شوفوا قصة صديقتي مع ولدها ال.....

لاحول ولا قوة إلا بالله

ماشاء الله تبارك الله _الرسول صلى الله عليه وسلم بشر كافل اليتيم انه معه في الجنه _ :)

الله يهنيها ويسعدها ويزيدها من فضله واحسانه

الحل يااختي الأمثل بعد الدعاء والصدقة

هو الحزم والشدة في غير عنف وهالشي ماينفذه بكل دقة الا الرجال ( الأب )

المفروض الأب يتدارك الغلط (افراطه في الدلال ) ويحزم مع الطفل ويعامله كإبن له

يقول الشاعر العربي:

فقسا ليزدجروا ومن يك راحما ............

.................فليقسوا أحيانًا على من يرحم


وعموما الطفل صغير مرة مرة .... 12سنة ترى يعتبر سفيه

يبدو لي ان الولد يحب اهله ولكن مجتمع المدرسة مايخليه في حالة

:icon33: بس ياليتني ماقريت الموضوع :icon33:

انصدمت من بعض الردود ....

ومن بعض العبارات ..... التي تطلب من اليتيم الخضوع!!!! والإعتراف بالجميل !!!!!

ورد الاحسان بالاحسان !!!!!!!!!!!!!!!!!!!!!!!!!!!!!!!!

وكأنكم تتكلمون عن شايب عمره 50 مو عن طفل صغير لايفقه من الحياة الا الدلال والرفاهية .

وين الرحمة يااخوات ؟؟؟ وين الخوف ممن لايسهى ولاتنام عينه ؟؟؟

ماكان هذا خلق مربينا محمد صلى الله عليه وسلم

لاحول ولاقوة الا بالله

ربي يجزاها خير كل من ردت وعقبت على الموضوع بس اللي تقول رجعوه الدار ترى لو نيتهم يرجعونه كانوا رجعوه من زمان بس ما تتخيلون قد ايش هم يحبونه بجنووووووووون

وبصراحة امه متفتحة ومتعلمة وفاهمة الدنيا زين وما هي بصغيرة واكثر الحلول اللي طرحتوها جربتها معاه مشكلة الولد ما يبي احد يعاقبه ابد ولا يخليهم يعاقبوه ويندمهم حياتهم لو حاولوا يعاقبونها من سؤ ردة فعله عليهم

وهم خايفين يستشيرون احد بالدار وتصير عليه متابعة قوية تهز الولد وتعامله مع الدار مقتصر باتصال مسؤولة على الام تتفقد الولد وطبعا الام ما تقول غير انه كويس وبعدين الولد اصلا ما يدري انه لقيط بالعكس دايم امه تفهمه انه من اصل طيب وان ابوه كان رجل كلن يمدحه وان امه انسانه محترمة ودايم تفكره انه يترحم عليهم وانه لازم لمن يكبر يروح مكة ويعتمر لهم وان الولد دايم يطلع لأبوه وهو ابوه انسان صالح وهو لازم يكون طالع على ابوه بس مااااااش يخزن الكلام بداخله ويبتسم ابتسامة ما تفهمها هو سعيد ولا انه مو مصدقها
والمدرسة ما حد يدري عن وضعه الا المدير والمشرف التربوي بس السنة اللي فاتت جت عليه شكاوي كثيرة من العيال وما غير يكتب تعهدات والظاهر ان المشرف قايلن حق واحد من الأساتذة عن وضعه قام الأستاذ علم واحد من العيال ان لا عاد يشتكونه تراه حالة خاصة وجا الولد وعلمه.. ( إنك يا فلان حاله خاصة ) وقعد يومين الولد مو طبيعي وامه تلح عليه تبي تعرف ايش فيه آخر شي قام يصارخ بها ويقولها انتي فضحتيني بالمدرسة والولد قالي كدة الأم هنا انجنت وطبعا ما سوت قدامه شي بالعكس خذت الموضوع عادي وفهمته انها هي ما لها خص وان اختلاف اسمه عن اسم ابوه هي اللي خلت المدير يعرف وقالت له ان الموضوع ما يستاهل وانك لازمن تفتخر بوضعك وانت مو الوحيد في الدنيا اللي اهلهم ماتوا وهادا الشي لا يزعل ولا يحرج ومن عقب علمت ابوه وراح المدرسة وسوى لهم سالفة وبهدل المدرس على اسلوبه طبعا من غير ما الولد يدري عن شي.

اما قرايبهم ما حد من اطفالهم يدري عن وضعه والكبار اصلا تحسون انهم ناسيين موضوعه ويتعاملون معاه مثله مثل اخوه
ومرة هو قال لعيال خاله وخالاته ترا اخوي هادا ما هو اخوي وقاموا العيال يصيحون مو مصدقينه وكل واحد بهم علم امه اللي فهمتهم انه يمزح لين نسوا الموضوع وامه هنا استغربت من كلامه واسلوبه بس ما قالت له شي وتركت الموضوع كأنه ما صار

والله ان سوالف الولد كثييييرة عسى ربي يهديه ويصلحه

وبالنسبة للطبيب النفسي انا اقترحت عليها الفكرة قالت لي بانها دورت على اطباء متخصصين بس ما حصلت غير الأطباء النفسيين اللي يعالجون الإكتئاب وما فهموا لحالته ولا هي من اختصاصهم وحنا هنا بالسعودية عندنا نقص بالتخصصات هادي مدري ليش .

بس انا ياعمري مااقصد يرجعونه على طول لالالالالالالالالالالالالالالالالالالالالا اقول مادام درى انه يتيم وجاي من هالمكان عشان بس يخفف من عناده وشقاوته الي ممكن تضره هو قبل لا تضر غيره ابغاه يكون من باب التخويف وانا داريه انهم اعتبروه ولدهم وتعلقو فيه
بس بعد صعبه يخلونه بدون مايشوفون حل لحالته وترى كثير من المدمنين وتجار المخدرات ايتام الله يصلح الحال
وبعدين مافيه ناس متخصصه لعلاج الايتام بس وانا عندي طبيبه كويسه تعالج الاكتئاب والولد حالته مشابهه للي عندهم اكتئاب واذا تبين الرقم راسليني ع الخاص لعل وعسى الله ينفع بالسبب هذا والولد تهدى حالته وتستقر والله يجعله من شباب الامه الهادين المهتدين