الي اشترت لبس للعيدتتفضل!!!

بالعكس انا امس رايحه نكست مطلع ملابس مرة حلوة بس ماشفت الاسعار لاني مريت على السريع

ما اقتحمت السوق بعد

الله يعين نبي بدل حق حوامل

شكلي بخيط احسن من فراره السوق

اللي شرت تورينا

السوق كلللللللله خلاقين مافيه شي يفتح النفس بصراحه دخلت قلت بشتري قبل الزحمه وحامت كبدي مافيه شي..

بالنسبه لجلد النمر طاحو فيه العيد اللي فات كل من لبسه لا تشترينه حطي على تنورتك الوان فواتح مدام انها غامجه خل يعكس اللون

انا شريت بدلتي العيد لونها تركواز صراحه راقيه يجي البدي نفس طريقه علاء الدين شلون لف على الخصر ومن ورا فيونكه وطبعا هالموديل شفت ماقد احد لبسه فخذته واهو يصلح للي لهم خصور بدون كرش لووول زيي انا,

خذيتها من جده يم سوق النجار اكو نفس محلات عل جنب برا كلهم بدل عروس وبينهم محل بدلات خذيتها من هناك مدري شسم المحل


بنات لا تلتزمو بالالوان اهم شي موديل البدله

الحين باقي لي بس جنطه واكسسوارات البدله وملفع يالله تسهل علينا
بس التنوره يبغى لها تصليح

حتى انا نزلت السوق
بس قالي البايع
ماينزل الجديد الاب 15 رمضان