:( السلام عليكم ورحمة الله وبركاته
حابه اطرح مشكلتي يمكن بينكم مثل حالتي ولقت حل لهالمشكله العويصه
..بقول قصتي كل ابوها يمكن تفيدكم انا وحده خذت جلسات ليزر لازالة شعر الوجه وليتني ماخذتها .. حسبي الله عليه من دكتور ونعم الوكيل صرف لي حبوب قال انها للهرمونات وكذا وهي "كورتيزون" وقالي اكل ست حبات باليوم !!! وانا ياغافلين لكم الله هالكلام من سنتين وكان عمري 19 وعلى بالي كل مايقوله صح الدكتور
المهم كلتهم لمدة شهرين لين ماجتني الدوخه ويالله ينقلوني اهلي للمستشفى شافني دكتور ووريته حبوبي وقام يطالع لي نظرات شفقه :( ويقول هالحبوب تعطى للحالات القصوى حبه وحده لمرضى الضغط هذي حبوب ضغط :icon33: وانا مستغرب كيف ماطحتي من بدري من هالحبوب ( ماشاء الله على جسمي ) << تو الناس
المهم فحصني وطلع جاني الضغط وتشقق جسمي من السمنه وضعف نظري من الحبوب والادهى والامر انحت شعري الحين كملت سنه ونص من تركت الحبوب لليوم ماوقف تساقط شعري مع انه كان يضرب بشعري المثال بغزارته .. اصحى من النوم مخدتي كلها شعر اتروش الصباح اعبي المغطس شعر
امرر ايدي ع شعري تمتلي شعر احس اني بصلع وربي
تكفوووووووون اللي تعرف حل مضمون يرجع لي شعري بكون ممنونتها
اما تشققات جسمي وانا ماكملت ال 21 للحين ابي اروح لدكتور بإذن الله يعالجها لي ولو اني متردده لانها ببطني وجانب صدري ومستحيه اكشف للدكتور هالمنطقتين آآآآآآآآآآآآآه بس
تكفون ادعولي ربي يشافي الم راسي من الضغط اللي مارضى يخليني بعد سنه ونص ويشفي لي جسمي
ويرجع شعري مثل ماكان وأحلى ..
ونصيحه مني : المستشفيات الخاصه لاتضمنوووووونهم واي علاج ينصرف لكم تأكدو من دكتور واثنين وثلاث بعد
والله والله كنت بروح ضحيه غلطة دكتور بس ربي طرح القوه بجسمي
ولا الدكتور قالي الحبوب اللي كلتها مايتحملها المريض من قوها فكيف وانتي مافيك ضغط وست حبات بستين يوم (( 360 حبه كلت )) :( :( :( اكسر خاطر نفسي كل ماتذكر دموعي وانا شايلني ابوي من عند الدكتور ويوصيه ينتبهون لي
مااقول الا حسبي الله ونعم الوكيل
واسمحوووووولي لمعت عيوني وانا اكتب واعتبرتها فضفضه
مقدما : عسى ربي يوووووفق كل من بتساعدني وينولها اللي ببالها يارب ويسعدها بالدارين .. اللهم آمييييين
شاركي في النقاش
سجلي الدخول لإضافة تعليق.
التعليقات
5- حسبي الله على هالدكتور اللي مايخاف ربه
والحمد لله على سلامتك حبيبتي وماتشوفين شر
حبيبتي بالنسبه لمشكلة الشعر والله ما اعرف وياليت اللي يعرفون يعلمونا
بس بقولك شي بالنسبه لصداع الضغط
انا جاني الضغط السنه اللي راحت وبالتحدييد في رمضاان وعمري 25 سنه
وماخليت شي لها الصداع مع ان الدكتور كاتب لي حبوب الضغط
بس الصداااع مستحيل يخف
وطحت لك على حبووب فواار والله ان الصدااع اللي كان مهتك راسي الحمد لله راح
وهي من نفس الحبوب المسكنه حقت سلوبادين اللي كرتونها احمر وتجي حبوب طويله
انا كنت اجربها ولا تنفع معي
ولما جربت الفوار الحمد الله خف
لاتنسين اسم حبوب الفوار سلوبادين
موفقه عيوني وماتشوفينن شر - السلام عليكم ورحمة الله وبركاته
الحمد لله على كل حال انا مثلك واشد لكن انا عندي صلع وراثي وعمري 23 جلدة رأسي مبينة من قدام ...... الحمد لله على كل حال ...الله يشفينا ويشفي كل مريض آمين يارب العالمين
قصتك ذكرتني باختي ......... صار عندها حساسية ...... ووصفها الدكتور كورتيزون تقريبا مثلك كذا ست حبات يوميا .... طبعا هي كانت عارفة انه كورتيزون وعارفه اضراره لكن كانت مضطره لان الحساسية كانت جدا شديدة وماتنتحمل ... واستخدمة تقرييا ست شهور وبعد ماتركته بدا شعرها يطيح خصل خصل .. لين صلعت تقريبا من قدام ....... لكن الحمد لله كم شهر بعدين رجع يطلع مرة ثانية ... صح مارجع زي اول لكن الحمد لله تحسن كثير وبدون علاج ........
فابشري بالخير ان شاء الله فترة وما بتطول وبيرجع ان شاء ا لله - نسيت اقول لك بعد انه زاد وزنها بشكل خيالي ... وطلع عندهاا تشققات ..وخاصة في ايدينها من فوق ... خفت بعد فترة لكن التشققات مازالت باينة جدا الان ... لكن هي ما استخدمت اي علاج
لكن اوصيك اختي بالاستغفار والدعاء وتحري ساعات الاجابة ....... فهي احسن علاج ... وماء زمزم ايضا
أسأل الله العلي العظيم الواحد الاحد الفرد الصمد ان يشفيني ويشفيك ويشفي كل مريض عاجلا غير اجل ,, آمين يارب العالمين - أم ساره وسيلين
تسلمييين يالغلا على ردك :26:
وعسى ربي يشفيك .. وانا ان شاء الله بحصل مشكله لشعري
مابنساه .. ودعواتي لك حبيبتي
كل الشكر - زهرة الجوري
اللهم آمييييييييييين يارب العلمين
وربي كنك توصفين اللي صار لي وانتي تتكلمين عن اختك
لاحول ولاقوة الا بالله وخصوصا الكتفين مثل ماقلتي يدينها من فوق بس احب اقولك انه انا برضو ماستخدمت علاج للتشققات وبكتفي الحمد لله خفت ولو انها قلبت للون الابيض يعني استحاله تروح احين بس هذا لاني ماعالجتها لما كانت حمرا بس لونها كذا رحمه بالنسبه لأول .. الله يشفي أختك يارب ويشفيييييك انتي بعد من طييح الشعر
وعقبال مانحصل علاج لهالشعر :(
مشكوره على ردك
مواضيع مشابهة
تابعي تجارب أخرى من هذا القسم.