كوكيتا ..
جزاك الله خيرا وشكرا على وضع الرابط .. صراحه استفدت منه كتير :P
غنوجه ..
منك لله على الصور .. الحمد لله ان الساعه دلوقت داخله على اثنين بليل وإلا كنت ارسلت في طلب الشوكولاته او اي حاجه تتاكل..
ليلو ..
لاه انا مش هتبناكي .. انا هتبباكي .. انتي ناسية انك الاب الروحي والراعي الرسمي لعملية التدبيس بتاعتي ولا ايه ..
عسوله الاصلية ..
لاه متخافيش باذن الله لما بنوي على حاجه بنفذها وعشان كده بحدد لها موعد لاني عارفه اني لو نويت دلوقت مش هنفذ فالوقت لا يسمح اساسا مش هلاقي حد في الجيم يلعب معايا الوقت بداية دراسة ورمضان فصعب .. لكن باذن الله بعد رمضان هدرس الموضوع بجديه ..
عسوله بشرطه ..
اهلا بيكي معانا انتي وكل البنات الجدد والدماء الجديده التي تضخ في شرايين الرابطه ونحن في هذا المنعطف التاريخي واللحظات المصيرية ..
بس صحيح لا زم تشوفي لك حل في موضع الاسم .. على كل عسوله الاولانية خذته خلاص بوضع اليد .. الاسم من حقها .. لان بقالها فيه سنة ونص دلوقت ده من جهة ومن جهة تانية طبعا لا زم اتحيز لها .. اعذريني.. منتي عارفه بقى قلب الأم ..
راما..
في مواقع بتحسب لك بالظبط كتلة الجسم قد ايه ان كانت الكتلة ( مش الوزن ) بين اربعين وخمسين يبقى ربط أو تدبيس إن كانت اكثر من خمسين يبقى تحوير على طول .. اعملي بحث في جوجل يطلع لك كذا موقع حطي بياناتك فيه أو لو مش عارفه ابعتي لي طولك ووزنك ( على الخاص لو مش عاوزه تحطيه هنا ) وانا هحسب لك العملية الي تناسبك باذن الله ..
نورمجان..
اهلا بيكي معانا في الرابطه ويارب تبدئي المشاركات بقى اصل ايدي وجعتني من الكتابة ..
كووووول اهل الرابطه سلام عليكم كبير بس معليش انا كنت داخله اكتب على السريع كان في بالي كلام تاني وردود بس والله ناسية معليش اعذروني .. ولي عوده ان شاء الله
¨°o.O (( رابطة المتحزمات)) O.o°"
متابعة النقاش، صفحة 1,232