السلام عليكم
اخاوتي
تعبت وانا احاول اقنع زوجي اني اتوظف عشان
احنا حالتنا خاصه السالفه لما قلت نزين احوالنا مو سالفه مصاريف لا والله
السالفه ان البيت اللي ساكنين فيه باسمه واسم والدته
وهي تعبانه كثير
وواحد من عيالها الكبار الله يكفنيا شره يجي تقريبا يوميا وياخذ راحته ومرة بنته تخانق الخادمه تقول لها هذا بيتنا اذا جدتي ماتت لنا
فانا من بعدها وانا خايفه يصير لها شئ واخوانه يطالبون بنصيب امهم
عشان كذا انا فتحت معاه موضوع الوظيفه عشان ناخذ بيت بالتقسيط ومتى ماقالوا لنا اطلعوا يصير لنا بيت نقعد فيه
فهمتوا علي
انا وزوجي مشكلتنا
اني اشوف المستقبل وبكرة وش بيصير واحب اتدارك الموضوع مادام ربي معطينا خيار
وهو لا يعيش كل يوم بيومة ولا يجمع ليوم اسود
واذا قلت له قال لي :بتغثيني في حلالي؟؟؟؟؟؟؟؟؟
..................
وش رايكم؟؟؟
وهو رافض
وقلت مالي الله ثم انتم توقفون معي وتدعون لي بهالشهر الكريم يمكن ربي ان شاء الله يقبل دعاكم ويلين راس زوجي ويوافق
تكفون لانظنشوني
والله ودي اتوظف وتزين احوالنا ان شاء الله
واللي زوجها كان رافض وبعدين وافق تقول لي وش صار وكيف وافق؟؟؟؟؟؟؟؟؟؟؟؟؟؟:09:
شاركي في النقاش
سجلي الدخول لإضافة تعليق.
التعليقات
15- انا كان رافض مررره حتى اكمل بس لو ما شارطين كان جلست ولما تخرجت رفض الوظيفه مرررره ادعي ربك انا متخرجه لي 4 سنوات والحين لو توظف عادي بس انه مل والدنيا ماهي مثل اول استني عليه ويمل صدقيني ودايم تمللي وقولي الفراغ ذبحني ولا تطرين الوظيفه ابد وهو من نفسه بيقولك
- ألله يعينك
زي ماقالت أختي انسي مووضوع الوظيفة وتمللي وقولي طفشت من البيت ..
ولاتحسسينه انك بتتوظفين عشان الفلوس اكيد
والله يفرج لك عاجلا - والله هذا شكلي اللي باسويه
انا اقول له خلاااااااااااااااااص طفشت من البيت
يقول لي شوفي شئ نظفيه او صلحيه
ياربي
يستهبلللللللللللللللللللللللللللللللللللللللللل - الله يكتب لك اللي فيه خير بصراحة زوجك رجل بمعنى الكلمة لا لشيء الا لانه ماتمشي عليه الحركات النص كم
العصاميه999 الله يكتب لك اللي فيه خير بصراحة زوجك رجل بمعنى الكلمة لا لشيء الا لانه ماتمشي عليه الحركات النص كم
وعليكم السلام ورحمة الله
يااختي انتي في نعمة واحمدي الله عليها
هذا يدل على ان زوجك " رجل " وليس مجرد ذكر
لاتطلبين منه السماح لك بالوظيفه "بالغصب"
لانه النتيجه بتكون ضدك
ايه نعم ربما احوالك المادية بتكون افضل
لكن حالتك النفسيه يمكن تكون للأسوء
اذا توظفتي وهو مو عاجبه انك تتوظفين
راح يدقق عليك في كل شيء واي تقصير منك في اي مجال
وبيقول بسبب عملك
واحتمال ان احوالك المادية ماتكون افضل
بحيث انه احتمال زوجك يسلك طريق الهروب من الصرف عليك
ويتجه للتجميع ----> الي بلا نهاية .. يعني الي بيسفيد منه عيالكم فقط بعد عمر طويل ان شاء الله
وفيه احتمال آخر
ان زوجك مبسوط انك محتاجه له
فيه رجال يشعرهم هالشيء بالسعاده
ولما تتوظفين وماعاد انتي محتاجه له من الناحية الماديه
ماراح يلقى فيك شيء يخليه سعيد ويمكن يقل اهمية وجودك عنده
اختي لاتخلين الوظيفة اكبر همك
وهي الي ممكن تكون سبب في همك بعد ماتتوظفين
انتي استخيري وان شاء الله ربي بييسر لك الي فيه الخير لك
احيانا الوظيفة ماتكون سبب في تحسن الاحوال
حيث انك بتكوني " موظفة " فالعيون عليك
ليش ماشرت .. ليش ماسوت .. ليش ماعندها كذا
ليش وليش وليش .. وهي موظفة ماعليها !!
انا ماقلت هالكلام الا بسبب قولك " نزين احوالنا "
يعني ان سبب طلب الوظفية هو المادة
وليس الطفش من قعدت البيت او لطلب المكانه الاجتماعية
والله يكتب لك الي فيه الخير
وكل التحية والاحترام لزوجك والله يخليه لك ويحسن احوالكم
والله انه لو زوجك طلب منك تتوظفين او وافق بسرررررررعه
انه تنقهرين وتحسين ان مافيه رجوله وتحسين بغصه انك مثقله عليه وبضيقة صدر
الله يوفقك اختي واكثري من الاستغفار فهو سبب للرزق
والله يرزقني بزوج يقولي اقعدي بالبيت معززه مكرمه
على فكره نسيت اذكر لك الحل
انتي انسي امر الوظيفه بالمره
لاتجيبين طاري له ابد لفتره
وبهالفتره ازعجيه بكثرت الطلعات
طفشانه خل نطلع كل يوم
حتى اذا بيروح للبقالة قولي ودي اروح معك :42:
ابي اشم هواء
بعد هالفتره المكثفه من الازعاج على الطلعات
والسكوت عن طاري الوظيفة
ارجعي ثانيه مره بيوم يكون رااااايق مره
وبعد استلام الراتب بيوم عشان مايكون للحاله الماديه اي دخل بموضوع الوظيفة
لانه يمكن يتضايق يعني انك تحسسينه بالتقصير ---> كذا يمكن عقليته
وافتحي موضوع الوظيفة
وربي يسهل ولاتنسين الاستخاره
مواضيع مشابهة
تابعي تجارب أخرى من هذا القسم.