السلام عليكم ورحمة الله وبركاته
اعتذر حبيبتي:) عن التأخير والان نبدا
1. 2000 ريال لاتكفي:ohmy: لك انت والبيت وراتب خادمه و3 اطفال الااذا كان هناك تنازلات رهيبه بس ولا يهمك انا اقولك الحل هو انك من الان تتهربين من راتب الخادمه بالتلميح ومن اول راتب لاتدفعين وراح يكون امام الامر الواقع وراح يدفع ودائما بيني له ان2000ريال قليل وحبه حبه اطلبي زياده <<<علاوه كل 3شهور تقريبا وانت ادرى بظروفه اذاكان قادر على الزياده ولا انصحك انك تمدين رجليك على قد لحافك ولاتنكدين على نفسك حياتك:heart: وحاولي تدورين لك دخل ثاني اذاكان ممكن.
2. نجي للجد :16:
أولا :يكون معك نوته دائما موجودة معك ودونين فيها كل ما تصرفينه بالريال ثم بنهاية اليوم تفرغينه في جداول مجهزتها من قبل عبارة عن جدول تفصيلي للمصروفات مثل مصروفات مدرسيه مصروفات الصغار مصروفاتك أنت مصروفات البيت الغذائية مصروفات البيت الغير غذائية مصروفات الفواتير وهكذا وكل ما كنت دقيقه بالتصنيف كل ماكانت النتيجة أفضل لأنك حاسبتها صح وبكذا راح يوضح الضروري والغير ضروري لمده 3اشهر كافيه إنها تظهر لك النتيجة الدقيقة واجبري نفسك باقتناع انك تتنازلين عن الغير ضروري أو الكمالي بما إن الاستغناء عنه ماراح يضر أو على الأقل تأجيله وكذلك اقنعي الأطفال فيها عشان ماتكونين مظغوطه منهم بطلبات ماهي ضرورية في أي وقت أو حتى زوجك
ثانيا: الحين عرفت الضروري والغير ضروري وعلى قولتك مصروفات زايده عن الدخل إذا وش تسوي نتوقف عن الغير ضروري تماما ولا نسويه أبدا بما انه غير ضروري إلا في حله وحده وهي مثلا نفسك بجهاز جوال أخر موديل تووووووووه نازل طيب حبيبتي إنا ماقلت لا بس احسبيها أنت عندك جهاز وقايم بالواجب وأنا الحين ما اقدر ماديا إذا هو كمالي!! وش أسوي أخليه كمكافئه عن عمل عظيم أنجزته أو إني احوشششش له من مصروفي الخاص يعني مو على طول أروح اشتريه لان معي الآن فلوس وبس لااااااااا أحط له مثلا كل شهر مبلغ معين ما ياثر على ميزانيتي الخاصة الشهرية وفي الأخر راح احصل إلي بغيته مع انه في رأيي ونصيحة شخصيه لا تتبعين المظاهر الكذابه او التقليد الاعمى او تضعين نفسك مع الغير في منافسه مظهريه لا معنى لها سواء كانت صريحه او لا او بمعنى لاتقارنين نفسك مع احد مهما كان واقتنعي بالي عندك و كوني راضيه فيه وكوني لك شخصيه مستقله معتزه بنفسها الكل يقتدي بها كذلك الاطفال يبون لعبه او روحة متنزه او مطعم اوطلب عشاء من برا خليها مكافاءه لعمل انجز او كانو ذاك اليوم هادين او نتائجهم الدراسيه جيده وهكذا يعني لها سبب مش عشوائي قالو نبي قلنا خذ ...لااااا
ثالثا:جييييييييييييينا لتقسيمات وكيفية توزيع الدخل عليها يكون عندك ملف ذو صفحات شفافه للمصروفات<<عند ابو ريالين الصفحه الاولى مصروفات المطبخ : يندرج تحته تقسيمات فرعيه: مثلا ا-الغذاء:وتحطين في هذي الصفحه ظرف رسائل تحطين فيه المصروف وفيها ورقه مكتوب فيها ملاحظاتك ومرئياتك انك مثلا كنت مسرفه هذا الشهر او استلفتي مبلغ من زوجك لسبب طارى ويجب عليك الشهر القادم سداده وهكذا وفي اخر صفحات الملف حطي ظروف اخر لكل بند تجمعين فيه بواقي مصروف الشهر حتى لو ريال واحد يعني لاتصرفينها الشهر اللي بعده لييييييييييه لانها راح تتراكم وتشترين فيها شي نفسك فيه لنفس البند
فزعتكم يابنات حواء ( المصروفات أكثر من الدخل )
متابعة النقاش، صفحة 3