شاركي في النقاش

سجلي الدخول لإضافة تعليق.

التعليقات

278
  1. @goldn_mon

    الطلاق حل وحيد واخير عندما تصل الحياة لطريق مسدود ويصبح الضرر الجسدي والنفسي اكبر من الراحه النفسيه وسكون الروح
    لانشجع الطلاق بأي حال من الاحوال الا اذا استحالت العشره بين االزوجين
  2. @alsmaoy

    صاحبة الموضوع
    (الصيدلانية)
    كلامك يا اخ السماوي جميل جدا ولا غبار عليه لكن لكل انسان عقل يفكر فيه هل يعني رح تاخذ باكثر عدد ردود قالوا لها اتطلقي وتتطلق لا اي انسانه هنا تكتب مشكله رح تلاقي ردود على حسب اسلوبها في الكلام اذا هو كله ذم ومافي مدح من اي ناحية اكيد الكل…
    صدقت أختي ... ولكن أحببت التنبيه فقط ،، وإلا الخطأ هذا قد يصدر من الرجل ومن المرأة ...

    شكرا لغيرتك وأسأل الله أن يصلح أحوال المسلمين ...
  3. @ghrshob_zaabyl

    المشكله ان الناس صارت تستهون فالطلاق،، تقولها عادي وبكل بروود اطلقي وافتكي منه المشكله في زمنا هذا صار الريال اناني والحرمه ماتصبر وتقول ابتلاء تاخذ قشها وتسير بيت اهلها ألحينه ( هذا هو الحل) لاطبعاً لانه إذا واحد مايخاف من ربه بيخليها معلقه في بيت اهلها حتى اشعار آخر ويسير يعربد على راحته ، وإذا يخاف ربه يرجع ياخذها ويطيب خاطرها.

    وبعدين ياللي تنصحين الناس بالطلاق انتي مب عايشه المشكله ويالطرفين يمكن العضوه اللي كاتبه مشكلتها وحده مبالغه في طرحها لمشكلتها يمكن هي تكون غلطانه او يمكن تتوهم، انا ما اقول ان الرياييل منزهين بعد الحريم تراهم مب منزهين.

    المفروض تفهمون ان الدين دين تسامح وموده ورحمه ودايما دينا يحثنا اما ان نقل خيرا او لنصمت.

    لانه الطلاق شي كبيــــــــــــــــــــــــر عند الله ويبغضه وآخر حل يلجأون فيه الطرفين تدرون ليش ؟!!! لانه احب عمل عند ابليس والعياذ بالله تفريق مابين المرء وزوجه،،، ابليس يقرب اعوانه من الشياطين يقوله انا فرقت بين فلان وفلانه يقوله تعال انته من المقربين،، قرار الطلاق المفروض مايكون نابع الا بين الزوجين نفسهم هم اللي يقررون الواحد قد مايقدر يصلح مابينهم او مايدخل ..

    وعلى الزوجه تدرك الغلط او الخلل اللي فيها وين وتصلحه،، معظم الحريم اللي يطرحون مشكلاتهم يقولون احنا مب مقصرات في حقوقهم ،، للأسف يمكن الوحده ماتشوف عيبها او ماتبا تعترف فيه وتكابر،، والريال بطبعه اناني ما يحب النكد مايحب الحرمه العصبيه مايحب الحرمه المسرفه مايحب الحرمه اللي ماتتكشخ وماتتلبس المفروض من الريال انه يعي انه هالحرمه شايله اسمه وعيب يهينها خذها من بيت ابوها معززه ومكرمه وعروووس ،، حرام يرجعها بيت ابوها مهانه ومكسوره، المفروض يفهم انه الحرمه جسمها غير تكوين جسمها كله عباره كيمياء تمر عليها ظروف صحيه وتغييرات هرمونيه وعصبيتها الزايده ساعات تكون غصبن عنها والمفروض انه يفهم ان دينا وصانا بالنساء نزلت سوره كامله فالقرآن توصي على النساء، سيدنا محمد صلى الله عليه وسلم قال "رفقا بالقوارير".

    ياريت قبل لا ننصح اي وحده بالطلاق نحاول نصلح واتركوا يا جماعه شي لله،، حثوا اخواتكم المستغيثات على الاستخاره،، لكن الطلاق لا وألف لا لانه ابغض الحلال عند الله الطلاق..

    واتمنى من كل وحده عندها مشكله مع زوجها تحاول تبحث وين الخلل وتصلحه وتلجأ لرب العالمين بالدعاء وتعتبره ابتلاء وتدعي من قلبها لانه مع الله مافي يأس وباب الرحمن مفتوح دائما وابدا.

    ونتمنى من الرياييل يتركون عنهم حب الذات والانانيه والمفروض الواحد فيهم يحط في باله انها تركت بيت ابوها وحضن امها وعاشت وياه في بيئه مختلفه تماما عن بيئتها عشان تكون شريكة حياته وتصير ام لعياله واحترامه لزوجته معناته احترامه لذاته ورجولته.

    وموفقين جميعا انشالله ..

تابعي تجارب أخرى من هذا القسم.