استشاره عاجله (شمل اهلي يتشتت..انقذونا)

لا حول ولا قوة الا بالله
اللهم فرج همهم وازل كربهم
واسعدهم وارزقهم من حيث لا يحتسبون

لا حول ولا قوة الا بالله
اللهم فرج همهم وازل كربهم
واسعدهم وارزقهم من حيث لا يحتسبون

اتوقع فيكم سحر او عين انا اعاني من نفس الجو بالبيت لكن بظروف مختلفه ابي مع انه رجل ملتزم بدينه الا انه قاسي القلب جدا معنا وبيتنا لايكاد يمر يوم الا توجد به اكثر من مشكله نفتقر جدا جو الهدوء والراحة ونفسيتي جدا متاثره بهذا الشيء ساكتب عن معاناتي لاحقا كان الله في عوننا

حياتي شوفي انا بقولك بكل صدق وصراحه انا اذكر من ثلاث سنوات ماتصدقين وشلون كانت حالتنا طبعا المشكله هنا مو ابوي لا ابوي حمدالله رجل طيييب وحنووون مره ويحبنا كثير المشكله كانت فاخوي والحمدلله تخلصنا من المشكله هذي بس اقول لك الكلام هذا لاني حاسه فيك وماره في اللي مريتي فيه
اقولك اخوي كان يتعاطا مخدرات وما تتصورين وش المشاكل اللي جابها معه من خلال تعاطيه من مشاكل كل يوووووم نفسيتنا صارت تعباااانه مره الابتسامه انمحيت من وجيهنااللي نمسي عليه نصبح عليه رووتين يومي من المشاكل وضيقه النفس وتحسين نفسك ماتبين تطلعين من البيت وماتبين تقابلين احد ابد بالنسبه لي انا يعني اللي تكتبلك الكلمات هذي مرت عليها مشاكل وشافت اشياء وعرفت عن عالم اللي يتعاطون المخدرات عن طريق اخوها حتى لدرجه من ضيقه الصدر والهم والغم اللي عايشينه جتني كتمه كنت اشوف البنات في المدرسه وكت اقول ياحضهم ماعندهم مشاكل وكنت اذا انتهى الدوام المدرسي يضيق صدري لاني برجع لبيت الهم والحزن والكدر بعض الاحيان انهار واصيح وبعض الاحيان اقعد اصيح انا وامي واخواني بعض الاحيان يقعدون يصيحون من المشاكل اللي نشوفها وكم من مره سياره الشرطه وقفت عند بيتنا وكم من مره انفضحنا عند الجيران من الزعاق والصراخ والطقاق تخيلي ان كل مادخلنا اخوي للستشفى علشان يعالجونه يطيب ونطلعه ويرجع ينتكس من جديد وتبدا الاصطوانه من جديد كننا نعيد الشريط ومشاكل مره ثانيه بس والله اني انا شخصيا قلت لنفسي خلاص برضا بالامر الواقع انا حياتنا راح تستمر كذا بس والله من كثر مالناس يدعون لنا ومن كثر ماندعي تفرج همنا واخوي اهتدا ورجع اخوي اللي كنا نعرفه لازم تعرفين ان الله معكم وماراح يترككم والله مايخلي عبده بكربه وتصدقون بعض الاماكن مافيها بركه لان اول مانزلنا البيت اللي حصلت فيه المشاكل وانا مقلوبين فوق تحت قلنا في نفسنا بننقل امكن احد حاسدنا والا البيت فيه شيء وفعلا يوم نقلنا تحسنت احوالنا كثييير ورجعنا العائله اللي عليها سعاده وفرح بس ابوي الله يرحمه مات قبل مايشوف وشلون اهتدى اخوي حمدالله اما بالنسبه لي تحسنت نفسيتي وعرفت ان الله مايخلي احد بكربه ابدا والله ان شاء الله يرحم ابوي وبالنسه لك عمري انا واثقه ان الله بفرجها من عنده وتكونون عائله من جديد مثل ماصرنا احنا عائله من جديد وحبيبتي كل ماحسيتي انك خلاص ماتتحملين تذكري ان الله معك وتذكري معاناتي وقولي ان الله بفرجها ان شاء الله واسفه على الاطاله

لاحول ولا قوة الا بالله
الله يجمع شملكم قريبا انصحكم بالسفر حتى ولو للعمره فهو يغير مابالنفوس وجو البيت لازم تغيرونه ومايمنع انكم تقنعون الوالد بالعمره لعله يكون سبب لتويته وصحوته ويراجع نفسه طول الطريق وبكذا تصيرون ملتمين مع بعض بسياره وحده
ويارب قريب نسمع انكم متجمعين وتاكلون بسفره وحده وضحككم يزعج الجيران
وبس