عندك تأثيث شقة عرسان ادخلي قبل ماتكررين نفس الخطأ

وانا بعد ما اوافقك الرأي ..

بس من خلال تجربة ..
اخواني واخواتي تزوجوا .. واشتروا كل شيء صغير وفي خلال سنتين أضطروا يغيرون كل شيء ..

خصوصا الغسالة ..
عندنا الحر موووت .. ويومياا أفصخ والبس .. ولو الوحدة عندها اطفال لو طفل واااحد ..
لو في الأربعين .. كل شوي الطفل يوسخ ويستفرغ أكرمك مالله ..وتتجمع اكوام ملابس ..

يعني الخمسة كيلو ما تسوي شيء أبداا ..

لكن التلفزيون مثلا صح ..29 بوصة اوكي .. وما يخصه بأفراد الأسرة أهم شيء ما يكون صغير ويعمي العين من التركيز خصوصا لو الموضوع في قراءة الترجمة في البرامج ..

والله بكيفكم انا قلت راي وملاحظة لان العرسان أول مايسكنون في شقة والاثاث الكبير مايتناسق مع الشقة يطلع شكله مضحك وحتى التلفزيون الكبير اللي طايحين فيه مايتناسق مع بيوتنا الكبيرة وشلون الشقق الطبيعي الشقة 29 والفيلا 42 أو أقل وهوبعدين اللي تقول الغسالة خمسة كيلو ماتكفي انا عندي عيال كبار ثلاثة وغسالة زواجي كانت عشرة كيلو والحين غيرتها وشريت خمسة كيلو يعني العكس لاني ماأحب أخلط الغسيل وكافية جدا جدا

مع احترامي لرائك انا اشوف العكس لابد كل شئ يكون كبير انا اول ماتزوجت زوجي مشتري كل شئ صغير لدرجة الغساله اقسم ثيابه مرتين اذا جيت اصبن وتعبت مره تعرفون الحر اللي عندنا الواحد يغير طول الوقت وبعدين اشتريتلي غساله مقاس كبير وسيبت الغساله الاولى وهي جديده وكانت هذه من الاخطاء وقالي زوجي والله مالقيت احد ينصحني احسب هذه على قدنا وتكفينا ولازم الرجل يحط في باله انه راح يزيد عدد افراد الاسره وماهو معقوله انا كل بعد فتره اشيل الاجهزه اللي عندي واشتري اكبر وخصوصا الاجهزه تجلس معاك لعشرين سنه

هذا رايي بعد:26:

انا اشوف انو الاحجام الكبيره احسن ةافضل مو كل فتره تشترى اجهزه .
انا اجهزتى مرره صغير لما كنت عروسه كويس لى ولزوجى اما الان بعد طفلين احسها صغيرعلينا .