حبيبتي انتي تقصدين حلى الرينبو صح ؟؟؟؟؟
حبيباتي
المقادير كالتالي1 كوب حليب
3 ملاعق كبيره جوز هند مجفف بودره
6 أكواب وربع ماء مغلي
5 عبوات جلي ألوان مختلفه
الطريقه :
- تجيبين قالب غزير شوي
- تذوبين حليب جوز الهند المجفف في كوب الحليب وتتركينه على جنب
- تصبين الجلي البودره كل لون في مله بروحه وتصبين على كل لون مقدار كوب وربع ماء حار مب شرط يكون الماي مغلي وتذوبين الجلي
- تصبين نص مقدار اللون الأول ( برتقالي ) وتحطينه في الثلاجه لين يجمد ( مب في الفريزر عشان ما يكسر )
- لما يجمد زين تصبين شوي من خليط الحليب مع حليب جوز الهند المجفف على الباقي من الجلي اللي هو نفس اللون ( البرتقالي ) وتصبينه على الخلطة الأولى وتدخلينه الثلاجه لين يجمد
- لما يجمد تصبين الجلي اللون الثاني ( نصه ) لين يجمد ويوم يجمد تصبين شوي من خليط الحليب على النص الباجي من نفس اللون وتصبينه في القالب وهكذا لين تخلصين
منال سوت خمس طبقات وانتي ممكن تنقصين أو تزيدين على كيفج والألوان بعد على ذوقج
ومثل ما قالت منال الطبق سهل بس يبغيله وقت طويل
وسامحوني على التأخير عيالي عليهم امتحانات باجر ادعولهم ويلست أذاكر لهم
مع تحياتي
بسبوس
حلى منال
متابعة النقاش، صفحة 3