حسبي الله على من خرب على فرحة ارمضان

السلام عليكم و رحمة الله

اخواتي لا اعلم ماذا اقول لكن فأنا والله في كرب و هم لا يعلمه إلا الله......
مب قادره اقول شو هي السالفه من البارحه و أنا كله اصيح ....و اليوم حتى ما طلعت من غرفتي في قلبي حزن كبيييير....المشكله من احد ظالمني في البيت......والله يا اخواتي الدنيا ما تسوى ليش بعض الناس يتجبرون و يطغون و يظلمون غيرهم....لكن ما اقول غير حسبي الله على من ظلمني و حسبي الله على من خرب علي فرحة رمضان.....والله إن هالشهر دخل علي مب فرحانه مثل الناس و لا قادره اعيشه مثل الناس لدرجة إني لا قادره على عباده و لا قادره اسوي اي شي بس اتمنى اموت و افتك من هالدنيا ....

على فكره يا بنات اللي ظلمتني ما اتكلم الحين معاها و لا بعد بكلمها لأنها تبلت علي بلوه عوده....و اخوي جا عندي و قالي ما يصير ما ينقبل صيامك اذا ما تتكلمون لكن والله...والله ما اقدر اكلمها مره ثانيه....لأنه اجرمت في حقي....

17 تعليق 1,944 مشاهدة

شاركي في النقاش

سجلي الدخول لإضافة تعليق.

التعليقات

17
  1. @tntof

    لا حول ولا قوة إلا بالله ..... احمدي ربج اختي انج مظلومة ولا ظالمة ...... وباذن الله حقج بيردلج ..... شتسوين عاد باللي لعب عليهم شيطانهم .... الله يهدي هلي ظلمج والله يردلج حقج وزيادة ويطيب لج خاطرج .... بس انتي قلتيها بنفسج قلتي الدنيا ماتسوى ..... ماتسوى يا الغالية تضيقين روحج لهدرجة وتجيبين لنفسج الأمراض .. ترى الحزن والضيق اذا مانفستي عنه بطريقة صحيحة وخلييتيه مأسور بداخلج تتحول امراض عصبية وممكن سرطان الله يكافينا الشر ويبعده عنج وعنا وعن المسلمين ...... هاذي احدى مزايا التسامح اللي يسامح ينسى ومايقعد في قلبه شي وبالتالي صحته تكون أحسن من غيره ومايشيب بسرعة .. فانصحج وانصح نفسي قبلج بالنسيان والمسامحة ادري صعبة بس حاولي الحين انتي معصبة ماراح تقدرين بس يعدي يوم يومين حاولي تسامحينها وتنسين وطلعي هلموضوع من قلبج ...... الحين انتي كتبتي و فضفضتي ان شاء الله تكون نفسج هدت شوي وطلعتي اللي بقلبج ... انسي ووكلي امرج لربج ومارسي هواية تحبينها او سوي اي نشاط يريح اعصابج ..... المهم ماتخلين هلضيق يسيطر عليج ..... والدنيا يا حلوة ماتستاهل و حقج بيرد ...
  2. @aaashk_albaayd

    حبيبتي يابخت من بات مظلوم ولا بات ظالم
    رب العالمين مايحب الظلم وأكيد راح ياخذ لك حقك منها بس انتي قولي حسبي الله ونعم الوكيل وماعليكي منها ...
    الله يفرج همك وكربتك ان شاءالله
  3. @shar_1

    لالالالالالا

    لاتدعين على نفسك حبيبتي .......

    افرشي سجادتك وصلي وادعي ان ربي يظهر الحق......

    اكثري الاستغفار وتعوذي من ابليس ولا تحرين روحك الدنيا ماتسوى.......

    قومي خذي لك شاور وتبخري واطلعي من غرفتك واستمتعي بكل يوم من أيام رمضان......

    يالله .....ربي بينصرك ان شاء الله .......واذا تقدرين تسامحينها سامحيها .......واحتسبي الأجر وربي معك ....


    ((الله يفرج همك .....ويفك كربك وضيقتك ياااااارب))

تابعي تجارب أخرى من هذا القسم.