بحاول قد ما اقدر اني اثري الموضوع حقك واجيب معلومات مفيدة لتجهيز الملابس الداخلية....

تابعي تجارب أخرى من هذا القسم.