هالجيران وراي وراي
من فتره كتبت موضوع عن حكايتي انا وجيراني المهم بعد ذاك الوقت قررت اني اغير معاملتي معهم وتكون بحدود الجيره وبس وقصرت رجلي عنهم وصرت بس بالواجب اروحلهم وماستقبلهم كثير والظاهر حسوا بهالشي سبحان الله وبدا كرههم لي يبين يوم ورى يوم الين جا ذاك اليوم وكان عندي ضيوف واهل زوجي كلهم عندي وعماته مادرينا الا الناس داخلين على الظهر بعز القوايل على سوالف تافهه انتي ذاك اليوم عزمتي وماعزمتينا انتي قلتي وماقلتي كلام بالهوا انا بالبدايه كنت اشرحلهم انه كذب وماكان ودي اكبرها وماكتفوا بكذا وبس لا صاروا يقولون اني اتكلم باهل زوجي وخوات زوجي عارفين طبع هالناس من اول وقالولهم خليها تقول اللي تقول وانقهروا قالوا انتي تدافعين عنها بكره تطردك من البيت يبون يكبرونها بينها ويسببولنا مشكله بين بعضناالمهم قبل لا يطلعون قالولي لنتي فرحانه انك متزوجه والله لنجيبلك وحده مكانك وراحوا مخذوا الا الفضيحه من اهل زوجي وماكتفوا بكيذا صاروا يمشون عند الناس ويتكلمون في يقولون اني شينه ماندري زوجها ليش ماخذهاواني اضيق عباتي عشان الرجال يشوفون جسمي حسبي الله ونعم الوكيل وانا مازكي نفسي مستتره بفضل ربي والبس قفازات وعباية راس وفوق كذا الحمدلله جميله وام زوجي تقول الحريم ماجابهم الا الغيره وماحلفوا الابيخربون بيتي وتقولي انتبهي من الحريم لايسوولك شي ولا يتبلون علي بسالفه كبيره والله ماقول الااللهم اكفنيهم بما شئت وكيف شئت وش رايكم لها الدرجه وصلت الغيره والدنأه بالناس حتى بالعرض مايخافون ان هذا قذف والله اني دعي عليهم كل وقت وبفلبي حره لناس فتحتلهم بيتي وهم نيتهم خرابه وين حق الجار عشان اشياء تافهه يتهجمون علي ببيتي والله لو ذابحتلهم احد