اخواتي الحبيبات ابغى من كل وحده تقولي لو كانت مكاني كيف يكون رد فعلها وكيف تتصرف

لو انا منك اختى
ما ايك خدامات عندي لو شنو يصير لانها اساس المشكلة
ان شاءا لله اموت من التعب في البيت ولا هالمشاكل
واذا كلش مضطرة يكون عندك مثل ما قالت اختى ميمي جيبي خدامة عجوز ولا تنشاف

الله يعينك اختى
ويوفقك مع زوجك

انتي سألتي وانا راح ارد عليج بكل صراحه

طبعا راح أرد لو كنت في هالموقف واكتشفت خيانة زوجي ومع مين ؟؟ مع الشغالات
على طول اطلب الطلاق لأني ما ارضى أعيش مع انسان خالي المشاعر والاحاسيس وقذر
لأنه يدور الحرام والحلال عنده اللي اهي زوجته
ويخوني مع شغالتي ؟؟ ليش يعني انا مو تارسه عينه
وفوق هذا يقوي راسهم علي ؟؟ للأسف هذا انسان ظالم وماعنده اخلاق ولا دين
لأنه هانت عليه نفسه وزوجته وفكر في طريق اللرذيله ومن غير سبب

خافي على نفسج من الأمراض وصوني كرامتج وحسسيه انج لا يمكن تفكرين تكملين حياتج مع شخص مثله ما يعرف الحلال وغارق في المعصيه والزنا

وما اعتقد اطفالك بحاجه لأب زاني ما يحترم امهم ولا يقدرها

بنات انا سالتكم كيف تكون ردة فعلكم وكيف تتصرفون علشان اشوف تصرفي صح ام قلط

ام عزيز بس الي جاوبتني الله يجزاكم الجنه جاوبني على سوالي

والله مادري ايش اقولك لكن طبعه غريب ولو مابينكم اطفال كان نصحتك ماتقعدين عنده دقيقه لانه مايستاهل اهتمامك فيه وحبك له
عليك بالصبر والدعاء ( ان الله مع الصابرين )
يارب يفرج همك ويهدي زوجك ويصلح اموركم

بصراحة انا مع رإيها لا أبقى مع زاني ولو للحظة لانه عليه الصلاة و السلام قال بشر بخراب بيت الزاني و لو بعد حين و انا لست مستعدة ان يخرب بيته و انا فيه فما بالك بزاني محصن و العياذ بالله