قدر الله علينا وعندنا عرس وبيتنا على الصندووق.... تهئ تهئ

واخزياااااااااه

[]والله اني مدري وين اودي وجهي بس ورب العزة ان كنبيوتري خربان
ولامن زين الطبايع خبركم بي حريفه كبيوترات<==الله من الشلخ
واجي ابتميلح على اللاب توب واطينها صدتز
وكل ماكتبت رد يمسحه جعله العيطي<==العيطي لغير الناطقين بالعربيه هي دعوة اثريه ما ندري وش تبي
المهم واهيم على وجهي في البقاع والسهوووول والجبال<==حشى هايدي منتيب غادة
ويضيق صدري<==يمدحون راجو الخياط الي جنب البقاله يوسعه
والله وبالله اني قاطعني ماي فيس منكم والله ماقصرتوا جميعااااا جعل دربكم اخضر موب اغبر والله يدفع عنكم البلا والله يصخر لكم ملائكه السماء وجنود الارض والله يديركم فلك بين يدين ملكوالله يستر عليكم دنيااااا واخرة..
<====هاه يزي دعاء والا ازود



نبداء بالردود الي نوروا موضوعي والله غادين تسنكم نجفات انا يوم اقبلت على موضوعي احسبه بيت عروووس من النور اجهرتوني :41:
ارجع واقوووول من جد اسفه كثير على تاخري بالرد بس والله كان كنبيوتري عطلان وموديته يصلح..ارجو انكم تقبلون اسفي ولا تحسبوني سامجه ولا رديت والله تسني على جمر بس متى يطلع علشان ارد..لن فيه ملقف وودووه لي ماشاوروني والا انتسان قلت افهقوا توداته الين ارد على هالاجواد الي هم انتم..يالله ماحصل الا الخير وكل واحد يصلح سيارته[/]


][§][-~المتغـلية ~-][§][:
هلا وغلا حوبي يابعد قلبي تسلمين على الرد وعلى النصيحه وباذن الله يالغاليه باخذ فيها بس ياقلبي الله لايهينك اذا تعرفين رقم شذى وين الاقي ماركة سماش بوكس ؟واكون شاكرة لعيونك العسلية. قالوا لي انها عند مكدونلد هو صدتز؟؟؟:32:

وهايب :

هلا وغلا اشرقت اللنبات ياست الكووووووول مايوحشك غالي حوبي منوره الموضوع بهالطله ولو تئبريني شو مهضومة<==لو تغير الحتسي ياخاله ما تغيرت الخشه اها بس لايكثر.


سمر 16: اهلين سمر منوره عيوني حبيبتي اللمعه هذي تنحط بعد الظل والا كيف الي من كريولاين؟


*~ بــــــــَــــــــَرْد~*:وجودك بالموضوع لوانتس ماجبتي شين جديد نورة يعني انتي وضعتس كنه صفر على الشمال يعني اوضح لتس اكثر تسنه وضع موظف على الرابعه متزوج مدرسه مهيب على البند يعني لايهش ولا ينش يعني مالتس داعي والي ماله داعي ماله داعي وعن الخنبقه<===وش تبي ذي؟
بس من جد نورتي الموضوع ياقلبي ولا احلها ثوريااااااا(لنبه كبيره كلها كرستال نسميها حنا ثريا)<====وشو عقبه عقبه ما صلختي الضعيفة تقولين لها نورت الموضوع:06:


انا اقدع ناس: ونعم فيتس يااقدع ناس تسلمين لي حوبي ابشري يالغاليه باخذ بشورك وسازهبوووو حيسووووو يبيعووون مواد التقميل لرااااه زل لانكوووم<===الله يرحم الحال ياامينه رزق في مسلسه يسرب(يثرب).
نورني مرورك حياتي وعطرتي الموضوع بنصيحتك.


