عالم الارامل ****&&&

اختي الحبيبه الحنون بنت الجنوب لاابكى الله لك عينا الا من خشيته ولا ادم لك قلبا والله يحفظ لك امك وابوك واهلك كلهم ولاتشوفين فيهم يوم مايسرك قولي امين وجزاك الله خير على احساسك ودعواتك ولك بمثل 0000واوصيك بوالديك خير والله الله بالبر بهم ترى عندك فرصه ثمينه تسوقك للجنه وصدقيني هم الوحيدين بالدنيا (الام *الاب )الي يحبونك بدون قيد اوشرط 0

اختي وتوأم روحي في اليتم والحرمان 00محبوووووووبه وعسل000تسأل عنك العافيه ولاحرمني واياك الجنه 000غبت ولا قلبي معكم 00كان عندي عزيمه على الفطور والعشاء 0لذا انشغلت وعلى طول خلصت شغلي فتحت النت وجلست اقرا المرور واكتب الرد 00وشلونك وشلون من يعز عليك 000تصدقين العبره خنقتني وضايق صدري 00سبحان الله السنه الاولى صعبه على اهل الميت لانهم متعودين على وجوده احس بفقده بلللللللللللللللحيل خص اول رمضان والعيد وغيره من المناسبات وابفقده بلحيل بطلعات البر لاني انا وياه عساه بالجنه نعشق البر عشق نحطب ونشب الضوويخلين اسوق واطعس بعيالي وندور عراجين وايام نادره فقع ونحش بسباس وثعاليق ونطبخ كبسة حمام بالكاتم ونحمس ابو فروه الله الله الله على هاك الايام الله يجمعني فيه بالجنه يااااااااااااااااااااااااااااااااااااااااااااااااااااااااااااااااااااااااارب0

الله يغفر لميتك ويرحمة ويوسع منازلة ياااارب ...
ويجمعكم به في جنات النعيم ... اله يربط على قلبك ويعوضك بصلاح عييلك ياااارب ..
وربي بكيتيني ياحبيبة قريت وقريت .. وسكرت الموضوع ماقدرت أرد ورجعت له مرة ثانية وثالثة وأنتي على بالي ماقريت كل شي لكن حاسة باللي بقلبك ...
عزيت في ولد وعزيت في أب وعزيت في أخ لكن يوم قالوا لي وحدة مات زوجها تعالي صبريها كلامك يطيب الخاطر قلت وش أقول مات زوجها ماني عارفة وش أقول لها أحس مصيبة مابعدها مصيبة ... ولاهوا كلامي انا ولا من قلة مكانة الباقين لا لكن هو اللي موتته مصيبة حي و الرسول علية الصلاة والسلام قال عن حمنة بنت جحش يوم مات زوجها في معركة أحد إن زوج المرأة لها بمكان ..
لكن أرجع وأقول لك يابختك أجرك عند الله كبير في تربية هالعيال وأنتي اللي بتربينهم بأمان من غير مايناشبك أحد فيهم ... الله يعوضك ويعوضهم ...
مصيبتك كبيرة صدق ياعمري الله يصبرك . لكن عزي نفسك إنهم تيتموا من أبوهم وهو ميت وغيرهم متيتم من الأبو وهو حي ...
سلي نفسك بقولة مصيبتي ماهي أكبر مصيبة في مصايب أكبر منها عيالي بحظني ما أحد بياخذهم مني وكلهم بصحة وعافية الله يخليهم ويطرح فيهم البركة يارب ويعوضونك عن فقد أبوهم ...
ماني عارفة والله وش أقول لكن من جد قلبي معك يا أختي ...