قال على قول المثل قال << تعالي لا تسوي نفسك سنعة و تاكلي مقلب بهالأمثال

اذا سمحتي لي اختي ......... اذكر نوع من انواع دلاختي .. هو مو متعلق بالامثال متعلق بكلمات احنا دايما نرددها ...
حنا دايما نقول يابعد عمري ... يابعد قلبي ... يابعد هلي ... يابعد طوايفي ........انا مجرد اسمع احد يقول لي جذي افهم ان انا اغلى من الشي اللي ذكره ..مثلا لما حد يقول لي يابعد قلبي اظن ان انا اغلى من قلبه......... مع ان المعنى من هالكلمات ان انتي غلاج بعد غلاة قلبي ........بس من الدلاخه ماكنت استوعب ..

وفي يوم من الايام .........بعد الجفاف في الكلمات العذبة من ناحيتي الى زوجي العزيز .......قررت اني اتخلص من الحيا واطلق لساني للكلمات العذبه مع زوجي ........ :09:امحق انطلاقة لسان
فلما جى زوجي يناديني قلت يلا تشجعي وغردي بالكلمات الحلوه ...... فرديت عليه وقلت له هلا هلا بحبيبي هلا بيك يابعد الرجاجيل كلهم ........... فتح عينه وقالي نعم انا بعد شنو .... قلت انت بعد الرجاجيل كلهم ....((تظن ان يبي يسمعها مره ثانيه من حلاتها:icon28: )).......
... قال لي صج ماتستحين:angry2: ........ قلت انا هااااااااااا :icon810:....... ليش مو انت كل تقول لي ابي اسمع منج كلام حلو واللحين تقول ماتستحين .........قال موتقوليين انا بعد الرجاجيل كلهم يعني كل الرجاجيل اغلى مني وانا اجي بالاخير ....... قلت انا فاهمتها غير :35:.. كنت اظن العكس ..............قال دام هذا كلامج الحلو فسكوتج افضل :(

مو ينطبق علي المثل اللي يقول (( يبي يكحلها عماها )) او المثل الثاني اللي يقول (( عمره ماتبخر تبخر وحترق))
مادري هالامثال امثال بريئة مثل مانفهمها او انها تحمل معاني ثانيه مو زينه ..

بصراحه مو خاش مزاجي تفسيركم لـ الطيور على اشكالها تقع>>ما احد طلب رايك
لاني دائما اسمعها وفي كل مكااااااااااااااااان في المسلسلات والاخبار وووو...
يعني احس معناها نفس ما قالت كلام العيون
بس بروح ابحث في معناها وارد لكم خبر>>ما احد طلب منك شي.
وشكرااااااااااااااااااااااااااااااااااااا لصاحبة الموووووووضووووووووع التووووووووووحفه

والله موضوعكم حلو,,,,, وكلنا نقع فيه واحنا ما ندري,,,
فيه مثل نقوله بس ما ندري وش معناه اللي هو "الاذن حمرا والرزق على الله" ويكمن معناه الواطي في قصته وهي ان واحد تزوج بس كان عليمي "يعني جاهل" وكان يحسب ان ال....... مع الاذن فكان كل من سأله : هاه ماجاك عيال قال هالمثل,,,,,,,,,,,
شفتو كيف معناه يدووووووووووووووخ}}}وجه مستحي

موضوع جميل ................ قالت العرب قديما : إن البلاء موكّل بالمنطق ِ .....

وبالفعل هناك أمثلة كثيرة شعبية معانيها جدا فاضحة ..

لكن بالنسبة لمعنى المثل العربي القديم " الطيور على أشكالها تقع " فمعناه ليس

كما فسرته إحدى الأخوات وشوهت معناه الجميل ......

بل معناه أن الإنسان يصاحب من هو على شاكلته من طباع وغيرها ......
ارجعوا لمعاجم اللغة أفضل من هذه التفسيرات العشوائية الظالمة !

للعلم ........... أنا معلمة لغة عربية ..

تذكرت شيئا ........ هناك مثل عربي فصيح يستخدمه الناس في غير مواضعه والسبب
فهمهم الخاطيء لمعناه .. إذ أنهم حفظوا شطر البيت الأول ونسوا الشطر الثاني الذي
يتمم المعنى الصحيح ....

وهو """ من راقب الناس مات هما """

هذه الجملة هي صدر البيت المشهور :

من راقب الناس مات هما **** وفاز باللذة الجــَسورُ

والجسور هو : الشجاع الجريء ...

ومعنى البيت كاملا :

من حاذر الناس وظل خائفا من كلامهم سيموت هما وغما
ولن يصل إلى ما يريد .. فالشجاع الجريء هو الذي يظفر ببغيته ويشعر بلذة النصر .


تم بحمد الله .