شاركي في النقاش

سجلي الدخول لإضافة تعليق.

التعليقات

21

  1. @am_mkbl_2

    بعذرك تقولين لاتضحكون

    اسفه عزيزتي بس ذكرتيني بايام الابتدائي والمتوسط اللي تقعد البنت الجديد بالفسحه لحالها تستنى احد يجي ويسحبها من يدها ويوديها لصديقاتها بالصف

    انتي اكبر من كذا روحي وادخلي غرفه المعلمات وسلمي عليهم وعرفي عن نفسك واطلبي منهم يقولونلك وين مكتبك وامزحي واضحكي معهم زيك زيهم واذا انتي الحين جديده ومايعرفونك بكره تصيرين قديمه وكلهم يعرفونك

    الله يسعدك ويوفقك ويسهل امورك ومبروك التعيين

  2. @ghybtk_khr

    صار لي مثل هالموقف بس حطيت براسي



    مثل مالهم لي

    فلذلك صرت ادفش الغرفه واسلم وطوالي مافيه مكان شاغر

    وتلاقينهن يتناقزن يدبرن لي كرسي


    والله العام الوكيله الله يفرج لها هي اللي اخذتني لغرفة المدرسات وقالت لي اجلسي هنا وعرفتني عليهم

    <<< هذا في الندب والا مدرستي الاصليه الله لايوريك

    قلت لهم ابي كرسي قالو اشتري <<< يالبجاحه حسيت نفسي طرطوره في المدرسه مو استاذه


    فلذلك ياقلبي شيلي عمرك وحاولي من بكرا تجين بدري عشان تتجراين تدخلين الغرفه بيكون مافيه احد او تلاقين وحده ثنتين وفرصتك تسالين اذا فيه مكان فاضي
    وبعدين انك تدخلين وتتفشلين فيهن ولا تفشلين اذا الوكيله قالت لك بصراحه انقلعي لغرفة المدرسات

  3. @quotaabyr_alnrgsquot

    ذكرتيني بـ صديقة لي معلمه من اكثر من سنتين

    وتقول اول يوم بالدراسه...ماقدرت انام وماغير افكر

    حتى ان ودي امي تروح معي مثل ماراحت معي اولى ابتدائي !!!!!<الكلام لصديقتي المعلمه

    بالرغم ان مدرستها والمعلمات اللي فيها يعرفونها من اكثر من سنه!!


    وذكرتيني يوم رحت للمدرسه اللي تدربت فيها (التدريب الميداني) وحالتنا كأننا ايتام:(


    بس حاولنا انا وصديقتي ندخل في المعلمات من بعيد.....وشوي شوي تعلقوا فينا (لأننا كنا نحسسهم اننا مثلهم معلمات)

    ويوم ودعناهم (بعد انتهاء فترة التدريب) بعضهم بكى على فراقنا!!!!

    حبيبتي

    ادخلي عادي للغرفه وقولي لنفسك: انا معلمه مثلي مثلهم وماينقصني عنهم شيء

    وصدقيني

    الصعوبه في البدايه فقط

    وبعدين يصير الامر عـــــــــــــــــــــــــــادي!!


    واول ماتدخلين قولي:

    السلام عليكم

    انا المعلمه فلانه......بديله عن المعلمه فلانه (لو كنتي بديله)

    او انا المعلمه فلانه معلمه جديده....

    وشوفي معلمات نفس تخصصك وين يجلسون واسأليهم اذا لك مكتب

    واذا مالك مكتب فـ اجلسي معهم عادي

    لأن المكاتب من مال الوزارة مو ملك خاص للمعلمه!!!

    وشوي شوي راح تدخلين معهم بالسوالف وتتعلقين فيهم وهم كمان

    الله يوفقك ياقلبي:26:

  4. @mooonksa

    حبيبتي عاادي مافيها شيء
    مثل ماقالو الأخوات أنتي موظفه حاللك حالهم
    سلمي عليهم وعرفيهم بنفسك وأسئليهم إذا فيه مكان فاااضي
    الله يوفقك في شغللك
    وتصيرين لكل بلكل

  5. @mhrallyl

    شوفي حبيبتي الانسان بطبعه اجتماعي :)
    انتي الحين بالبدايه وغالبا البدايات لاي امر تكون مربكه وصعبه:(
    اول ماتقومين وتصلين الفجر وتقراين الاذكار ولو عندك وقت اقراي سورة ياسين
    سبحان الله لها تاثير مريح ومطمئن للنفس ،
    وخليك واثقه من نفسك واعرفي انك وصلتي للمكان هذا وانتي تستحقينه
    ادخلي وسلمي عليهم وسولفي معاهم واساليهم عن اي شئ ماتعرفينه
    وتاكدي راح تلاقين معلمات فيهم الخير وبيكونوا معاك وبيساعدونك..
    واهم شئ حبيبتي :
    تركزين على قدراتك ومهاراتك الذاتيه وهواياتك وتبرزين الامور الجيده
    في شخصيتك يعني المكان اللي انتي فيه مكان عمل بالاساس ولازمي تظهرين
    امكانياتك ..
    والله ييسر لك كل ماهو عسير ويوفقك ويسهل امورك....

تابعي تجارب أخرى من هذا القسم.