بسم الله الرحمن الرحيم
أول شي أنا إنسانة مؤمنة بقضاء الله وقدره والحمد لله- ومتيقنة بأن الله تعالى ما ابتلى عبده الا ليمتحنه وان عاقبة الصبر الأجر والمثوبة والنصر بالدنيا والآخرة- فالعاقبة للمتقين
لكن أحياناً يكون الأمر ثقيل على الواحد- خاصة لما يتعلق بالأبناء- لأنهم أغلى ما نملك
باختصار عندي ولد عمره تقريبا 9 سنوات- الله يصلحه ويحفظه- ومطلقه من سنوات- الولد نفسيته تعبانه بين هنا وهناك
رجعه لابوه مستحيله- هذا مافيه مجال-
لكن الولد يا قلبي عليه كلماله ثقته بنفسه تهتز اكثر واكثر
زيادة على ان شخصيته ضعيفة نوعا ما- الا ان حتى عيال اقاربنا الي بعمره مهم متقبلينه- من ناحية ما يحتك فيهم دائما- ومن ناحية ثانية مستضعفينه
والصراحة احس ان السبب من اهلهم برضه- اتوقع ان فيه كلام يسمعونه من الاهل (فلان ضعيف- فلان امه مطلقه...) ومن هالحكي الي يخلي الي الإناء ينضح بما فيه!!
المشكلة ان ولدي يواجه نفس المشكلة لما يروح لزيارات اقاربه جهة ابوه- عاد ابوه مطنش مررررره- حتى ولدي مقهور- لانه يبغاه ياخذ الامور ببساطة تحرق الدم
وولدي ينقهر دايم يحس ان الناس ما يحبونه- وانه بدون اصدقاء
والله تعبت وقلبي عورني- فعلاً لما يشكي ويبكي الاقيه صادق- وش اقوله
الصراحة الي لها اطفال من الطلاق عايشه بعذاب- مهما كانت ظروفها تبدو للناس ميسره
شوركم علي- ودعواتكم الصادقة الله يخليكم
شاركي في النقاش
سجلي الدخول لإضافة تعليق.
التعليقات
24- سبحان الله نفس المشكلة
مع ولد اختى عمر7سنوات
ولايلعب مع الاولاد ولايبي يرح المدرسة
لانهم يضربونة ولاعنده احد يدافع عنة
معقولة الطلاق هو الى خلى شخصيتهم تصير كذا؟؟ - انتي حاولي ما تحسسينه بالضعف وارفعي من معنوياته دااااااائما وقولي انت رجالي وسندي ومالي الا الله ثم انت ........ومن هالكلام وعززي من ثقته في نفسه بثقتك فيه...يعني وكلي له بعض الأمور وخليه يتصرف فيها وخليه يشعر انه رجل يعتمد عليه ...
احذري تقولين قدامه كلام يضعفه ولا حتى وانتي تكلمين احد بالتلفون او غيره ترى هم يحسون ويتقمصون الشخصية غصب عنهم........
الله يصلحه ويوفقه ويخليه لك وتشوفينه ان شاء الله رجل ولا كل الرجال....... - ايه يختي- لانه يصير يحس نفسه اقل من الاولاد الباقيين- وانهم متقوين بابوانهم
الولد يحس بالنقص بس الابوان ما على بالهم يفكرون باحتياجات عيالهم
الي مثلهم بباله دائما تساؤل، هل العيب فيه هو- عشان كذا ماله اهل زي الباقيين!
الله المستعان - مشكورة يا عمري والله كلامك رفع معنوياتي شوي
والله احاول ارفع معنوياته- بس احيانا انا اصير محبطه من هالمجتمع الي يقهر والواقع المرير فاعجز
طبعا ماابين قدامه اي شي ممكن يضيق صدره- بس تعرفين هالنوعية من الاطفال حساسين مره- فاحيانا يفهم سبب ضيقي بدون مااقول شي
الله يجزاك خير - .
بسم الله الرحمن الرحيم
صباح الخير اخيتي ..
اولاً لا تجزعي و تكدري خاطرك .. و سلامة قلبك من اي جرح
نصيحتي لكِ يا عزيزتي أنك تتقربين منه اكثر تسمعين له
ولا توافقين على كلامه لما يقول إن ما احد يحبه .. قولي له بالعكس
كلنا نحبك عززي ثقته بنفسه و امتدحيه كثير ..
وثاني شيء حاولي تسجلينه بنادي رياضي مثلاً كراتية .. لأن معروف مثل
هذي الألعاب الرياضية تعزز ثقة الولد بنفسة و تكسبة صداقة خارج محيط العائلة
بمعنى أن يكوّن صداقات بعيد عن اهلك و اهل زوجك لانهم ما يعرفون
بنقطة ضعفة و طلاق والديه ..
نظمي له حياته و اقرأي كثير في كتب علم نفس الأطفال و التربية
راح تلاقين حلول كبيرة ..
لا تقتصرين حياته فقط مع اطفال العائلة قولي له لك اصدقاء الدراسة
وغيرهم .. حاولي أن يتقرب لـ اصدقائه و يدعوهم الى منزلك كل فترة
صدقيني هذي الحركة ترفع من معنوياته كثيراً و ثقته بنفسه ..
علميه أن يكون هو دوماً المبادر في طرح الأفكار و استجذاب اصدقاءه
ادعمي فيه روح القيادة .. ولو كان في اجتماع مع اصحابة اقترحي عليه
أن يعرض عليهم لعبه و انت بدورك تكوني قد اعددتي جوائز هو
من يقوم بتوزيعها لهم خاصة الأن و قد اقترب العيد ..
وأخيراً حبيبتي .. الدعاء لله الواحد الأحد أن يشرح صدرة و يرزقه الصحبة
الطيبة و أن يرزقكِ بره ..
مع فائق محبتي ..
.
مواضيع مشابهة
تابعي تجارب أخرى من هذا القسم.