شاركي في النقاش

سجلي الدخول لإضافة تعليق.

التعليقات

149
  1. @ksymyh_okly_fkhr

    صاحبة الموضوع
    اللهم يا جامع الناس ليوم لا ريب فيه اجمع بيني وبين من بدر اللي يكون غني بدينه وأخلاقه وماله ويهنيني ويسعدني ويفرح قلبي ويسهل امري ويعجله ويشرح صدره لي واكون قرة عينه ياارحم الراحمين يارب سخره قلبه لي واحببه فيني وسخر قلب ابووه واهله وحببهم فيني يارب فانك اذا قلت لاامر كن فيكون فسبحانك
  2. @tntof

    قصيميه وكلي فخر
    اللهم يا جامع الناس ليوم لا ريب فيه اجمع بيني وبين من بدر اللي يكون غني بدينه وأخلاقه وماله ويهنيني ويسعدني ويفرح قلبي ويسهل امري ويعجله ويشرح صدره لي واكون قرة عينه ياارحم الراحمين يارب سخره قلبه لي واحببه فيني وسخر قلب ابووه واهله وحببه…
    يا الله ..... الله يعينج .. انتي صج تحبينه ؟ ولا تعودتي عليه ؟ ولا لانه فيه ميزات يعني عاجبج بقوه ؟؟؟ او عشانج تبين تعيشين قصة حب ناجحة نهايتها سعيدة نهايتها زواج ؟؟ راجعي نفسج .. تخيليه فجأة صار له ظرف واضطر يدفع اللي قدامه ودونه وتقدم لج وهو على هلحال وجيبه مافيه ولا فلس وبيعيشج بغرفة وحدة وحمام مشترك في بيت اهله وتقدملج في نفس الوقت واحد غني بتاخذينه ولا بتاخذين الغني ؟؟ تخيليه تقدملج وبنفس الوقت تقدملج رجل ملتزم حنون معروف بطيبته واخلاقه العالية بتاخذينه ولا بتاخذين هلمتقدم لج ؟؟ تأكدي من مشاعرج هل معتقده انه هلرجل فرصة لازم تقتنصيها ولا تضيعينها من ايدج وبالعربي الفصيح عريس لقطة ولا فعلا تحبينه؟؟؟ لانه الحب تراه ماهو شي هين وانتي من كلامج حسيت انج متخوفة من رد الخطاب عشانه ... فعشان جذي انا حسيت انج معجبة بوضعه المادي والاجتماعي ومعجبه بشخصه بقوه وتعودتي عليه وعلى اطباعه وشايفه انها مايتعوض وحابة تعيشين قصة حب ناجحة فمن جذي تبينه وتقصين على نفسج وتسمين اللي بينكم حب لكن مو حب بمعنى حب .. انتي عارفة الحب الحقيقي شنو؟؟ ولاتفكرين ثانية بغيره ولاتفكرين بالخطاب ولايهمونج اصلا عنستي ولا ماعنستي مايهمج ابداا ... توقفين بوجه الدنيا عشانه .. لو ما اجتمعتي وياه تموتين تصيرين حطام ... تذبلين من غير وجوده في حياتج تنتهين .. هذا الحب .. اللي اشوفه من معظم البنات انه مجرد تعود واعجاب وتبي قصة حب او علاقة ناجحة تنتهي بزواج فتعيش بوهم انها فعلا تحبه ..... فبرايي يا حبيبتي اقعدي مع نفسج وخلج صادقة مع نفسج هذا مستقبلج وشوفي هل انتي فعلا تحبينه ولا مثل ماقلت لج فووق اعجاب قوي وشاب لقطه ......... اقعدي مع نفسج قعده صادقة ولاتجذبين على نفسج وقرري .. هلكلام اكتبه لج ووالله انه طاله من قلبي مابي تضيعينن حياتج ورا وهم

    اذا كان اللي فيج فعلا حب فيا الله ياكريم تجمعها من حبت وتيسر زواجهم من بعض انك يارب على كل شيء قدير ........