~(( شموخ ))~:

هلا والله وغلا شموخه حوبي وشلونتس وشلون كل من يعز عليتس بس تعالي شوي ابيتس في القرنه كلمه راس


هاللحين انا وش فهمت من علبه الظل الي تمدحينها يعني تبين تغايريني وتنوقعيني بها انها عند اختس
هههههههه امزح حوبي ابشري بروح لتولان واخرشهم واقول مرسلتني شموخ تراني vipعساتس محاسبتهم ولا تناشبتي معهم وتنكبيني.

وبعدين يمدحون ياختي التلفون واذا ماسددتواااا وقاطعينه يمدحون المصنجر(الله طالعه من بؤك مصنجر بتقنن نعومه ايه ودلع ايه) وانتسان كمبيوترتس سياحي ولافيه مصنجريمدحون الرسايل الخاصه يعني ماحلالتس السلام على وهايب الا عندي؟؟ والا اقولولتس جيبي ترميس شاهي وبلم كراث وفصفص ..ودقوها حنك
والله شي الواحد يتعب ويفتح له صفحه ويزحر له في موضوع ثمن يقلبونه تشاتنق<===ياخاله من مزعلتس قطع انه ابو العيال وش سوت الضعيفه سلمت من بعيد والا مشتهيه تطلعين الحرة فيها خفي لاتموصطين بالماوس

الف شكر ياعمري وماقصرتي واشكر مرورك وربي طلتك اسعدتني واستر ماوجهتي.



saudi girl:
ياحيالله بنت السعودية لو عندنا خروف انتسان ذبحناتس له اقصد ذبحانه لتس بس عندي دجاجه دو 900 تنفع والا؟؟

<====شافت الاسم بالانقليزي تحسبها عايشه في امريكا وجايه تزور
<====الخاله تحب تمشي بالدوريات

حبيبتي الف شكر على الاستشارة وانشالله باطمر عند ياسر حق ماك واشوفه الظل <==تمون الاخت تعرف ياسر..


شوكولاته:

ياهلاااااااااااااا وغلاااااااااااااااااا بشكليطه<===تمون بتدلعها
اشرقت عقود اللنبااات وينتس منذو مبطي ما شوفتس<===شوفتس لهجه مهجنه بين المصري والنجدي هذا طبعا لغير الناطقين بالعربيه.
تسلمين يالغاليه على الرد وانا باذن الله راح اخذ بمشورتك اما بالنسبه للعرس الله يبارك بعمرك لو اني معرسه من تسع سنين بس هذي اخت زوجي تعرفين ابتميلح عندهم مرت ولدهم يعنني لو اني لو اقوم من النوم ابجي ازين منهم يحصلون نصي وانا راضيه جمال ودلع ورشاقه واصل وفصل
انا اشهد انهم ربع ثمني<======يختي حيلك حيلك ارحمي نفسك يا برتني سبيرز
<===الله يرحم الحال ياخاله نسينا ايام كريمه مختار..

المهم ياقلبي وربي اسعدتني شوفتك الله يسعدك دنيا واخرة بس اذا ممكن رقم شذى واكون ممنونة.



][§][-~المتغـلية ~-][§][:
نعاود الاتصال مرتن اخرى بالاخت متغليه اللوووووووووووووو مراحب ممكن تقولين اهدائاتك.. نعم ياختي
<====مهيب عاقله اميرة الفضل

مشكوووووووووووووووووووووووووورة بقوة يابعد قلبي على اهتمامك من جد خجلتيني يالغاليه ويحق لك التغلي ياحلوووووو:32:


خلود الرياض:
اهلين وسهلين خلوووووووود تعجبيني ياخطيرة يعني انتي ماشيه على المقوله خير الكلام ماقل ودل
تسنتس انا مرة<===ايه هين

الف شكر وتسلمين على هالطله الي عطرت الموضوع


roma88: وش تقربين لخلود ماشالله ويقولون ان الحريم راعايات هذرة مشالله عليتس حكيمه المفروض مسميتن روحتس لقمانه تذكريني بعمري يومني بزر كنت ولا زلت وخلو لازلت تحتها اربع خطوط حمر منيب راعيه هذرة ابد..
الف شكر ياقلبي وابشري نمر ياسر ونشوف وش عندة في ماك<====مهيب عاقله الين تنتكفخ



lina:
هلا وغلا والله وبالله حبيتس لاني كنت من متابعين عدنان ولينا والله يدفع عن عمرة عبسي تجوز لي تسريحته
الف شكر ياقلبي بس ماقلتي لي نوباا وين احصلها واذا ممكن ارقام شذى وروز وامل المصريه لاني من جد قليل ما احضر زواجات كل الي حولنا قال ايش الموضة الزواجات العائليه على مين هالحركات الا الموضة القعاطة....

