علموني كيف اتصرف مع هذا الشخص؟؟

الشخص اللي انا اقصده هو أخو زوجي
بصراحة مأذيني كثييييييييييييييير أكثر مما تتخيلوا
وماراح اذكر لكم المواقف اللي يتعرض لي فيها
بس هو بصراحة قاهرني موت كأني قاتله له قتيل
او مسوية له شي يضايقة فكرت كثير في السبب اللي يخليه يعاملني كذا:(
بس ماوصلت لنتيجة ابدا
وحتى اني قلته له في وجهة انت ليش تعاملني كذا مارد علي ولا كأنه سمعني
ولما طفح الكيل عندي قلت لزوجي يوقفه عند حده ويقوله اني متضايقة جدا من اسلوبه
وزوجي قال لي انه يمزح معاي قلت له اني مااتقبل هذا المزح ولازم يكلمه
وبالفعل كلمه
وصار يطنشني لما يشوفني ولا يتكلم معاي بأي كلمة وأنا ماهمني قلت كذا أحسن
وكلها شهر زمان ورجعت حليمة لعادتها القديمة
والمشكلة انه رافع زوجت اخوه الثانية فوووق ودايما هي الأفضل والأحسن
وطبخها ماعليه كلام وعيالها احسن عيال
وانا عنده العكس تماما مع اني معاملتي له احسن منها
وزوجي اقرب له من اخوه الثاني
ماادري ايش اسوي معاه تطنيش طنشت ومانفع
كلام وتكلمت معاه ومانفع
خليت زوجي يكلمه ومانفع
ابي تعلموني كيف اتصرف معاه
ابي رد يوقفه عند حده
تراني حساسة مرة ودمعتي تكون بعيني لما يفشلني
بس الحمد لله اني اكون مغطية وجهي وماحد يشوفني ولا كان علوم
أرجوكم ساعدوني ترا من جد طفشت:09:

70 تعليق 5,982 مشاهدة

شاركي في النقاش

سجلي الدخول لإضافة تعليق.

التعليقات

68
  1. @sar_nor

    صاحبة الموضوع
    يعني يحاول دايما يحرجني في كل شي اسويه
    يعني لو اطبخ الطبخة يطلع فيها الف عيب حتى لو ماكان فيها
    ويقولها بالصريح قدام الكل اذا هذي طبخت فلانة اكيد مو كويسة
    واذا هي طبخة فلانة (يقصد زوجة اخوه الثاني)تراها ممتازة
    وحتى لو كنت اتكلم في موضوع ماله شغل فيه يحاول يحرجني
    ويتمسخر علي
  2. @aml_kadm

    بصراحه قهرني
    واسمحيلي احسه حقير ومبين بس قصده يستفزك
    وصراحه مافيه طريقه الا انك تتجاهليه لأن الحقران يقطع المصران
    وسوي نفسك مو شايفته اساساً
    واذا تكلم واعطى رأيه في شي يخصك قولي له من طلب رايك
    والا قولي انت اخر شخص في العالم يهمني رأيه
  3. @ordh_foshy

    خليه يتكلم ولا تلقينه بال هو شافك حساسه فصار يستفزك وجربي هالطريقه بس شهر وشهرين واصبري وتشوفين اذا ماعد تعرض لك واستحى على وجهه
    وخليكي واثقه من نفسك لو سب طبخك خليك ساكته ولا تردين ولا كانك سمعتي ولاتدخلين معه اي نقاش وتجنبي الجلوس معه وصدقيني بيستحي على دمه
    وودي اسالك كم فارق العمر بينكم لان شكله يعدك زي اخته بس ولو ماتوصل درجة الميانه الزايده وتذكري قول الرسول (الحمو الموت)
  4. @sar_nor

    صاحبة الموضوع
    أمل قادم
    بصراحه قهرني واسمحيلي احسه حقير ومبين بس قصده يستفزك وصراحه مافيه طريقه الا انك تتجاهليه لأن الحقران يقطع المصران وسوي نفسك مو شايفته اساساً واذا تكلم واعطى رأيه في شي يخصك قولي له من طلب رايك والا قولي انت اخر شخص في العالم يهمني رأيه
    شفتي كيف هذا وانا ماكتبت شي من المواقف المليون اللي تمر علي كل يوم:angry:
    والله اني صرت اكره اروح بيت اهل زوجي والسبب هالأنسان:icon33:
    واعتقد ان حقرانة افضل لأني اخاف ارد عليه بهذي الردود
    يقوم يرد علي بشي أعظم يكدرني
    :(

تابعي تجارب أخرى من هذا القسم.