شاركي في النقاش

سجلي الدخول لإضافة تعليق.

التعليقات

140
  1. مااعرف ايش اقلك بس انا لو مكانك مااعيش معاه ولادقيقه
    بس يمكن لاتي ماعشت الوضع بس بصراحه مايستحي
    انتي اجلسي عندك اهلك فتره واذا متمسك فيكي ارجعي واذا ماهمو لاترجعي
    واستشيري اهلك والله يعينك
  2. الله يهديه يا رب ما املك الا دعوة صادقة لك
    وانت يا اختي الحين اهتمي بحملك مو عشان احد الا عشان جنينك لانه نفسيتك تاثر عليه وخلي عندك ثقة بنفسك لا تخلي كلامه عنك ياثر فيك واهتمي بجسمك ونظافتك وهو لا تقوليله انك قراتي ايش كاتب عنك وكوني واثقة من نفسك وبالنسبة للحبوب والشعر يعني هو ما شافك قبل الزواج الشوفة الشرعية اكيد شافك ووافق يعني ما غشيتيه وهذي خلقة ربنا وكل شيء له علاج الحبوب ممكن حتى مع الحمل تزيد والشعر كمان عشان الهرمونات فهميه هذا الشي والسواد شيء طبيعي خصوصا اذا كنتي متينة شوي وما تلبسي شرتات او بنطلون بالاحتكاك يصير سواد وكمان يزيد مع الحمل
    وفهميه انه اكبر خطا انه الرجل يطلع اسرار زوجته برا البيت سواءا لاهله او في المنتديات الرسول عليه الصلاة والسلام نهانا عن افشاء الاسرار الزوجية وقال( إن من شر الناس منزلة يوم القيامة الرجل يفضي إلى امرأته وتفضي إليه ثم ينشر أحدهما سر صحابه) وبما انه ملتزم اكيد هو عارف هذا الشي بس يمكن غافل عنه
    واذا شفتي انه ما فيه منه امل وانه حياتك بعيد عنه افضل فيا اختي القرار يرجع لك وطفل احسن من عشرة مع اني ارفض بشدة الطلاق
    ونصيحة لكل بنت لا تستعجل بالحمل والولادة الانسان على الاقل يجلس فترة يشوف فيها معدن الطرف الثاني خصوصا اذا كان من برا العائلة وما تعرفو شيء عنه عشان اذا لا سمح الله وقع المحضور ما يكون فيه اطفال ينظلم
  3. @anth_sn_sylk

    شوفي يااختي المشكله ان البنات لما تبحث عن ملتزم تبحث عنه لكن لاتسأل عنه

    وهذي مسؤولية الاهل .. لازم سؤال اصدقائه المقربين ولاتقولون صعب ..

    مره حضر لوحده عزيزه علي واحد ماشاء الله عقل واخلاق .. بس ماله وظيفه رسميه وعمره ا27 وتوه متوظف واعرفوها ترى اللي ماله وظيفه وبالاصل مامشى بدراسه على سنع لاتقربينه لو فيه خيره في نفسيه كان صلح حال وظيفته ودراسته ..بجد هذي تجربه

    المهم لما صار كل شي تمام سألو عنه وهو بمدينه ثانيه وش صار صار فيه عقد نفسيه
    صاحبه في السكن قال عنه بلاوي . ولتأكد سألنا واحد من اصحابه في العمل ..

    وفكينا الخطبه ..

    القضيه .. هذا اللي سبك لشيء تافه فهو تافه ... وش تنتظرين منه اذا كثرو اولادك وطالت سنين زواجك ـ

    بعدين اللي قاعد يشكيك من وراك هذا مو رجال ..

    الرجل الكريم اذا احب المرأه اكرمها واذا كرهها لم يهنها ..

    الرسول عندما اتته المرأه تسأل عن ثلاث رجال تقدمو لها

    قال عيوبهم وقرب لها الافضل
    عفوا ناسيه الحديث .. لكن المعنى مو كل رجل رجل ..
    واللي شيع بأمرك من وراك بصراحه مايستاهل .
    ولا بعد مع نساء غيرك هذي وش معناتها ,,وين الدين والتقاة والصلاح ...

    بس عموما انتي دائما وابدا التجأي الى الله واطلبي الخيره ..
    وشاوري اهل الحكمه من اهلك ...