غلاية10:

هلا والله وينتس يالقاطعه من زمان ما شفتس واحشتني وش الدنيااااا بتس الين اللحين على خبري بتس في المعقليه ثاني بسطه يسار والله اني يعجبني فيتس كفاحتس وانتس بزنس ويمن خاصه البيزة الي انتي تسوينها ثنين في واحد الي تمسكين بها القدر وممكن تحطيها بكله في كشتس يعني مشالله افكار جيدة
والاجلال الصلاة الاخير الي سويتيه شي ثاني وربي.. الي ينلبس قبل النوووم واذا اذن الفجر يجي الواحد حكه وتقبيص تقل فيه جرب الين يقوم يصلي برضوو انا بصراحه استغرب اللين اللحين ماسجلتي براءه الاختراع..
بس انشالله بامرتس لاني ابي حزمه ديرم وابي حناااااااا وان تسان عندتس حلتيت ومر زين برييييييني ياوخييييييتي..
مرووووورك ياحبيبتي وربي اسعدني وتحملي ماجاتس


يتيمة_أم:
وش هالزين وش هالحلاوة ياحي الله من جااااا نورتس غطى الكهرباء..
ياقليبي ياياتيمه مافهمتيني معليش سامحيني هالنوبه ماجبت معي الكاتلوج بس ماعودها سامحيني ياابله....

ليه ثم ليه وش قالوا لتس احتسي اردووووووو والا بنقالي<===الله من الشر في ذا الدمجه
تعالي لي لي يامي اترجم لتس ترجمتن ماعمرتس شفتيها الوعد في الطلعه:30:

جروووح مايداويها الزمن:

حيالله من جاناااااااا وش هالطله الحلوة تسلمين على اهتمامك والف شكر:27

غادة الصراحة الصراحة الصراحة اني مثلك عمري ما شفت في خفة الدم , ضحكت ضحك يكفي اسبوع,بس ولو عجزتيني وانا احاول اعرف وينك منه ساعة اقول سديراوية وساعة اقول رياضية وساعة اقول شقراوية والاكيد انك منتيب قصيمية,الصراحة عليتس مصطلحات خطيرة.

الله يعافيتس لا تقاطعين تراني مسوية رجيم وفيني كآبة الله لا يوريتس وسعي صدري بمواضيعتس الزينة,

ومثل ما قالوا البنات فيه في ماك ظل روعه اسود بلمعة(كن فيه زري) البارح شايفته بس ما خذته(ابجرب اول الظل الاسود الكربون اللي كلن يمدحه ولا نلقاه الا بطلبية)و يوم رجعت للبيت على العادة تحسفت,:26:

ويييييييييييييينك غادة الغيد ما عاد شفناك عقب سلطة الزهره والله فقدنا سواليفك الحلوه ويوم شفت اسمك والله ما ادري في البدايه وش الموضوع بس قلت اكيد طايحه تنكيت وتعليقات ودخلت...........
و اشتقنا لك، والشدو اللي تقولين عنه ما فيه مثل(ماك) حلو مرررررررررره وفيه اسود فاحم(كربون) واسود فاحم بس بحبيبات لامعه وسعره بين ال55 ريال وال60 ريال حسب المنطقه اللي انتي بتاخذين منها ...........وسلامتك ولا عاد تطوليييييييين علينا انتي وكنبيوترك الخايس <<<<<<< كني سبيت( تبي تكحلها عمتها) شينك ترحيب:01::23::26: