الموضوع مغلق

* غرفة حمراء × بيج * من تصميمي وتنفيذي ( صور)

شلوووونكم ؟؟؟ مبارك عليكم الشهر اللفضيل ....

ضبطت غرفتي الوردي وغرفة اختي البنفسجية ..... اختي الثالثة اللي اصغر أصرت إلا اضبط غرفتها

وهذه صورة غرفتها من الأمام






بالأول شريت لون أحمرررررر و لون بيج فاتح من جي تي سي أكرلك ربع لمعة مع فرشاة الرول والفرشاة الضعيفة للزوايا ولزاق للصق إطار الباب والشباك

الغرفة صبغتها لونين أحمر × بيج فاتح

الجدار اللي امام الباب صبغته أحمر والجدار اللي أمامه صبغته أحمر بعد... غلفت الجدارين اللي على يمين ويسار الجدار الأمامي بالجرائد وغلفت الشباك بالجرايد بعد



صبغتها أحمر بعد ما تنشف حوالي ساعه أصبغها مره ثانيه علشان يعطيني تأثير حلو ..
----------------

التسريحة حبيت أعطيها شكل مختلف وغير تقليدي ... قلت ليش ما اضرب عصفورين بحجر واحد ... اسوي زخرفة كبيرة على الجدار البيج منها علشان اضيف لمسة جمالية للجدار ومرايا التسريحة

صديقتي مدرسة معاي بالمدرسة شاطرة بالزخرفة ... ساعدتني بزخرفة حلوة .. رحت كبرتها على هيئة لوحة كبيرة وخرمتها بالشفرة
علشان اعمل زخرفة المرايا
خذيت اسفنجة وغمستها بالصبغ الأحمر وطبطبت على كرتون خارجي بالأول علشان أشيل الصبغ الزايد

ورحت طبطبت على الكرتونه المخرمة الملزوقة على الطوفه



وبعد ما تنشف اضيف لها اللمعة مع الفراشات

وهذه شكلها من قريب



ومن بعيد



ملاحظة : شلنا المكيف وحطينه وحدة تكييف ... وشلنا اللمبات وركبنا ثريات .

أتمنى تعجبكم الغرفة

تحياتي

438 تعليق 102,554 مشاهدة

شاركي في النقاش

سجلي الدخول لإضافة تعليق.

التعليقات

424
  1. @fyolyt

    صاحبة الموضوع
    شلونج سراب ؟؟؟؟

    والله بصراحة صارت دخلاتي بسيطة على النت مع إني تره صارلي 4 أشهر سويت هالغرفة هذه , بس ما ادري من أدش النت بس أبي أطلع منه ...

    على كل حال رجعت لكم ... وفي جعبتي الكثير ( على قولة السيدة ملعقة ههههههه ) .


    تحياتي
  2. @mshtakh_lldna

    ماشاءالله تبارك الرحمن

    صراحة شغلك رووووووووووووعه

    وشرايك تجيين بيتي وتضبطينه لي انا تعبت معه هههههههههه

    الله يخليك لاهلك ان شاءالله

تابعي تجارب أخرى من هذا القسم.