طقيت اختي الصغيره وهاوشت امي وصرخت عليها

مشكورات بنات تسلمون على نصايحكم
اللللله يخليلكم امهاتكم ان شاء الله ولا يحرمكم منهم
اشكر كل وحده انصحتني لويه الله ماقصرتو والله
"روميا"
مشكورة حبيبتي على ردج ونصيحتج الحلوة ... بس والله مادري شقولج .. انا قاعده احاول الحين كثر ما اقدر اخفف تعلقي فيه .. حتى صايرة ما اكلمه مثل قبل .. واهوا مستغرب وعلطول يسألني شفيج وشفيج .. انا كله اقوله مافيني شي عادي بس اهوا شاك بالموضوع .. وانا قلبي قاعد يتقطع كل ماكلمته واحس بحرقه بداخلي مو عارفة اذا راح اقدر اكمل ولا لا .. لأني وانا اكلمه حاسة اني ودي اقوله انا احبك ومابي اخسرك احبك على الرغم من الفروق اللي بيني وبينك .. بس مادري بالضبط أي فروق لأنه اهوا دايماً كان معاي بكل شي وعمره مافتح لي سيرة الطوائف هذي .. كنا متفقين بأغلب الامور .. اااه بس والله وانا اكتبلج حاسة شوي وابجي
..
"معقولة كذا"
تسلمين ياعسل على كلامج الرائع ومشكورة حبيبتي .. ولو بيدي اقدم لج باقة ورد بحالها لأنج تستاهلينها .. الله يطول بعمرج يالغالية
..
"عبير النرجس"
مشكورة على ردودج ونصايحج كلها ماقصرتي والله .. الله يساعدني ويساعدكم ان شاء الله .. بس مادري والله .. معقولة الحب يكون معصية؟؟ انا قاعده اتعذب نفسياً وربي الوحيد اهوا العالم بهالعذاب اللي انا فيه .. الله كريم ان شاء الله
..
"حسبي الله العظيم"
مشكورة على ردج ياحلوة ماقصرتي .. وللأسف الموضوع انحذف بسبب بعض الخوات اللي اقلبوه هواش طائفي بين شيعة وسنة .. اهما يتهاوشون وانا موضوعي ينحذف .. انا شكو مادري .. يالله ماعليه .. بشريني شلون سالفتج ويا المسيحية ان شاء الله خذيتي حقج؟؟

تسلمين اختي على السؤال احنا بانتظار روحتها المحكمه لانها شكلها تتهرب ماتدري انه هذا مو من صالحها لانه ممكن ينحكم حكم غيابي يعني تنصاد بتنفيذ الاحكام لو يسوون تفتيش تنسحب الله ينصرني عليهم وياخذلي حقي بالشهر الفضيل ويهدينا اجمعين ويثبتنا

الله ينصرج ان شاء الله على كل ظالم ويوفقج ويوفق الجميع

يا قلبي اسمعيها نصيحة من أختك الكبيرة ، واللي وقعت في غلطة عمرها

وإلى الآن مو قادرة تنسى إنها ظلمت نفسها ( طبعاً أنا )

المسألة مو في اختلاف المذاهب بس ..

المسألة إنك بعد شويا حتتزوجي .. وما حتسامحي نفسك بعدين إنك تعرفتي وحبيتي واحد غير زوجك

خاصة إذا ربنا أكرمك برجل طيب يحبك ويقدرك ...

الله يسعدك .. فكري كويّس

قولي له .. جاني خاطب .. وشوفي إيش ردّه ؟

إن قال : لا توافقي .. قولي تقدم حضرتك

ووالله إنه كذااااااااب ( لا تزعلي أنا واثقة من كلامي )

وإذا قال : تزوجي ( معروف إنه يتسلى ..

ترى الرجال ما يحبوا أي وحدة ..

وحتى لو حبوا .. الزواج عندهم شيء والحبّ شيء

يعني ما عندهم مشكلة يكون عنده ( ملهمة أو عشيقة ) والعياذ بالله

ويكون عنده زوجة مكرمة معززة ..

فأيهم تختارين لنفسك ..

يااااااااربي أبغى أصرخ لما يوصلك صوتي ، أبغى أصحيييييييك

ما أبغاكِ تندمي وتموتي قهر ..