    اما اذا كان اللي بقلبج له شيء أقل من الحب ...... فنصيحتي اتركيه وشيليه من بالج نهائيا ان جا جا وان ماجا عساه لايجي فيه غيره كثير ...... بس ادعي وربج كبيييير ..............

    وخلي اليوم اخر يوم تكلمينه فيه ..... اتخذي موقف جاد ..... قوليله انا بنت والخطاب كثرو على باب بيتنا ان كنت تبيني تقدم لي رسميا مو لازم زواج الحين بس خطبه والملكة متى ماقدرت بس عشان تسكر علي باب الخطاب وتحجزني عنهم وتتكمن واتطمن ...... ماله اي عذر ابدا ليش ؟ لانه الخطبة مايبيلها لا فلوس ولاجهاز ولا غيره ... اذا تحجج بأي حجة ثانية فاعرفي انج ماتهمينه وانه جذااب ويلعب عليج ....... انتبهي الشباب طرقهم كثيرة عشان يستميلون البنات ويضحكون عليهم .. اذا شاف انه طريقة (((( حالته المادية تعبانه ))))) مانفعت ممكن يقولج عندنا حالة وفاة !! او يقولج الوالد او الوالدة تعبانة !! لو اقولج على حقارتهم شلوون .. مستعد يتفاول على احد من اهله بس عشان يضحك علبنت يعني تخيلي واحد يقول لوحده كنت اعرفها قبل انه امه فيها سرطان ؟!!! لا والبنت مصدقة !! بعدين طلعت امه ما شاء الله مثل الحصان صحة لا وشباب بعد ما شاء الله عليها ماهي بذاك الكبر ! ليما الحين تشتغل وتطلع وترجع !!! انتبهي لنفسج حبيبتي ...

    ياااااارب ياكريم ان كنتي فعلا حابته انج تجتمعين فيه بالحلال وانه الله ييسر امور زواجكم كلها ...... وان كان اللي بينكم اقل الله يعوضج باللي هو احسن منه واللي قادر يسعدج ويدللج .......

    بلغينا شيصير معاج يا حبوبة
  3. @ampampsandy_bylampamp

    ياقلبي انتي شكلك مره مجروحه قولي كل اللي في خاطرك عشان افهم ومو حلو ترفضين ناس كثير بصراحه مدري وش اقولك لاني ماادري وش ظروفك ولا ادري انتي مظلومه او ظالمه وضحي اكثر وبساعدك
  4. اللهم ان اسالك بكل اسمائك الحسنى وباسمك الاعضم الذي أذا سئلت به اعطيت ان تفرج كربة اختنا في الله قصيميه وكلي فخر وترزقها الزوج الصالح وترزقها من غير لا تعلم يا رب
  5. @bose_cat

    تبين تعرفين هو صادق

    قوليله انخطبت ان قام يلف ويدووور قولي كلمه وحده انت تبينيي ولا اوافق على الي جايني _حتى لو ماجاك احد_
    لو قام يتلكك اعرفي انه كذاب وسوري عالكلمه بس على طول اتركيه وخليك جااامده وجديه معه وان قال لا ابك قولي طيب بس خل اهلك يكلمون اهلي خلال هالاسبوع عشان الولد هذاك ماارده وانت يمكن ماتجي
    لاتبينيله انك طايحه عليه

    قد سوتها صديقتي مع شخص تدرين وشقالها
    اذا الولد كويس الله يوفقك مع انه بالبدايه كان يقول لا ارفضي ارفضي ورفضت عالم عشانه بالاخير قالها الله يوفقك

    وفكري بعقل هل تحسين انه بعد زواجك مابيكون شكاك ناحيتك وهذا ااهم شي ترى الانسان هذا راح تنسينه لانك مانخلقتي عشانه بس شويه وقت وتنسينه لاتقولين ماانساه والله نصيحه لك لاتفوتين عمرك بكلام بالهوى


    وادعيلي ياقلبي ان الله يسهل اموره ويناولني الي اتمنى يااااااااااارب

تابعي تجارب أخرى من هذا القسم.