اختي العزيزه
اعجبني طرحك كثيرا
موضوع حساس للغايه نطرحه للنقاش دائما ولكن لانجد له الحلول
فتارة نرمي بلاءنا على الزمن
وتارة على الفضائيات
واخرى على اصدقاء السوء
واخيرا على الخادمات
ولاننا دائما ماندفن رؤوسنا في الرمال فان مشاكلنا تبقى بدون حلول
اختي
انظري الى احوال الامهات والله المستعان
وستعرفين ماذا جرى للبنات
في ذات المكان اللذي باعت فيه النساء عقولهن
واشترت البلاده
هو ذات المكان اللذي ضاعت فيه براءة الفتيات
امهات لايعرفن من حقوق البيت الا
كيف اغري زوجي؟
كيف اتجمل لزوجي؟
اقدر اسافر واخلي بناتي عند امي عشان اعيد شهر العسل ؟
زوجي يزني اعيش معاه او لا ؟
زوجي مايصلي بس انا لااريد الطلاق
تعالو ندعي على البنات اللي يغازلون ازواجنا ؟؟؟
علموني ارقص عشان اغري زوجي!!!
فئة جعلت الرجل اول اهتمامات الحياة واهم حتى من دينها واخلاقها وقيمها واطفالها وحتى نفسها
باعت نفسها له كجاريه ولم تعد حرة نفسها ولم تعد تفكر الا في هذا الزوج ولو خربت كل الدنيا عااااادي جدا المهم الزوج لايروح
واخرى
تركض ورا الموضه والملابس والفضائيات وعمليات التجميل وغارقه حتى اذنيها في عالم ليس له نهايه واخر اهتماماتها الزوج والاولاد
واخرى
تركض وراء اخبار النساء فلانه سوت علتانه قالت سلفتي سوت لي
ام زوجي قالتلي
مرة اخوي في بيتنا وماني طايقتها
ومراقبه كل اعالم الا اطفالها وبيتها
لدرجة اننا مؤخرا سرنا نشوف مواضيع الوحده تشتكي من امها ولاأختها ولله المستعان
وبكره تجي الظاهر تشتكي من ذبان وجهها
ووين البنت في حياة امها وسط هالمعمعه
مالها اي وجود
تتألم من مايمر عليها في سن المراهقه بينها وبين نفسها
تحتاج لصديقات
تحتاج لناس تحكي معهم
وطبعا معروف وش بتلقى
ولو اقولك شي يمكن يصيبك بالذهول
في بنات فقدو عذريتهم على ايدي بنات زيهم
لأنها صغيره لأنها مالقت احد يوجهها
لأنها ماتعي اهمية جسدها لحد الان
المهم ياأختي اعتقد انه كله يروح ويجي عند الام وبالذات في هذه السن الصغيره لو في ام تفتح عينها
ولو في ام انشأت بنتها صح
ولو في ام راقبت القنوات التلفزيونيه
ولو في ام عرفت مين صاحبات بناتها
ولو في ام استعملت الخادمه فقط لتنظيف المنزل وربت ابنائها بنفسها
ولو في ام احتضنت ابنتها كل ليله وتقربت منها وسمعتها للنهايه
ماكان شفنا هذه النماذج الشاذه
طيعا مو كل الامهات كذا
ولكن ايضآ مو كل الفتيات مثل ماذكرتي
________
واخيرا اقولك عزيزتي من وجهة نظري كأخصائيه نفسيه
في المرحله هذه الصغيره طبعا نستبعد السبب الهرموني اللي ممكن يكون احد الاسباب بعد البلوغ
ولكن ف هذه المرحل ماتقوم بهذه التصرفات الا اللي ينقصها الحنان والحب وتعاني من الفراغ العاطفي وبشده
وغالبا ماتكون حتى صورة الرجل الاب مهزوزه لديها وليس فقط الام فتجديها في البدايه تسلك طريق
بدايته توحي با لمثليه الجنسيه _والعياذ بالله
وشوي وتكبر وتكبر متطلباتها العاطفيه والجسديه وحتى الماديه
وهنا تحدد مسارها ممكن تواصل في طريق المثليه والعياذ بالله واذا ظهر السبب وكان هرموني فهذه اولا واخيرا تحتاج علاج جسدي ونفسي ومايعتريها هو مرض قبل ان يكون ذنب هي ترتكبه بارادتها
واما ان يكون السبب نفسي وهو السبب اللذي ذكرناه سابقا وتستمر ايضا في طريق المثليه واما ان تسلك المسلك الاخر وتبدأ المأساة الحقيقيه عار وفضايح وكلام الناس والام كماااااااان نايمه في العسل الين تصحى على صدمة الاب ولا الاخ
وتلطم وتبكي وتقولها بكل ثقه
يالله انا وش قصرت فيه ؟؟
ليه يبنتي تسوين كذا ؟؟
ليه تحطيني بها الموقف قدام ابوك؟؟؟
اتمنى كثيرا اني اقولها ضيعك الله مثلما ضيعتي الامانه
ولله لو النساء تعي فعلآ ان الابناء امانه ماكان شفنا اللي شفناه
ولو كل وحده حطت تركيزها في تربية ابنائها كان اختفت هذه النماذج
ولكن لاحياة لمن تنادي
اعتذر اذا كنت اسهبت في الحديث ولكنك حطيتي يدك على الجرح وهذا اللي خلاني اتكلم كثير
وبالاخر يعطيك العافيه
____________________________
كان هذا ردي على موضوع يتكلم عن نفس الظاهره وانتشارها عن الفتيات من نهاية المرحله الابتدائيه
للفاضله _على ورق
ثمة ظاهره انتشرت في المداااارس يجب مناقشتها يابنات حواء أرجو منكن الدخول والتفاعل؟؟؟؟
متابعة النقاش، صفحة 9