فطيرة الدجاج الشهية .. يم يم يمي

29 مارس 2004

الحين هذي أول مره أشارك هنا ..

:42:

بس قد جربتو فطيرة الدجاج ...

شي غريب و عجيب من نوعه .. :21:

أول شي ..

نجي للمحتويات ..

صدور دجاج .. مثلجة ... و قطيعها و هي مثلجة بسكينه حادة علشان تتحكمين

بالشكل , لأننا نريد شرائح طويلة و رفيعة مثل الصيني ..

مشرووم طازج أو معلب ..

كريمة ..

بصل , ثوم,ملح,فلفل أسود

بف باستري ..

و كله بتناسق حسب الكمية الي بتسوينها ..

الطريقة ..

- نقطع الدجاج و هو مثلج .. شرائح طويله و رفيعة طولها تقيبا 1 إنش .. و نغسلة بعدها و نضعه على جنب ..
-نفرم البصل فرم ناعم .. و نضعه في قدر على النار .. مع قليل من الزيت و زبدة علشان
الزبده ما تحترق .. و ننتظر الين تتحمر و تصبح شقراء .. ثم نضيف الثوم ..
و بعدها بشوي .. نضيف الدجاج ..و الملح و الفلفل الأسود نقلب الدجاج بضربات سريعة علشان يستوي شوي طبعا بيستوي بسرعه لأنه رفيع .. و أول ما نشوف الكل صار أبيض .. نقطع المشروم و نضيفه
على الخليط .. يفضل انك تجيبين مقلاه ثانيه و تشوحين المشروم شوي بزبده إذا كان طازج ..
بعدين تضيفينه على الدجاج ..
عقب ما يستوي ..
قلقل من الماء المغلي .. الي بس يغمر نصف الكمية ..
و تضيفين كريمة الطبخ .. تقريبا مقدار كوب و نص ..
غلوه غلوتين .. و شوفي الملح .. و اذا كان محتاج زيدي عليه و قفلي النار و اتركيه على جنب ..
الحين العجينة ..
جيبي البف بيستري العلبة الكبيرة .. القطعه الوحده و خليها مثل الكوره .. و بعدين كنك تسوين بيتزا إفرديها الين سمكها يكون تقريبا 4 ملم ..
و خلي قطعه علشان تغطين الوجه ..
و انتي تفردين .. خلي العجينه تتدلى من الجوانب ..
و بس تبرد الحشوه .. ضعيها فيه ..
و غطيها بالعجينه المتبقية .. اكبسيها بأصابعك .. من الجوانب .. بعدين ..
بسكين قصي الزايد ..
و ادهنيها ببيضه مخفوقه .. بواسطة الفرشاة ..

و اخبزيها الين تتحمر من تحت و من فوق

و عوافي على قلوبكم ..

أتمنى تعجبكم الفطيرة .. :32:

فطيرة الدجاج الشهية .. يم يم يمي

التعليقات

ضيافة فاخرة واستغلال أفضل عروض اليوم الوطني السعودي

ممكن مساعدة بخصوص افضل نوع تاوة لخبز الفطير؟

فطيرة الزعتر والجبنة

فطيرة الدجاج بعجينة البف Chicken Puff Fatira

سندوشتات فاخرة وصفه خطيره و مبتكره | سندوشتات محشية باللحم و الأجبان