تنظيف البيت ....... اكبر مشكله بيني وبين زوجي

يا اخوات انا اقول ان الخمول والكسل هذا سببه فقر الدم

لانه هو اللي يسبب الكســـــــــل

سوي تحليل وماخسرين شي

مشكووووووووووووووووووووورين كل اللي ردوا يا حليلكم

والله حتى انا امي شاطره وشملوووووووووووله والكل يتكلم بشطارتها ونفسي اصير ربع شطارتها ( ما شاء الله تبارك الله لا قوة الا بالله )

امس سويت سحور لاهل زوجي والمطبخ اتكركب كركبه
وغسلت نص المواعين وتعببببببببت واليوم ان شاء الله اكمل


انا كمان احب النظافه والترتيب واحب اقعد بمكان يفتح النفس والروائح العطره

بس اااااااااااااااه من التعب والتكسير اللي احس فيه

السلام عليكم ورحمة الله وبركااته

عزيزتي لازم ترتبي جدول للنظافه


يعني مثلا الحمام الله يكرمك الي تستخدميه انتي وزوجك خليه مرتين في الاسبوع يتنظف لانو مافي احد غيركم يستخدمو
الحمامات الباقيه مره في الاسبوع


المطبخ كل يوم مسحي الدواليب وكنسي الارض وامسحيها


هاتي فوطه وحطيها في مويه وكلوركس وتايد والمنظفات الي تحبيها وامسحي بيها الاارض وطبعا قبلها تكوني كنستي الارض

حاولي كل اسبوع تفكي التلاجه وتخرجي الي فيها من الاشياء الي مالها داعي والي مخزنتها عالفاضي

حاولي تمسحي الثلاجه كل اسبوعين مره من جوه او كل شهر ازا كانت نظيفه من جوه


من بره مسحيها كل يوم مع الدواليب او يوم بعد يوم


الصاله كل يوم لازم تكنسيها وتمسحيها ازا بيتك سراميك


وغرفة النوم نفس الشي كنسيها ومسحيها لو سراميك ومسحي التسريحه والكومودينات والسرير

الصالون حق الضيوف ازا بيتك مو من النوع الي يجيلو ضيوف كتير مره في الاسبوع او مره كل اسبوعين


الشبابيك مره في الاسبوع نظفيها


.....مافي شي صعب كل شي يتسهل اهم شي شدي الهمه :)


والله يسعدك ويسهل لك


ولاتنسيني من دعواااتك

تحيتي

والله مدري اش اقول انا كمان زيك بس انا المصيبة الكبرى
انا لي 4 سنين متزوجة وعندي بنت عمرها 3 سنين وحامل بالثاني يعني قديمة مو لسه في البداية كان لي عذر
وزوجي عنده هوووس بالنظافة
وينقهر لمن يلاقي مواعين ما اتغسلت ويقولي ليه سايبتها دحين تطلع ريحة وتعفن البيت
وهو من النوع الي يسكت لكن لو حصل اقل مشكلة بيني وبينه على اي شي لازم يدخل موضوع التنظيف ويقولي انت مهملة متى حتسيري ست بيت انا حاسس نفسي في بيت عزوبي
ومن هالكلام الي يقهر بس طبعا ما اقدر ارد عليه لانه معاه حق
بس شسوي ما اعرف ارتب وقتي كل ما اشوف عندي شغلة اقول ان شاء الله بكرة لازم اسويها ولمن يجي بكره اكسل وما اسويها
مثلا البيت عندي سيراميك قبل 3 ايام كنت ناوية انظف فبدأت مسحت الغبار وبعدين كنست بالمكنسة الكهرباء وتعبت فقلت خلاص المسح بكرة اول ما اصحى رح امسح
ولحد الان ما مسحت .
نسيت اضيف انه اول ما جبت بنتي جاب زوجي شغالة وقعدت سنتين وبعدين سافرت في هذه الفترة كان يقولي لازم تفضلي وراها تشوفيها سوت الشغل مزبوط ولا لأ
يعني برضه ما ارتحت
ردود البنات مشجعة وحلوة استفدت منها
انا معاكم وان شاء الله نشجع بعض بس رايي انه نفتح لنا ملف جديد غير هذالليوميات