بنات لاتحاولون تغيرون ازواجكم مابيتغيرون الى اذا 00 اتفضلوا عند اختكم والحل موجود

حبيبيتى

شو رايج في الزوج اللى يعتبر الكلام العيب كلااام عادي جدا انه ينقال جدام الزوجه وانه الواحد لازم ياخذ راحته جدام زوجته وإلا وين بياخذها ؟؟؟ انا بصراحه قبل كنت اسكت وبعدين قمت انصح وعقب اذكر بالدين والحين بصراحه قمت ازعل وارد عليه بأسلوب ثانى وهو ايعصب من ردة فعلى ؟؟ شو الراي كيف اصلح هالشي فيه ؟؟

وشو رايج في الزوج اللى ايعصب :42:علىادناة الدون وايعصب إذا اتأخر السايق اللى قدامه من الطلعة وأخره ، ايعصب اذا حد بالغلط لف عليه في الشارع ( مع انه محد يبغى يتعور في الشارع يعنى مش مقصود ولو وده صلح سواقة اللى في الشارع كلهم )
انا كنت اسكت وبعدين قلت له اوكي انته الحين عصبت وهم ولا دارين عنك يعنى انته بس اللى توترت أعصابك وانته اللى اتلفت اعصابك !!!
كيف اوجهه

وأخيرا :30:
عنده صديق كان مثل الرجل المحترم واللى مايتعرض لأعراض الناس خوفا على عرضة واللى ايشوف انه محد يستاهل حبه إلا زوجته اللى بياخذها واللى بيعيش وياها أحلا حب عفيف وشريف المهم تزوج ( بنت عمه ) هالرجل وأنصدم:06: بزوجة بارده جنسيا وعاطفيا وبلا مشاعر وبلا غيره ومافيه أهتمام ولا حب وحتى لو بيطلع من الصبح لين المسا مابتسأل عنه وحتى لو حاول ايثير غيرتها بحركات معينه تشعرها بوجود حرمة في حياته طبعا هي نايمه في العسل
طبعا هالرجل انحرف وصارت له علاقات عده وزوجته لاهيه ولا تسأل عنه ووصل لدرجه انه يترك بيته باليوم واليومين ويكون عند وحده من عشيقاته
طبعا زوجي متعاطف وياه لانه دايما ايقول انه زوجته هي الللى دفعته لهالشي وهي سبب خراب هالرجل اللى كان صالح
ويوم اتناقش انا وياه عن صديقة هذا اول شي ايكون عادي بس عقب يزعل ومايرضى في صديقة وايبرر أفعاله
طبعا انا مش عاجبتنى صحبته لهذا الرجل واتمنى انه يبتعد عنه لانه الصاحب ساااحب
وانا ما ابغى زوجي يلقا حد ايساعده على الغلط او حتى ايزين له الغلط حتى لو في قصور في بيته
انا كنت دايما اقول لزوجي انه لو هو يبغى الصح كان تزوج ولا راح بالحرام
حبيبتى شو الحل وكيف اتعامل مع هذا الزوج
علما بأننا متملكين وزواجنا نهاية هالشهر 28/4/2004 :13:

اختي الغالية العنقاء الله يبارك في عرسج 00 ان شالله 00:26: :26:

آآآآآآآآآآآآه اخيرا حد حط مشكلة عشان اطبق عليها ويستفيدون الباقيين 00000تسلمين لي يالعنقاء