    ولا تتعايشي مع احد يسبب لك معاناة طول حياتك ..


    اما امساك بمعروف او تسريح بإحسان ...


    اعانك الله
  4. @am_yhy

    شوفي يا أختي : الآن أنت تزوجت ، وحملت منه ... يعني لا تفكرين بالإنفصال نهائيا ..

    إذا كانت نيتك من الزواج كما قلت ، وإذا كنت رددت أزواجا غيره من أهل الدنيا ، ووافقت عليه لأنه ملتزم كما ذكرت ، فانتبهي لأن هذا ابتلاء من الله تعالى لك .. لأن الإبتلاء يأتي على قدر الإيمان ، وأنا متفائلة جدا تدرين ليش ، لأن هذي المشكلة بسيطة وحلها التقرب من الله تعالى بكل ما تستطيعين وخاصة صلاة الليل والدعاء ، تعرفين الدعاء الذي فيه :" اللهم استر عوراتي ... " وكذلك الأدعيه :"اللهم اصلحني لزوجي وأصلح زوجي لي ، اللهم اجعلني قرة عين له واجعله قرة عين لي ، اللهم حببني اليه وحببه لي ، اللهم اجعلني في عينه أجمل النساء واجعله في عيني اجمل الرجال ، اللهم أره محاسني وأرني محاسنه ، اللهم استر عنه عيوبي واستر عني عيوبه و.....كل ما يخطر على بالك من الدعاء ..
    وادعي بصالح عملك وتوسلي الى الله به ، مثلا عند مناجاتك لربك في الليل ، قولي : يارب ، إنك تعلم أني رددت فلان وفلان من الرجال مع ماكان عندهم من كذا وذا ، ووافقت على فلان لدينه يارب .. اللهم إن كنت تعلم أني فعلت ذلك لوجهك الكريم فحببه الي وحببي له ... وهكذا ..

    ولو كانت البيوت تبنى على الجمال لما بقي بيت ، أعرف كثير من النساء تعاني من مشاكل جمالية ظاهرة والحمد لله مستمرين مع أزواجهم ، وممكن انك بين كل فترة يعني إذا سمعت وحدة فيها شيئ مشكلة صحية أو خلقية أنك تقولينها لزوجك ( بدون ذكر اسمها ) فقط حتى يشعر بنعمة الله عليه .

    وأما من ناحية تأثير المشكلة على نفسك ما ألومك ، لكن تذكري قوله تعالى : " وعسى أن تكرهوا شيئا ويجعل الله فيه خيرا كثيرا " يعني ان شاء الله بعدين إذا تذكرت هذي المشكلة تضحكين وتصير سوالف مثل ما يقولون ..

    وفيه شيء مهم ترى الزوج الملتزم مو ملاك ، هو بشر يخطئ كما يخطئ الناس ، وكل انسان فيه عيوب من نوع ، وممكن تشوفين واحد مو ملتزم ويراعي زوجته في شيء لكنه يؤذيها في اشياء أخرى .. يعني انسان كامل لا يوجد ..و كثيرا ما سمعت أن يوجد رجال يقولون لزوجاتهم مثل ما يقول زوجك وأشد من ذلك هداهم الله يظنون أنفسهم ملوك جمال ، مع أنه أحيانا نفس المشكلة التي في زوجته تكون فيه هو ...

    وتذكري دائما : " إن الله مع الصابرين "


  5. ان الله مع الصابرين..الله يفرج همومك ..:icon33::icon33:والله عجزنا حنا البنات من هالشباب :09:اللي غالبا نظرته سطحية وهذا من تأثير القنوات الفضائية:( الشاب يعرف يبحلق عيونه ويعرف المناطق الحساسة من كثر مايشوف من هالبلاويرغم انه المفروض غض البصرعن الزوجة تأدبا في هذه المنطقة,:angry2: استغفر الله صار الواحد يبي يطلق بس عشان اسباب تافهة وغير منطقية ..ان من رايي تصبرين عليه وتمين في بيت اهلك وتشوفين هو يسأل عنك ولا لا بعدين خلي الوالد يكلمه بينه وبينه عن ضرورة العشرة الحسنة خصوصا ان بينكم طفل ولا تفكرين بالطلاق ابد حاولي بقدر الاستطاعة ثم الدعاء بتسخيره والله يوفقك ويهديه ويصلحه...

تابعي تجارب أخرى من هذا القسم.