لايفوتكم يالشرقاويات وكل البنات حياكم .. مكياج جديد من تصويري

السلام عليكم ورحمة الله وبركاته


أتمنى يعجبكم موضوعي

ولو أن هالماركتين اللي بتشوفونها أعتقد انها مو منتشرة

لكنها موجودة بالشرقية

.............................................


الماركتين هم :

بريتي Bretty

والثاني اسمه Seventeen




شوفوا ماركة (بريتي) صورتها لكم من المحل .. بس ألوانه عالطبيعة رووووووعة وقوية وفاقعة مثل ميك اب فور ايفر .. يعني عندهم العشبي والأصفر والأورنج والفوشي وكل الألوان الفاقعة اللي ماتتحصل إلا بالماركات العالمية


حسافة ما صورت الستاند كامل



وهذا ستاند الأرواج

في لون عجبني رقم 27 .. فوق على اليسار



ولقيت روج أحمممممممر مات (مطفي) يجنن من كراجا ونسيت آخذه >>>الحمدلله والشكر:42:

وبالنسبة للشدوهات .. عندهم الواتر برووف والعادي والمخملي


بس المخملي اللي عندهم يجنن عكس المخملي المنتشر بالفترة الأخيرة ..

المخملي اللي عندهم يتميز بالنعومة عكس الأنواع الرخيصة اللي يكون ملمسه خشن وأي لون تحطينه يصير فضي (ينعكس مع الاضاءة) وفوق هذا مايندمج !!

ورغم كرهي الشديد للشدو المخملي إلا ان هذا عجبني .. وماقدرت أقاوم الألوان اللي أخذتها

لاحظوا .. حطيت الشدو اللي أقصده عند الشدو المخملي الخربوطي(الباليته الكبيره) عشان تشوفون فرق الحجم ولاحظوا لمعة الخربوطي أقوى من الحلو اللي توني ماخذته .. وطبعاً هاللمعة القوية تطلع مو حلوة على العين .. تعطي انعكاس فضي وتلغي لون الشدو !

اللون الأورنج اللي مخلص .. ترا مو من زينه انا ما استخدمه .. بس الظاهر انه انكسر


وما أخذت من شدوهاتهم غير هالثلاث الوان اللي شفتوها لأن عندي شدوهات كثيرة وعندي ألوان قوية وأساسية من بن ناي (هدية من بنت عمتي فديتها ) :heart:

ولا لما أروح محلهم أحس ايدي تحكني وودي آخذ شدوات كثيرة بس أتذكر ان اغلب كل الألوان اللي احتاجها موجودة عندي

الزبدة من هالكلام .. حسيت ان المحل ما يتفوّت .. و والله إني لما رحتلهم تذكرتكم يا بنات حواء .. وقلت دام إني استفدت منكم كثير جا دوري وان شاءالله تستفيدون

نجي للسعر .. أحلى مافيه السعر :2thmup:

تخيلوا اللون بـ 20 ريال بس .. واذا أخذتي 6 الوان يصير بـ 15

والأحلى انه يعبي الألوان بالباليت


وتخيلوا المحل بأي سوق !!!!!!!!!! :confused:




أخاف اذا عرفتوا السوق تهونون وماتروحون المحل :p





بصراحة حتى انا انصدمت لما شفت هالميك اب الخطير بهالسوق





المحل هذا بسوق الحب بالدمام

واسم المحل : ايليا او ايلينا <<<<<< معليش الذاكرة عندها مش ولا بد :o




يتبع

50 تعليق 7,396 مشاهدة

شاركي في النقاش

سجلي الدخول لإضافة تعليق.

التعليقات

47
  1. صاحبة الموضوع
    أترككم مع بعض الأشياء اللي أخذتها من ماركة سيفنتين (لاحظت انهم مميزين بأورواجهم و الليب لاينر )

    أخذت جلوس مشمشي مره حلو لونه وأخذته مع ليب لاينر وأخذت بعد بلاشر مشمشي خفيف







    هذا الروج خطييييييير (بس التصوير ظالمه) لونه بين الأورنج والفوشي وفيه لمعة ترطيب (فاقع نوعاً ما )
    وطالع معاه صورة روج كراجا (لونه بالطبيعة لحمي بس بالتصوير صاير بني)
  2. صاحبة الموضوع
    الهوليّــــه
    أترككم مع بعض الأشياء اللي أخذتها من ماركة سيفنتين (لاحظت انهم مميزين بأورواجهم و الليب لاينر ) أخذت جلوس مشمشي مره حلو لونه وأخذته مع ليب لاينر وأخذت بعد بلاشر مشمشي خفيف هذا الروج خطييييييير (بس التصوير ظالمه) لونه بين الأورنج وا…
    لما جيت أصوّر اللي شاريته من هالمحل قلت فرصة أصوّر باقي مكياجي دام إني مرتبتهم