شوفي يالغاليه ( ان الله لايغير مابقوم حتى يغيروا ما بأنفسهم )
لاتتوقعين انج بتكونين قادرة تغيرين من ريلج 000 ابدأي التغيير في نفسج انتي يالعنقاء !!!
لاتعصبين لأن العصبية نتائجها عكسيه وسلبيه 00بالعكس كوني هادئة بس ان تكلم وياج بعصبيه إبدئي بالرد بنفس عصبيته وهدي هدي هدي 0000000000فهمتيني ؟!
في البداية على موضوع الكلام المب زين ياعيوني اذا قلتيله لا وعيب وحرام ومن هلكلام مابيقتنع 000
جربي تطبقين عليه نظام الألفة مب مره وحده أكثر عن مرة لان لها مفعول مثل السحر وممكن يكون خاتم فصباعج
بس في البداية لازم تعرفين ريلج من اي نوع من الأنوع اللي بقولج عليها بكتبلج 3 انواع وقوليلي هو اي واحد فيهم طيب :
البصري :
يدرك العالم فقط من خلال الصور ودائما يعبر عنه بالصور كلامه سريعه وتنفسه سريع وحركاته الجسمانيه سريعه يغلب عليه النظر الى الاعلى ويحفظ كل شي يمر من امام عينيه 0000 بصري يكثر من الكلمات الصورية لون , شكل , ضوء وهلنوع انسب طريقة لحفظه إنه يشوف الشي بعينه هلنوع الاول
النوع الثاني السمعي :
صاحب هذا النوع يدرك العالم من خلال سمعه وينظر اليه على هيئة اصوات ويعبر عنه بالاصوات نبرة صوته متوسطة وحركته ايضا يميل باذنه نحوكي ويكثر من الكلمات السمعية مثل : قالوا , سمعنا , تحدثنا ......الخ
يحفظ مايسمعه أكثر مما يراه ولهذا انسب طريقة لحفظه هي التلقين
النوع الثالث الحسي
يدرك العالم وينظر اليه على هيئة مشاعر وصور واحاسيس كلامه هادئ ومنخفض وحركاته هادئة وبطيئة ويغلب عليه النظر للأسفل ويقترب منك عندما يتحدث اليك كما انه يستخدم الكثير من الكلمات الحسية مثل : دفئ , أشعر بأني , أحس0000الخ
ويتميز هلنوع بمهارته ودقته في انجاز أي عمل 0000 يعني عنده ضمير
وافضل طريقه لكي يحفظ هي ان يستشعر ويحس بما يقرأ ويسمع 0000

حددي نوعه ولنا عووووووووده 000 وأهم شي لاتعصبين لأن اذا كانت العصبية حل كنت بقولج عصبي لاترهقين أعصابج وتهدرين طاقاتج لازم توفرينها لشي يفيدج فكري بعقلج000000000 واكثري من الاسترخاء والتنفس بعمق
بنتظاررررررج اختي العنقــــــــــــــــــــــاء0000

مشكوره اختي على الموضوع

مشكوره اختى على ردج السريع

شوفى انا زوجي عصبي وااايد ( يمكن من الوحده اللى عايش فيها هو عايش من 4 سنين بروحده في شقة ) يعنى عااازب على أصول هههههه المهم يبغى كل شي بسرعه ومافيه صبر على شي يعنى مالة طولة بارض على شي وهو يحب الشكل يعنى بعطيج مثال يعنى هو سار خذ مكتبة للصالة اللى عدنا في الشقة بس علشن انه شكله غريب وعجبة
ويوم شفتها أنا حست انه خذت مساحة كبيره من الشقة ومش عمليه لانا مابنقدر نستغل فيه مكان للكتب او اي شي إلا درج قزاز واااحد بالطول ويادوبك ايش شي وهي طبعا بتشل التيلفزيون والفيدو
طيب ايحب ايساعد الناس إذا فعلا حس انهم محتاجين وايحب يسعد الناس وهو ايحب ايحافظ على سمعته جدا أيصلى ومايفوت فرض
هو لاعب في نادي من النوادي المتواجده عدنا وطبعا هذا النادي عامله تفرغ للعب يعنى ما يداوم بس ينزله الراتب من العمل كل شهر عاادي وغيره راتب من النادي
وبصراحه هالشي مضايجنى يعنى بس ما اقدر اغير فيه شي وهو وااايد مونسنه
حبيبتى اعرف انه ايحبنىة وانه مستعد ايسوي لي اي شي بس انا كارهه عصبيته وقلة صبره وبعد انه له نظرة مختله مرررررررررررره عن نظرتى انا للأموووور
يعنى هو جدا متسرع
وانا غير افكر مليون مره قبل لا اتخذ أي قرار