اتركيه قبل يتركك ويفتري فيك ..

بالله رااااجعي نفسك حرااام ..

إنتِ وردة والله وردة حرام تذبل عشان واحد (( حقييييييييير ))

أسأل الله لكِ الهدى والتقى والعفاف والغنى آآآآمين

الا معصيه كبيـــــــــــــــــــــــــــــره





اول دليل انها معصيه هو قولك:



وربي يقول: (لاتكلف نفسا الا وسعها)

وانتي كلفتي نفسك فووووق طاقتها..بأوهام واكاذيب الحب المزعومه!!!

ثاني دليل:

انك تضيعين اوقاتك مع رجل اجنبي عنك......وربي يقول:

(فإذا فرغت فانصب)
<<انصب= اتعبد الله

ملاحظة: هذي الايه نزلت مخاطبة النبي عليه الصلاة والسلام وهو سيد البشريه..وهو اللي معروف انه كان يقوم الليل حتى تدمى رجليه

وتسأله عائشه رضي الله عنها عن سبب كثرة عبادته لله وهو المغفور ذنبه!!

فأجاب بأبي هو وامي: افلا اكون عبدا شكورا!!!!!!!

يعني ربي يخاطب النبي عليه الصلاة والسلام ويأمره بأن يتعبد الله في اوقات فراغه...بالرغم ان ذنبه مغفور

فـ احنا اولى من النبي عليه الصلاة والسلام بهذي الايه!!

لأن ذنوبنا طغت على الصالحات....ولأننا نشغل اوقات فراغنا بما يرضي الشيطان

ويغضب الله سبحانه!!!!



ثالث دليل انك على معصيه

حديث الخلوة

(لايخلو رجل بإمرأة الا وكان الشيطان ثالثهما)!!

والشيطان مايجي الا على معصيه!!



رابع دليل : مخالفتكم لأمر ربي سبحانه عندما امرنا بـ

(ولاتقربوا الزنى)

ماقال لاتزنوا!!

لكن لااااااااااا تقربوا

وتعارف الشباب على البنات الاجانب اول طريق الزنى والعياذ بالله!!

خامس دليل: مخالفتك لأمر ربي

(وليستغف الذين لايجدون نكاحا حتى يغنيهم الله من فضله)



سادس دليل:

النبي عليه صلاة والسلام قال: (الحمو الموت) <<الحمو =اخ الزوج

طيب ان كان الحمو اللي يكون اخو الزوج وعم اولاد المرأة.....علاقته بالزوجه خطيره جدا وحذرنا منها النبي عليه الصلاة والسلام

فـ كيف بعلاقتك مع شاب ماتعرفين عنه الا الشيء البسيط..ومايربطك فيه اية قرابه

يعني ان كان الحمو اللي سمعته من سمعة زوجة اخوه...فهو خطير على الزوجه

فكيف بالشاب اللي ماتهمه سمعتك!!!


سابع دليل:

مسألة البوي فرند والقيرل فرند هذي مو عندنا

من عند العالم البهيمي الاوروبي

اللي عندهم الشهوة رقم واحــــــــــــــــــــــــــــــــــــــــد!!

ومعروف حكم التشبه بالكفار


وغير هالادله كثيـــــــــــــــــــــــــــــــــــــــــــــــــــــــــــــــــــــــــر

لكن انا اقتصرت على الادله البسيطه لأني مستعجله

نصيحة اخيره اختي

انتي جربتي الحب المزعوم

وجربتي الصداقه مع شاب اجنبي عنك

والنتايج كانت:

نفسيه سيئه+اكتئاب+تطاول على اقرب الناس لك (اختك وامك)


طيب جربي الاتجاه المعاكس

جربي تكونين مع الله وبـــــــــــــــــــــــس

تقربي من الله بـ تركك لهالمعصيه الكبيره

قولي له: انا اختار ربي مقابلك انت والشيطان اللي ثالثنا!!

واقطعي علاقتك فيه عاجــــــــــــــــــــــــــــــلا

واجعلي رمضان هذا السنه بداية توبتك

واسألي الله العوض دائما

وبعد رمضان تعالي واكتبي كيف بتكون نفسيتك بعد قربك من الله وتركك للشاب الاجنبي عنك!!