    ترا مو من زين مكياجي :o بس متحمسة للتصوير .. حتى فكـّرت احط صور عيوني بالمكياج:32: بايعتها الأخت .. بس بعدين هوّنت .. وقلت بلاش تهوّر


    معليش هو معفوس .. بس بالنسبة لي هذا قمة بالترتيب :35:











    وأتمنى ان أي وحدة تروح هالمحل او تاخذ منه شي تعلمنا عشان نستفيد >>>> إلا عشان تحب اللقافة وتحب تشوف مكياج غيرها


    والسموحة على حوسة الموضوع والتصوير الرايح فيها


    وبالتوفيق للجميع :26:
  3. @kmr14_8

    اكويس انا اول وحده ارد ابموضوعك

    الله يعطيك العافيه وصدقتي ماركة ابريتي انا توي ماخذه منها واجنان مرررررررره

    والله كل من شافها قال حاطه من فور ايفر

    وجد جربوها ومراح تخسرون

    لكن مشاء الله عليك باين عليك شاطره بالمكياج حابه اسالك ايش احسن اكريم اساس وبودره

    لاني انجنيت كل ماحطيت اساس تجي امجعد بذات عن الانف ياليت تفيديني

    وابسألك المحل اللي ذكرتيه عندهم ماركة كرولاين

    او وين يبعونه بالشرقيه
    وتحياتي لك
  4. @aabyr_alkhyal

    حبوبه الله يجزاج خير انا من الشرقيه ممكن توصفين لي محل ايلي او ايليا هذا وين صاير اي جهه بالضبط لان سوق الحب كبير وين ادور المحل واااااو ما اتخيل ادور ورقبتي معلقه باللوح ادوره
    حياتي اوصفيلنا المحل وين صاير بالتفصيل الممل بليز ولا تطولين علينا ردي سريع ما بقا شي على العيد وناقصني كم شدو وما لي خلق اطقلي من فور افر ولا ماك لان استخدام الالوان هذي قليل بالنسبالي فحرام اضيع فلوسي على الفاضيه والمليانه <<<<<<<قصة حياتي كالعاده

    وثانكس على المشاركه الرائعه ومكياجك ما شالله حلو تتهنين فيه يا رب
  5. صاحبة الموضوع
    @قمر14@
    اكويس انا اول وحده ارد ابموضوعك الله يعطيك العافيه وصدقتي ماركة ابريتي انا توي ماخذه منها واجنان مرررررررره والله كل من شافها قال حاطه من فور ايفر وجد جربوها ومراح تخسرون لكن مشاء الله عليك باين عليك شاطره بالمكياج حابه اسالك ايش احسن …
    يامرحبتين وسهلين

    سؤال : من وين أخذتي شدوهات بريتي؟ من نفس المحل اللي بسوق الحب ؟ ولا ينباع بمحلات ثانية؟

    والمحل ماعنده كريولان .. اغلب بضاعته من الأنواع العادية مثل ماكس فاكتور ونيفيا وهالطقة .. لكنه مميز بسيفنتين وبريتي




    وبخصوص الأساس .. بصراحة انا لاخبيرة بالميك اب ولايحزنون :09: بس إني دايما اجرب و احوس





    والأساس يعتمد على نوعية بشرتج

    انا سابقاً كانت بشرتي دهنية وكنت أستخدم اساس فور ايفر الليكويد وللسهرات اساس ديور ثقيل وةمايحتاج بودرة لأن مخلوط معاه بودرة ولما ينشف يصير جاف أقصد يصير كأنه سائل وفوقه بودرة .. وأحيانا استخدم شانيل عصار (نفس ديور تقريبا عبارة عن سائل ومخلوط معاه بودرة) .. وجربت أساس كلينك لكنه خيااااااااس بمعنى الكلمة ماناسبني

    أما الحين صارت بشرتي جافة :42: لأني تعالجت بالروكتان .. وصرت أستخدم اساس ماكس فاكتور اللي شكله عصار (من الكوليكشنات القديمة) سائل وخفييييييييييييف مرة حلو
    وبالمناسبات أحط معاه نقطة (جد نقطة) من ديرما كول ويطلع حلو .. وآخر شي بعد ماينشف أنثر شوية لوس باودر من فور ايفر لونه ناتشورال (أموت فيه) وبس


    على فكرة .. أحرص على ترطيب وجهي قبل ما احط المكياج بمدة


    أدري انج ما استفدتي شي :42: لأني ذكرت اللي يناسب بشرتي



    موفقة يارب:26:

تابعي تجارب أخرى من هذا القسم.