ادخلوا ............ابغي استشيركم ؟؟!!

مرحبا بنات...
هذا ياطويلات العمر المفروض ان احنا نسافر في العيد ...طيب...
المهم قررنا المكان اللي بنروحه وكل شي اوكي...
بس اللي صار شي ثاني...
جاني زوجي العزيز...
وقال لي..
احين احنا شلون نسافر ...
وبعدين اهلي راح يقولون هذا هو عنده فلوس ويقول ماعنده...
طبعا هذا الله يسلمكم اهل زوجي من فترة طالبين زوجي فلوس بس طبعا هو قال لهم ماعندي وتراه صادق يعني ذيك الفتره ما كان عنده ذا المبلغ ...
فهو احين يقول شلون نسافر وانا قايل حق اهلي ان ماعندي وش راح يقولون عني...
طبعا انا انقهرت حيييييييييييييييييل وقمت اخوره في الكلام ...
وطبعا قهري لسببين ...
اولهم اني انا اصلا من تزوجت زوجي الى يومكم يعني اكثر من ثلاث سنوات ماسافرنا غير شهر العسل وبس... فا احين حصلت لنا ذا الفرصه ....
والسبب الثاني انه والله يابنات زوجي مب مقصر عن اهله يعني يصرف عليهم وكل شهر يحول لهم مبلغ معين ومتى ماطرا عليهم يبغون فلوس اتصلوا وعطاهم ... على الرغم ان احنا مب ساكنين معهم..
يعني هو مب مقصر ابد على الرغم ان ابو زوجي يستلم راتب وراتبه حلو ...
وزوجي يوم قال لهم انا ماعندي كان صادق يعني ماتوفرت عندنا الفلوس الا احين ...
وصراحه هم مايراعون ظروفنا يعني احنا ندفع اجار واقساط ولا مره قدروا هذا الشي ...
وانا والله مب حسد مني اني ماابغي زوجي يعطي اهله ....
بالعكس ...
بس صراحه
كل شي له حدود...يعني مب معقوله حتى في هذا بيطالعونا ...
المهم اني عصبت..
وقلت له ...انت مب مقصر وهم اصلا مايقدرون ذا الشي ولا يراعون ظروفك... وانت اكثر واحد من اخوانك تعطيهم ...
يعني مافيها شي اذا سافرنا ...
عاد هو احين متردد بسبب اهله...
فاشرايكم ...بالموضوع ...

11 تعليق 1,206 مشاهدة

شاركي في النقاش

سجلي الدخول لإضافة تعليق.

التعليقات

11
  1. @kly_nthr22

    الله يعينك
    طيب وش رايك تقوليه انة من عندك الفلوس يعني مسافر بفلوس زوجتة هذا اذا انتي موظفة او
    قولوا انكم دخلتم جمعية وجاتة هاالشهر
    والله مدري اش اقوليك
    الله يعينكم
  2. @aasoool

    ماكان له داعي تقولين له ااهلك مايقدرون
    مهما كان هذوول اهله
    والي مافيه خير باهله مافيه خير بالناس
    الحين الي صار صار
    تعاملي معاه بود وحناان وتصرفي على اساس بتسافرون
    سافرتو زين على زين
    ما سافرتو يمكن تكون خيرة من رب العالمين ماتدرين
  3. @bray

    أنا انقهرت وشلون عاد أنتي:angry2:
    المفروض الرجال يراعي حرمته بعد.. هي صارت زوجته ومن أخص أهله..
    بس حاولي تقنعينه بالتي هي أحسن.. الرجال مايجي بالعناد..
    ولا تعلمون أهله بالسفر إلا قبل بيوم عشان ماتخرب سفرتكم.. ترى كثير من أهل الزوج خاصة إذا عنده أخوات مب متزوجات يغارون من حرمة أخوهم،،، واسأليني أنا مجربة.. وممكن يغيرون قناعته ( اقضوا حوائجكم بالكتمان)..
    وقبل لا تسافرون خليه يمرهم ويسألهم إذا كانوا محتاجين شي.. أو يعطيهم مبلغ من المال قبل لا تسافرون ويقول : هذيك المرة يوم طلبتوني ما كان عندي، وهذا مبلغ لو احتجتوا شي.. ومن هالكلام عشان مايجيكم كلام..
    بس أحس السفر مهم للي ما سافروا من زمان .. تغيير جو وروتين بعد..
    وبشرينا يالغالية بسفرتكم...
  4. @kly_nthr22

    براية
    حرام لاتلمني الكل اخوات الزوج موكلهم حقودات
    انا اخوات زوجي اخواتي واكثر
    الله يستر عليهم

تابعي تجارب أخرى من هذا القسم.