يارب ترزقها باللي تتمناه اللي تدعي له
ويرزقها حسن الخاتمه
والنجاة من النار
اسمعوا هالقصه باختصار
كان انسان قـــــــــوي الجسد والبنيه
حنون القلب .. قوي الشخصيه
فجأه وبدون سابق انذار
مرض (الله يجعله تكفير لذنوبه يااارب) قولوا آمين
دخل المستشفى
وقرروا له سفر الى الخارج للعلاج
كان معه شي بالقلب .. مع انه قلبه كان سليم من قبل
لكن هذا هو الموت
قرورا له لندن .. بعدين قالوا لا حالته الصحيه ماتتحمل
وغيروا للأردن
دخلت عليه بالعنايه ومافكيت الغطاء عن وجهي
عشان مايشوف دموعي
مسك ايدي باسها .. << ايه والله باس ايدي .. ياربي تحرم وجهه على النار>>
بعدين حطها على قلبه .. وانا حاسه بدمعته اللي ماطلعت
انا هنا ماقدرت على الموقف
طعت بسرعه برا .. وقمت اصيـــــح
اصغر خواتي وقتها كان عمرها 8 سنوات
دخلت عليه بالعنايه وما مسكت نفسها قامت تصيـــــــــــــــــح
مسح على شعرها وقالها ليش تصيحين تحسبيني بموت ؟!
انا مافيني شي
وكان طول ماهو بالمستشفى يوصي على اخوي .. كان بسن مراهقه
وحيييييييل خايف عليه
طلع من المستشفى بعدها بيوم ( كان يوم الخميس)
ويوم السبت كانت رحلته للاردن .. وكان بيسافر معه اخوي وعمي
مسك التلفون وكلم كل اهله تقريباً وماقال لأحد انه مريض ورايح للعلاج
سلم عليهم .. وكأنه يودعهم
يوم الخميس بالليل الساعه 11 ونص كانت خالتي عندنا
وهي طالعه تسلم عليه وتقوله ماتشوف شـــــــــــر
قالها .. انا خلااااااااص انتهيت كان حاس بنفسه
الجمعه الصبح
كان فيني خوووووووووووووف ماقدرت انام
انا وامي صاحيين
وطبعاً ماكان يقدر يروح غرفته فوق
كنا حاطين له سرير تحت
كان يوصيني على صلاتي .. ويقولي روحي اقري لك قرآن
رحت فوق خذت لي دش .. واصيح بالحمام حسيت لحظه الفراق قربت
نزلت تحت
قال ... لامي ابي اشرب شي
راحت امي تسوي حليب وقالت لي اقعدي معاه يمكن يحتاج شي
قلت مااقدر خايفه
والله العظيم كنت واقفه ورا الجدار اطل عليه خايفه يحتاج شي ومو قادره اقرب
كل مايمر الوقت يتعب زياده
كانت امي تقوله اتصل بـ(فلان - اخوي) يوديك المستشفى ؟؟
يقول لا ماابي ازعجه وافجعه بهالفجر
لما صارت الساعه 7 الصبح
قاااااااال خلاص مو قادر
كلمت امي اخوي وجاء
وانا ميته خوووووووووووووف
لبسته نعاله بايدي .. وكان ودي ابوس رجله
واخوي لبسه شماغه ومسك ايده عشان يطلعون
وانا رحت جلست بعيييييييييييد بالصاله
كان طول ماهو يمشي من الممر الى الباب يطالعني
يمشي ويطالعني .. ولا شال عينه من علي
ولا حتى رمش
ليييييييييييين وصل عند الباب قال ( ايـه يااااااالله ) الى الحين صدى صوته في بالي
كان ودي اقوم احضنه واسلم عليه وابوس راسه
بس خفت .. اني احسسه بالخوف .. او اني ابين له اني حاسه انه بيموت
طلع ابوي واخوي وامي
وجلست انا زي المجنونه لحالي
مو عارفه وش اسوي
اشغل التلفزيون واطفيه وادق على امي
وارجع اشغله وارجع اطفيه وادق ماترد
بعدها بربع ساعه جاني احسااااااااااااااس
قلت خلااااااااااص ابوي ماااااااااااااااااااات
5 دقايق الا واسمع صوت امي وهي تصيح عند الباب
رحت اركض على سريره اللي كان نايم عليه قبل شوي
ضميت المخده
اشم ريحة ابوي
وانفاسه
اللي خلااااااااااااص بنحرم منها للأبد
وقعدت اصيييييييييييييييييييييح بحرقه
ماوعيت بنفسي الا واخوي يقومني من السرير مدري انا اغمى علي مدري وش اللي صار
اللي اعرفه انه مرت ساعتين
قعدنا انا واختي نترجا اخوي يودينا نشوفه لكنه مارضى
يقول مابي تتقطع قلوبكم زياده
آآآآآآآآآآآآآه يايبه
انحرمت من كلمة يبه
انحرمت من دلعك .. حنانك .. صوتك
ولا انسان بهالدنيا يعوض مكانك
6 سنين .. 7 سنين مرت ..
اللي صار قدااااااااااااام عيني كأنه امس
اللهم اغفر له وارحمه وعافه واعف عنه
واغسله بالماء والثلج والبرد ونقه من الخطايا كما ينقى الثوب الابيض من الدنس
اللهم ابدله داراً خيراً من داره وزوجاً خيراً من زوجه
اللهم انر عليه قبره .. كما انار لنا دربنا في هذه الدنيا
ووسع عليه قبره .. كما وسع علينا في هذه الدنيا
اللهم اجعل قبره روضه من رياض الجنه
ولا تجعله حفره من حفر النار
اللهم آنس وحشته واجمعنا واياه في جنات الخلد
الموضوع مغلق