بنـــــات ودي اقـــــول لكم شي بـــس خايفـــــــــه اطيح من عينـــــكم وتكرهوني ؟؟!!

اسمعيني هذا هو هوى النفس والنفس امماره بالسؤ فانتي كل شوي تذكري قوله تعالى (وأما من خاف مقام ربه ونهى النفس عن الهوى فأن الجنة هي المأوى) وان قدرتي اكتبيها بخط كبير ولزقيها في كل مكان عشان تتشجعين وتقوين نفسك واعظم الجهاد جهاد النفس ليه..............؟
لان النفس بطبيعتها تحب الراحه
ابعدي عن التسويف وتذكري ان الله يراك واشتشعري هذا الشي لانك بتستحين منه سبحانه او بتخافين منه لان الله يمهل ولا يهمل
والحمدلله انتي تحسين بتانيب الضمير هذا شي طيب لكنه لا يكفي وانما بادري بالتوبه وتغانمي هالايام الفاضله وكثري من الاستغفار الموت ما يشاور
واحد من زملاء زوجي رايح في غربه يدرس ويوم خلص وخذ الماجستير رجع لاهله قعد معهم اسبوع وتوفت زوجته الله يرحمها ويغفر لها ويثبت اهلها ما امداهم يفرحون برجعتها الله
صلح حالنا ويهدينا لعبادته على الوجه الذي يرضيه عنا .............آآآآآآآآآآآآآمين

أزيد على كلام البنات اللي كان رائع مع اني ماقريته كله ..
بس احب اقول لك انت شوفي اساس الشي اللي خلاك كذا واتركيه وممكن يكون العمل وممكن يكون شي ثاني واذا كان اي شي, لو انه اهم من كل شي في حياتك ترى لازم تتركيه لأن الصلاة اهم منه وانت راح تتركينه عشانها ومن ترك شيئا لله عوضه الله بخير منه ..

حتى لو حياتك تتوقف عليه صدقيني راح يعوضك ربي ولازم يكون عندك يقين تاااام بهالشيء.
والله يرزقنا واياك حب العمل الذي يحبه ويقربنا اليه..
اللهم اني اسألك الجنة وما قرب اليها من قول وعمل وأعوذ بك من النار ومايقرب اليها من قول او عمل..

تعوذي من الشيطان
الحين حنا في ايام فضيله ماتنعـوض
استغليها
انتي الحين اللي عليك فرض لازم تصلين
اول شي تسوينه توضي وابدي صلي ركعتين وصلي صلاة اليوم اللي طافتك وحاولي قدر المستطاع توفرين تنبيه او ساعه منبه

او مؤذن ناطق ينبهك باأوقـات الصلاة عشان ماتنسين وينسيك الشيطان ويغفلك عنها

كلنا مقصرين بس حــاولي تبدين صفحه جديده اقري القران من الحين لاتأجلين وتقولين بكره

مو شرط تختمينه بس اقري كم صفحه تشرح صدرك وتهدي نفسيتك وتبعد الشيطان عنك

خلي بشنطتك ورد يومي فيه اذكار الصباح والمساء والرقيه الشرعيه واقل شي المعوذات واية الكرسي ردديها يوميا تبعد الشيطان عنك

واي شي تشوفينه غلط او ذنب تسوينه وقادره انك تبعدين عنه لاتتردين واذا ماانتي قادره اخلصي النيه لله وادعي ان الله يفكك منه ويبعدك عنه

والاهم من كل هذا الاستغفار والدعــاء والله يهديك ويهدينا يارب ويثبتنا ويثبت قلبك على طاعتــه.. واي شي تبينه كلنا لك وخواتك

والله ينور قلبك بالايمان والقران ويبعد عنك كل شر

الله يهديك ويصلح لك شأنك