العفوووو اختي الغاليه الصوووووريه 0000:26:

اختي العنقاء زوجكي من النوع البصري 000000
اللي ينظر على العالم ويحكم عليه من شكله نشيط وكثير الحركه مايحب حد يفرض عليه رأي لأنه لما يتخذ قرار يشوف ان هذا القرار صائب بالنسبه له 000يعني ينتبه للشيء الي يشوفه اكثر من الشي الي يسمعه او يحس فيه طريقة تنفسه سريعه نوعا ما ومن الصدر ويتكلم بسرعه ويعتمدون على الحركه لدعم اقوالهم يعني يحرك ايده ووجهه وماشابه يتكلم بصوت مرتفع ويتحرك بسرعه ومايحب البطئ وقراراته فوريه واحيانا يجازف ويغامر بقراره000

انتي لازم تكونين مثله وتتبعين نفس أسلوبه شفتي اللي كتبته عن ريلج اذا كنتي انتي حسيه او سمعيه وماستعملتي وياه نفس نظامه البصري ممكن تحدث خلافات ومشاكل بينكم الحين انتي قادره تحتوينها000

اول شي طبقي وياه نظام الالفه تنفسي نفس طريقة تنفسه نفس حركة وجهه ابتسامته نظرة عيونه حركة ايدينه اعتبريه مرايه قدامج بس بشرط من دون مايحس ولما تتكلمين وياه فأي موضوع لازم تصورين له الموضوع عشان يتأثر وياج ويتفاعل لان ريلج بصري خليه يحس كأنه قاعد يشوف الكلام الي تقولين له ولازم تتلائمين مع طاقته ودام انه نشيط وسريع الحركه لاتكونين العكسسسسسسسس أبداااااااااااا
وجربي هلاسلوب وياه اكثر من مره لين تحسين انج اصبحتي مسيطرة على الوضع وصرتي القائد000
تفاعلي وياه بكل شي لاتعارضينه بلعكس 0000
لوحسيتي موضوع مضايقج قوليله مثلا أنا فاهمة وجهة نظرك ومحترمتها بس أنا قريت مره إن 00000وهكذا
لاتحسيسيه انج تفرضين رايج عليه لان نوع ريلج مايتحمل ان حد يفرض عليه رايه 0طبقي نفس حركات ريلج لاتنسين نفس حركة الراس والكتف
تعبيرات الوجه مثل الشفتان العينان
قلدي حركاته بحذر عشان مايحس انج تقلدينه
نفس طريقة تنفسه وبما انه بصري تكون تنفسه سريع ومن اعلى الصدر
الصوت قلديه بنفس النبرة والسرعة
بعدين عشان تختبرين انج نجحتي وصرتي القائد عليه حاولي تغيرين من حركة جسمج اذا غير جسمه بنفس جركة جسمج يعني نجحتي وتقدرين تاثرين عليه بسهووووووووله
هذا التطبيق تقدرين تسوينه ويا كل حد تبين تأثرين عليه الى الرجال الغرب عنج حراااااام لانه يخلق جومن الألفه والحب وأهم شيء تفاعلي وياه بالكلام ولاتنسين انه ينظر للعالم من خلال الصور والاشكال والالوان وغيرها العبي على هلاسااااااااااااااس

وصدقيني بيصير خاتم بس أهم شيء سوي الي قلته بحذافيررررررررره

وبنتظارررررررررررررررررج العنقاءءءءءءءءءءءءء000000

والزواج مب يوم او يومين اتكيفي ويا ريلج000لازم تحترمين وجهة نظر ريلج والي انتي تشوفين انه مايناسبج هو شايف انه يناسبــــــــــه0000