شاركي في النقاش

سجلي الدخول لإضافة تعليق.

التعليقات

105

  4. @shhrzad_8

    السلام عليكم ورحمة الله وبركاته

    اختي احلىا بنوته
    طالبتك طلبه انك تساعديني
    < رمت طرحتها تحت رجل احلىا بنوته
    يا اختي انا صار لي تقريبا 11 شهر محترق شعري الله يسامح اللي كانت السبب
    ماعلينا
    كنت صابغه شعري في صالون وبعد ماغسلوا شعري عن الصبغه اشوف شعري كله يطيح ويتنتف وصار مثل ليفة المواعين مع ان شعري ناعم بس خفيف ونموه بطيء واجد
    وسبب حرق شعري اني قبل ما اصبغه تقريبا باقل من سنه كنت مستخدمه خلطة حناء واعشاب
    وهي الخلطه لتنعيم الشعر و انا ما كنت ادري بالبدايه ان هالخلطه لتنعيم الشعر لاني ما احتاج تنعيم كنت اظنها تغذي فروة الراسواللي باعتني خدعتني وتبي تمشي بضاعتها :angry2: وقالت لي انها تغذي فروة الراس عشان جذيه شريتها واستخدمتها
    وما حطيت في بالي ان الصبغ بعد سنه تقريبا او اقل من سنه بشهر اني لا صبغت شعري بيحترق بسبب هالخلطه الزفت

    ماعلينا ويوم شفته احترق وتنتف بيدي قصيته بوي يعني مافيه طول ابداً ابداً :icon33:



    ومن احترق شعري يمكن صار له 8 شهور وماخليت زيت اللا وحطيته براسي ولا خليت خلطة اللا هرشتها بصلعتي والحين شعري تقريباُ يوصل لنهاية رقبتي
    مع ان شعري بطيء النمو بس حسيتها صار ينمو الحين بس مو بسرعه يعني لسه بطيء بس اسرع من اول
    فـ انا ابي منك حل سريع ويكون اكيييييد وياليتك تساعديني ابي شعر مثل بنات خلق الله والله اني اتضايق لما اشوف شعري قصير من اول والحين زاد حرق شعري الطينه بله :(
    ادري اني وجعت راسك بس والله من القهر لاني صلعت :icon33:
    تحياتي يا الغاليه

تابعي تجارب أخرى من هذا القسم.