مرحبا أختي
الله يرفع عنكم الضر ويهدي زوجك ويملي قليه فيكي ويظلل بيتكم بالأمن والطمأنينة
زي ماقالت ونة خفوق...كثرة الجفاء بتخليه ييأس ويوصل لطريق مسدود وبيحس انه مو فارقة معاه سواء كان ملتزم أو يخون..
لا تقولي ليش أنا اللي لازم تدفع الثمن..ليش أنا اللي لازم أسامح وأنسى ولا أشك كمان وأبتسم في وجهه ونبدا صفحة جديدة....فكري في شي واحد...أولادك...وأرجع أقولها أولادك
ناظري في عيونهم..شوفي الحياة اللي قاعدين يفكروا فيها..شوفي المستقبل اللي قاعدين ينتظرونه...ولدك يمكن قاعد يفكر يشتري بلايستيشن ولا يمكن يسجل في نادي كاراتيه..بنتك تفكر كيف بتذاكر ..حياتهم عادية زي أي بنت وولد...لا تخليها مأساة لهم...لا تهزي استقرارهم...فكري بعد الطلاق أيش بيصير...بترجعي عند أهلك...بتصكي على غرفتك؟؟؟أولادك بيروحوا عند أبوهم؟؟والعالم الله بعد الطلاق وخراب البيت يمكن ينحرف ويرمي أولاده...تبين ولدك يكون هو السبب في انحراف بنات..تبيه يكبر وهو مو فارقة معاه؟؟؟تبيه يكبر وهو كاره معنى الاستقرار وبيلعب في بنات الناس؟؟؟
خلينا نرجع الحين لوضعك والدنيا لسه بخير والوقت فيصالحك ومو عليكي..
هذا اللي صار..وهذا المكتوب..أيش ذنب أولادك في هذا كله؟؟؟لا يشوفوا الحزن في عيونك..صدقيني يمكن تفكري غنهم مابيحسون طالما ماعرفوا المشكلة..لكنهم يقرونها في عيونك..بيبدون ينعزلون في غرفهم بيبدون يكرهو أبوهم..
لو كنتي إنتي لاقدر الله والله يثبتك ويهديكي أخطأت في حق زوجك وندمتي..ما بتنقهرين إنه ماسامحك؟؟؟ما بنقهرين هالمعاملة الجافية منه...حطي نفسك مكانه الحين..هو ضايع ويبي يدك تمديها له..حسسيه بالأمان..هوني على نفسك..الله بيثيبك ويزيدك حسنات على صبرك (وبشر الصابرين) القرآن كله يتكلم عن الصابرين وأجرهم...ليش ماتنعمي بهذا الأجر..بكرة الله يعوضك بأولادك رافعين لك راسك...كل هذا عشانك صبرتي وربيتيهم على الحب والاستقرار..زوجك كمان بيقدر النعمة اللي عنده وماعاد يفرط فيها أبدا
على قد محبتك وتمسكك بالله..قومي صلي وادعي انه يساعدك وقولي يا رب أنا اتوكلت عليك والباقي عليك..وروحي ألبسي وحطي مكياج وخلي شكلك وبيتك وأولادك قمة في النظافة عشان مايشوف أي مجال ناقص فيكي...هذا مهو ضعف منك.بالعكس قمة القوة انك تقومي والدنيا سودا حوليكي..اجلسي معاه تكلموا بهدوء...حببيه فيكي..وعيشوا أيامكم بحب..والله بيتندم أشد الندم..بتخليه يبكي مية مرة على اليوم اللي جرحك وخانك...
حبيبتي الله معاكي ويساعدك...
بشاير
مشكلة الاسبوع :زوجي زرع الشك في قلبي **
متابعة النقاش، صفحة 2

